你好,欢迎来到文山苗族网!
当前位置: 网站首页  >> 苗文空间  >> 文章作品  >> 查看详情

苗文空间

推荐文章

    暂无信息

JAIX SHIK NJAIF

来源: 文山苗族网  日期:2019-04-24 13:06:23  点击:2093  属于:文章作品
杨庭书(Ndeud yeus

Hmongb zux hmongb loul dex zox jit rangf ruas,
Drit nab drout zhib cab xyongt zox ged tlout njot.
 Uat get geuf ndeud suk let rangx nbout shuad,
Ib nzhaik muas lob jaix shik njaif dub lol zos.

Yif hnob jaix nyongs zhit suangf nded,
Zox get gud luas jaos druax ndrenl.
Ndox nquad deb vout zhit hnaod ghangb,
Nghaix nchangt nzhongl dangl shab zhit nzend.

Jeuf dak muax ndout zheus shed zhit doul,
Lak yuad nak shab zox zis draod ghangb mol.
Lob jaix shik njaif lenx lenx plot drok ncit,
Zhit bof lox shab tlox tlit ghuat muas ndros.

Jaix shik njaif yuad zos ghak das.
Lob njoux dak yuad muab mex zhes,
Lox shab kuaf tlox tluak did dangf gongx ab kuab nblongx nbles.
Lob njoux dak yuad muab mex zhes nyaos,
Lox shab kuaf tlox tluak did dangf gongx ab kuab nblongx maos.

Jaix shik njaif ax jaix shik njaif,
Mid juat nzheux nzas changd ndox gob,
Ndox dleb ged nded dlex nkouk ngongt.
Shuab ngoux sangt mex zhit zos zhed,
Wangf mex yuad dout lob rongt nenx nyongs.

Jaix shik njaif ax jaix shik njaif,
Lob shab bongb ntangd faib del mol,
Sangt mex blox longs drout ndox ncongt.
Bluas ghangb bluas zhuas hot zhit zos,
 Njot mex duaf cix hnob duax zuak hlit bongb.

 (Ndeud yeus.2019.4.23nyaob Bangx Dues Langs)

 

文山苗族网
主办:文山州苗学会
站长:张元奇
手机:15308766544
电子邮箱:464402767@qq.com