你好,欢迎来到文山苗族网!
当前位置: 网站首页  >> 苗文空间  >> 文章作品  >> 查看详情

苗文空间

推荐文章

    暂无信息

BLOUB LOB VANGX

来源: 文山苗族网  日期:2019-04-24 13:06:23  点击:1351  属于:文章作品
杨庭书(Ndeud yeus

God muax bloub lob vangx dlangd hend, nyaob hod bloub lob vangx nad faib jaos ib xongt bloub lob jaix ndos.
Dif ib lob vangx jaos ndox chab. mol zos houd vangx, mid juat duax shod shaot, bangx dleub bangx lab tab bangx sad deus nchot nab, nboux nbaif mid mod yangt nchot ghens. Hmongb rex raol laix deb nghuaf haid uat ros reul.
Dif aob lob vangx jaos ndox shod. Hod vangx changd ndox ndris, ab ongt louf ndox ncongt, ghongb longt ndraox zhuas nzhuab ghak sab, mid juat chuab duab yus duax, nongx jiongb nongs njuak ghuax nchot ghens, daox shab ndrous hluak shuab nblongx sed ghak oud, qeut ghel mid muaf shuab ngoux shend ghak yenl. 
Dif beb lob vangx jaos ndox zal. Hod vangx nat, naf juat nzheux nzas mid juat chuab, ndox deb zal ghak ral. Lax deb ghongb longt shad dlangx rab, zid hmangb zid ndongt dlait ndrut ndrenl, daox drongb houd hangd nblongx rens yangt drit nab, dob Hmongb nenx zhangt shab gangx ndris.
Dif bloub lob vangx jaos ndox naot. Hod vangx nbot bangx yangt npongt ndul, ndax deb dleub bous naot chent ngeul, gongx gangb nangl nongs zhit bof blis. Hmongb zux Hmongb loul  zhangt njex nceb drout dif daox, daol zaikt nbaox Hmongb gud luas mol tlat zhab.
Bloub lob vangx nad nbuak uat get, drongx vangs huaf dus dub kheb dreud, yuad ngangs lob dus pinx gaox sangd.

(Ndeud yeus.2019.4.21nyaob Bangx Dues Langs)

 

文山苗族网
主办:文山州苗学会
站长:张元奇
手机:15308766544
电子邮箱:464402767@qq.com