设为首页 加入收藏

用户注册· 联系站长 · · ·

>> 您现在的位置: 文山苗族网 HMONGB BANGX DEUS DEB >> 苗文空间 >> 文章作品 >> 正文
 
 

Nyox Zox Ged Duas

文山苗族网 HMONGB BANGX DEUS DEB·[2015-6-25 17:50:31]

熊芸香

 

Dol nyox mol uat deb draod lol zos zhed, nil ghous ros but ndaos drout hod nguax, nil zos shad zhit doul uat bangt lox. Dol dled nyaob dleb tlout duax shaib nil. Nil zeuf ndros dol dled haik dak: "Hnob nat uat nof, god zos shad hend ax, zhuak sangd dangs gil shot ib hnob."

Dol dled ndros dol nyox shik njaif leuf, nil mol zos daof gouf cangx nzhib drous dol chuk. Dol dled jeuf ndros dol chuk haik dak: "Gud luas nyaob rongt, tangf khaid god mol shaib dix loul nyox, dix loul nyox nil haik zos shad hend, zhuak sangd dangs gil shot ib hnob. God shaib dreud nil lal zos shad das, nil uat dex nof hnyangd tlout lak."

Dol chuk nongs dol dled haik uat nat jek, dis jed draod haik khat dol chik dak: "God ndros gaox haik, dol nyox nil xenx nil dex nof ndout hend, dex nof nil uat, nenb zhuak muab dex hnyangd sub, dangs gil nil zhit sangd mol uat nof, nil yuad nyaob hod nguax shot ib hnob."

Dol chik draod mol haik khat dol ghaib dak: "Dol nyox dex nof zhit dangb ndout hax hnyangd tab, dex nof gus nenb keuk drout nil, nil dob zhit sangd uat lak. Zhit boub bef dol nenb buak zeux hlob nil, jat nil uat dex shib."

Dol ghaib ndros dol nbuat haik dout yif huab zeud, nil haik dak: "Dol nyox yuad sangd zhid ax, zhit sangd uat mol nof lak zhit sangd dongf,  nil sangd mol bef yif shaib buak mol rongt zhud nens. Wef yaos dol zhud nens nat zhit hlob nil, dex nof nil uat ndout duax lal hnyangd tab ghak, zhud nens lak hax muab bangk nbleuf nil maob maob tab. Nil dob zhit sangd uat nof lak."

Nyaob touk lob jaix yuad naox hmaot, dol box zhud nens nghangt khoud mol bob nbuat, dol nbuat jeuf huak uat ndex haik dol box dak: "God muax lob bloub yuad haik khat gaox, dol nyox hlub hout muax nzhik zeud, gaox yuad uat rongt khuab khat nil. Nil zhit chuat sangd ndros gaox uat nof lak, nil xenx gaox keuk dex nof ndout tab hnyangd, zhit dangb zos shad hax ghak nzhuad. Nil haik nil yuad njaif gaox mol, yad mol drout bef khaod ntrad shaib buak muax rongt qeut jat nil nyaob."

Dol box hnaod dol nbuat haik uat nad, nil lol hod zhed nbout deul nab. Dol box haik khat dol yeus dak: "Dol nyox yuad sangd njaif gaox mol lak, nil sangd mol bef yif ntrad rongt zhud zhed. Nzend shad uat nad nchait yuad zhit dout, gaox shait sangd sangd yad muab nil uat jangl uat?"

Dol yeus hnaod haik uat nat, nil nbout zhit doul dangl, gud ghuk jeuf mol drout daof nguax leuf, nil jeuf deud shab muab dol nyox zhongt duas drout hod nguax.

Kod sif dol nyox jeuf uat nad mangl haf duas leuf, ib lot lol zeud zhit dout liaok das.

 

Lob lol ndrual nad keuk beb boub dak, zhit dek ndros aob jangl dex nenb hnyaok mol hnyaok lol, zhit let daof ghangb yol uat jangl mangs haf duas let dob zhit boub. Nil lal khat dout beb dak, zhit dex langf nzhens dex luak haik, hnaod luak haik cuat yangf, yol yuad muax yol let hlub hout, yol yuad mol uat rongt sangd khaod dus yaos das khaod dus yaos dlangx. Ib khaod yol lal zhit dex langf mol kuangd luak uat let jangl lal shik luak yaos let jangl. Yol uat dlangb zhit yad uat duab rongt, yol lak yad muax yol lob njoux guangd duab rongt, zhit mol langf haik dlangb zhit.

 

云南民族大学12级苗语班 熊芸香  Nplaib Hmaob   nzend shout

 

 
【 文章作者:熊芸香 文章来源:熊芸香 点击次数:1759 文章录入:苗族风    责任编辑:苗族风 】 
 
 【发表评论】【加入收藏】【告诉好友】【打印此文】【关闭窗口
 网友评论:(评论内容只代表网友观点,与本站立场无关!)
 
 

 

点击申请点击申请
| 设为首页 | 加入收藏 | 联系站长 | 友情链接 | 版权申明 | 管理登录 | 
云南网警


主办:文山州苗学会
Copyright 2007-2015 © 文山苗族 All Rights Reserved 滇公网安备 53262102000271号

苗山新事:侯 健 七彩苗山:吴德华 苗学研究:李维金 苗山音视:陶志文
苗文空间:张元奇 文学园地:陶兴安 苗山风谣:杨朝山
站长信息:QQ 464402767 邮箱464402767@qq.com 手机 15308766544
 站  长:张 元 奇..技 术:杨 永 平、许 东

信息产业部备案
滇ICP备15005284号