设为首页 加入收藏

用户注册· 联系站长 · · ·

>> 您现在的位置: 文山苗族网 HMONGB BANGX DEUS DEB >> 苗文空间 >> 文章作品 >> 正文
 
 

LOL NDRUAL LOL LUAS

文山苗族网 HMONGB BANGX DEUS DEB·[2015-6-25 17:49:40]

熊芸香

 

1.

Muax ib dol zid nenx nil yos dout ib dol nbuat, nil ncod shab dol nbuat zhit doul, sangd muab dol nbuat laif dangt. Dangb shik dol nbuat nat boub zhed hend, laif leuf ndout ras dob ntrad dout ged lol zhed.

Muab ib hnob, dol zid nenx draod hait dol nbuat mol laif. Dangb guas hmaot gat, nil hot sod dongx lol zhed drout nil dol box dak: Dol nbuat buak lol zhed lak? Nil dol box dak nbuat lol zhed leuf. Nil nbout deul zhit doul, ntet dak: Shait nzhik guak nil lol zaik sod dongx, god bongb ged leuf, ntrad zhit dout ged lol zhed lak.  

 

2.

Shib fub tab tux dif bloub dol nenb zhenf gangd ged, ib blas lob ndox juat hlob nzuax nzas, yaob guaif uat nbaox ndul congx shout ndox yangt nzas nghel lol, dol dus dob huak uat ndex mol ndel Zhub Bax Gaif, ib ndel dout dis jed jeuf zhid. Zhub Bax Gaif ghut dak: Mex ndel cof lak, ndrangl hod dol dleub dleub maol maol let yaos Tangx Senb! Mex ndel god uat dol zhit ax? Yaob guaif deb dak:Nghaix nbuat nghet shab uat luax, huaf nat naox denf nghaix nbuat let yaos yuad jend let yax. Hex hex ...

 

3.

Muax ib dol nangl mangs ib dol chuk nbob, nil zhit boub yuad mol dus jek zhid drout hod zhed muas bangx leuf. Dol nangl nyaob hod zhed ntrad zhit dout ged zhid, nil jeuf buas hlaot ib del bangx, yuad ndros dol chuk shik dud shad. Dol chuk shaib bof dol nangl uat nat jek mangs hef drous ib pleud, gad rens nyaot hout, zangx muas haik dak:Ndox shout dlangb duas yof, hef drous god lak, nyaf god jek nzod nzhik haik mak.

 

4.

   Hnob nat god mol zhed kot maob shaib maob, guk kot maob nos god dak:Mit dob, gaox shangb uat luax yaos uat jangl uat drous ax?God deb dak:Dangs gil nat god mol njis gab, hod kout muax shuab reb ngangs hod leuf, god jeuf duad dol dinf gangb nqok mol nqok lol ek, lenx dus boub daof ghangb duax ib dol nenb aob beb ghuk drout god, luak nchait dak god drous dinf zuf ek shid ros muab ghuk zhongt god nid. God let shangb uat nad.

 

5.

Dol nyuas luad, nil mol ndeuf bangl nzhel nod nzhel, dif ib hnob mol dlangb zhit dob nod zhit dout, dif aob hnob mol lal ib dol nzhel dob nod zhit dout, dif beb hnob nil dob zhit dout nod, khaid nyik rouf ndeuf ndos bangl, dol nzhel zeuf tlat deuf duax haik dak: Gaox yuad duas ax, nax hnob dob muab lox buf lol juab god, lenx dus naox ax! Yaos dak gaox zaif muab lox buf lol juab god, nzhens zhit nzhens god tlat deuf lol aob got dud drout gaox!

 

6.

Muax ib dol ncaik nil deut duab lot, nil dinf nzob lenx dus haik nil deut duab lot. Muax ib hnob nil dak:Lenx dus zaif haik god deut duab lot, god jeuf zhenb let nbout deul lak! Zhit zeux jat nil rongt nyaob!” Nil haik dangl jek zhuak hnaod ib dol dob hluak haik dak:Yid, gaox lob dril uat jangl nded uat luax od...

 

7.

   God naf nzuad deut dangl haik dak nil ndrous muas zhit bof ged zad drout deut, nil guak god bangb nil zad. Bangb nil zad dangl jek, god muab lob shab shod shaot uat zhous god naf dak:God naf, uat zhous gaox muab god yos hlob luax nat, touk god yout gaox buak yaos uat nat bangb god zad drout deut let ax? Lenx naf zhuak haik dak:Lenx dus bangb gaox zad dluat yax, dob yaos gaox muab njoux geuk dangl let.

 

8.

Dol zid nos nil dol dob dak:Mit dob, luf hnob gaox hlob dad, gaox yad yuad box suk let jangl ak?Dol dob deb dak:God luf hnob yad yuad god naf bos, god naf bos dind hlob god das, god lal nyaf nil hend.Dol zid hnaod nil haik uat nat, aob sib nbuas drout nil dol dob dak:Nyuas sik khuad taod duas yax! Zhit boub gaox naf bos yaos god naf gax!Dol dob lal nbout deul deb dak:Gaox hax muax plot haik god ax! God naf gaox dob yuad nyaos dout, uat jangl gaox naf god zeuf yuad zhit dout!

 

9.

Dol naf yeuf, dol zid tab dol senb nzid, nil buab beb dol mol nod nzhel, dol naf yeuf duad dreud bangk nod nzhel nyaob uat hangb nod. Dol senb nzid shaib bof dol naf yeuf nyaob uat nat nil ndros nil zid haik dak:Gaox shaib shaib, gaox zid nyaob uat hangb nod, suk ngouk dol druas baob.Dol zid ib sib nbuas drout nil dol dob, nbout deul dak: Langf haik! Gaox zid let yaos naf druas baob. 

 

10.

Muab ib ras nyaob zhed fangf dinf naox maod, hod qeut naox maod said nyaos dout ngoux nongs. God zhenf naox dreud maod jek zhuak hnaod muax lob shuab ghangb rib ndraod dak:Cuat lenx nyaob rongt! Ndrangl ghangb nat yaos yues Zhangb nbluat nox said drout duaf cix nongs let ib rangx ngoux, dol yeuf Zhangb nat fed duaf cit nyaob rongt laos nyax zax muax ndout duax!Dol nens khat boub nat shot lak ib blas, zaik dreud haik dak: Rangx ngoux nat lob nbet hot uat ‘Kod sif Zhit Yaos Gaox ’!

 

 

云南民族大学12级苗语班 熊芸香  Nplaib Hmaob

 
【 文章作者:熊芸香 文章来源:熊芸香 点击次数:1858 文章录入:苗族风    责任编辑:苗族风 】 
 
 【发表评论】【加入收藏】【告诉好友】【打印此文】【关闭窗口
 网友评论:(评论内容只代表网友观点,与本站立场无关!)
 
 

 

点击申请点击申请
| 设为首页 | 加入收藏 | 联系站长 | 友情链接 | 版权申明 | 管理登录 | 
云南网警


主办:文山州苗学会
Copyright 2007-2015 © 文山苗族 All Rights Reserved 滇公网安备 53262102000271号

苗山新事:侯 健 七彩苗山:吴德华 苗学研究:李维金 苗山音视:陶志文
苗文空间:张元奇 文学园地:陶兴安 苗山风谣:杨朝山
站长信息:QQ 464402767 邮箱464402767@qq.com 手机 15308766544
 站  长:张 元 奇..技 术:杨 永 平、许 东

信息产业部备案
滇ICP备15005284号