设为首页 加入收藏

用户注册· 联系站长 · · ·

>> 您现在的位置: 文山苗族网 HMONGB BANGX DEUS DEB >> 苗文空间 >> 文章作品 >> 正文
 
 

苗文短篇小说:老风家里丰收了

文山苗族网 HMONGB BANGX DEUS DEB·[2015-6-24 17:15:37]

(Dab Neeg Tshiab)

YAWG CUA QOOB LOO SAU PUV TXHAB

老风家里丰收了

Tus sau yog Chij Tsab

作者 张元奇

 

Teb dav, neeg tsawg. Lub zos Yawg Cua nyob ntawd ib txwm liaj teb ntau, xyoo no tseem muaj ntau tsev neeg tawm rooj mus ua zog, muab liaj teb qev rau Yawg Cua ua thiab. Nws muas noob qoob, muas chiv tshuaj, ntiav zog pab. Ua tau ib xyoos, dej nag yeej txeem, neeg los nquag khwv, sau tau qoob qav kaum ntau vam kiv. Lub tsev tseem tsev loj, saum nthab tso tsis nqes, txawm theej ib lub me tsev tav uas nyob ib sab los ua txhab ntim qoob, pem teb nto saum ntab, puv mias. Qoob puv thab qav puv tsev yog dab tsi? Txawm yog li ni ntag lauj.

Yawg Cua muaj ib tug muam npaws nyob hauv nroog, tuaj tsham xyuas Yawg Cua, pom qoob qav ntau ua luaj diam, ntshaw kawg nkaus li lauj. Nws hais rau Yawg Cua tias:

Dab laug aw, koj tej qoob no mas cas yuav ntau ua luaj no li lauj, kuv mas ntshaw koj lub neej kawg nkaus li os.”

Hej hej, hej hej, niag qoob xwb es, zoo dab tsis naj. Yuav yog nej cov uas nyob hauv kiab hauv khw, muaj nyiaj muaj txiaj mas thiaj li hu ua zoo no maj.” Yawg Cua luag ua huj hej tias.

Cas tsis zoo maj, qoob ntau ces txhais tau hais tias koj lub neej zoo las maj. Koj tsis paub lov, peb nyob hauv nroog mas, yam dab tsis los yuav tsum yog rho txiaj muas xwb. Txawm tias muas txhuv los ua tshais ua hmo xwb los, peb ib zaug tsuas kav muas nees nkaum kiv los tsib caug kiv tej no xwb. Yog kuv muaj qoob ntau li koj no mas, xyov yuav zoo siab npaum twg lauj!”

Aub, koj hais tej nyuag no xwb lov? Tej no mas txhawj dab tsi naj. Phauj aw, tsuav noj taus, koj cia li tuaj muab xwb maj. Ris tsis taus los, koj qheb tsheb tuaj thauj los tau li os.” Yawg Cua hais ua lub siab ntxhee yees li.

Ncauj mas hais li, tab sis npaum no qoob, ib tsev neeg peb tug xwb, ntshe yuav noj ib puas xyoo thiaj noj nyog tas uj! Ua cas los yuav tsum muab muag lawm, thiaj li tau me ntsis nyiaj txiag, thiab theej lub txhab tawm los lwm xyoo tau ua qoob los ntim. Kaum ntau vam kiv qoob, yog tias ib kiv ib daim txiaj no mas, los tau kaum ntau vam daim txiaj thiab laiv.

Xav li, Yawg Cua muab tej dej num hauv vaj hauv tsev cob cem rau Pog Cua thiab tus tub Me Cua lawv, yus tawm mus phab nraud nrhiav tswv muas tuaj sau cov qoob.

Tau ib kiab tej, Yawg Cua nrhiav tau tswv muas tuaj thauj qoob, ua cas saib kiag hauv txhab no, niag khoob ntshuv ntshuv, khoob lug lug, ib ntsiav qoob twb tsis pom nyog qhov twg lawm!

Yawg Cua qw qw:

Ej! Koj niam, Me Cua, kuv cov qoob dua twg tas lawm las? Cas ib kiab xwb es neb txawm siv muab kuv cov qoob noj tas huv lug lawm lov?”

Me Cua tawm hauv tsev los, tias:

“Txiv, qoob cia tus phauj hauv nroog tuaj thauj tas lawm lauj.”

Av, tus phauj hauv nroog? Ua li, ua li …… Haij! Nws txawm cia li muab tas huv si mus lawm oj?”

Yog las mav txiv, nws cial hu tau pab tsheb muaj li kaum ntau lub tuaj, nws tias  koj tau hais dua, xav yuav ntau tsawg tuaj muab ntau tsawg, qheb tsheb tuaj thauj los tau.”

Ug ug ug ug ……”

Yawg Cua nres rau ntawd, tag hnub hais tsis tawm ib lo lus.

 

2015-06-24, sau nyob Paj Tawg Lag

 
【 文章作者:张元奇 文章来源:张元奇 点击次数:1953 文章录入:苗族风    责任编辑:苗族风 】 
 
 【发表评论】【加入收藏】【告诉好友】【打印此文】【关闭窗口
 网友评论:(评论内容只代表网友观点,与本站立场无关!)
 
 

 

点击申请点击申请
| 设为首页 | 加入收藏 | 联系站长 | 友情链接 | 版权申明 | 管理登录 | 
云南网警


主办:文山州苗学会
Copyright 2007-2015 © 文山苗族 All Rights Reserved 滇公网安备 53262102000271号

苗山新事:侯 健 七彩苗山:吴德华 苗学研究:李维金 苗山音视:陶志文
苗文空间:张元奇 文学园地:陶兴安 苗山风谣:杨朝山
站长信息:QQ 464402767 邮箱464402767@qq.com 手机 15308766544
 站  长:张 元 奇..技 术:杨 永 平、许 东

信息产业部备案
滇ICP备15005284号