设为首页 加入收藏

用户注册· 联系站长 · · ·

>> 您现在的位置: 文山苗族网 HMONGB BANGX DEUS DEB >> 苗文空间 >> 语文教学 >> 正文
 
 

150 NGHAIT LOL NOS ZOS NJEX SAID BLOUB NDOX NYAOB REX RAOL

文山苗族网 HMONGB BANGX DEUS DEB·[2014-11-26 16:26:20]

150 NGHAIT LOL NOS ZOS NJEX SAID BLOUB NDOX NYAOB REX RAOL

农村法律法规150问

Caik ndeud:Vangf Xongx  Dluas

翻译:侯  健

 

AHUAF ZHANGD GHONGB LONGT NAOX HOUK

 

1. Dob ghongb nenb shik gongf del nbangx uat jenb jif zud zhix yaos uat jangl uat zhangt sheud let ?

Dob ghongb nenb shik gongf del nbangx uat jenb jif zud zhix zhangt sheud let zhud yif muax ndout zhangd ndout yangf, dangb shik yuad muab fax lix yib jif lol zhangt deuf, lob zud zhix nat yuad ndangx dlex nof drout duaf cix, yenx zex yaos lenx dus yenf lol fongf del lob zud zhix nat yaos zif yenf letzhit yenf gongf del uat yuad deuf mol lak doutduax cix uat ged guangd lil、 ndrad dout nyax zax duad houd faib, muab fax lix let guib dingf jaox lol duad ndrox lob zhangb chenx guk uat langx uat luaf lax deb ghongb longt tab nbangx dlex nof.

 

2. Dex ghongb longt zid ndongt guk rongt yuad uat jangl jat nil muax lob nbet?

Dex ghongb longt zid ndongt guk rongt yaos hof gox juab guib dingf let biaob zhund muab nyaob dout fax lix lak yaos xenx zhenf fax guib let guib dingf lol uat buad pinx mol taod rongt nbet lol uat nbet. Lol qeut jaos ghongb longt zid ndongt nat yaos fuf hox gox juab guib dingf let qeut jaos guib dingf tab jaos dout guib fangf let yaob qeux lol jaos let ghongb longt zid ndongt muab nyaob dout fax lix lak yaos xenx zhenf fax guib let guib dingf lol taod lob nbet deb qeut jaos.

 

3. Nongb ghongb fax duif muas nongb yaos uat jangl guib dinf let?

(a) Jaod nongb ghongb guk muas yuad muab uat rongtfaib rongt let tab zhit chuat rongt letmuab hnangb ndruab, dangf jaod zhit dout uat rongt ndruab hod hnangb zhit suangf. Dex nongb ghongb guk ndruab naf hnangb tab dex nongb ghongb lol ndox ndrout lol yuad faib uat ndout hnangb lol ndruab; faib uat ndout hnangb lol ndruab, yuad shout muax yaos lob deb qeut dus ndruab let, yuad baod dex nongb ghongb nat yaos rongt let. (b) Muas nongb  ghongb yuad muax ndeud nbet. Dlaif ndeud nbet yuad khat zos yaos dol nongb lab zhitnbet nongblob deb qeut dus zeuf letzhix liangf zhik biaobjenk yix zhenf mingx let binb haofnongb ghongb shenb changd let ndoub ndeud binb haof tab dex ndoux guk zhaot jait bob lol ndox ndrout lol dex nat. ndeud nbet haik khat let yuad hof jaod nongb ghongb. (c) Muas dex nongb ghongb guk lol ndox ndrout lol, yuad muax ndeud Shuad haik khat. (d) Muas dex nongb ghongb guk zhuangd jib yenb, shout lob hnangb yuad shout muax muas ndeud haik khat,  hax yuad khat das touk shid yuad uat jangl shik let rongt dluat. (e) Nyaob ndox ndrout zhif nongb ghongb jaox lol Zhongb Gox muas let, yuad muax dlaif ndoub ndeud zhik gongf del zhib nongb ghongb, dex nongb ghongb guk lol ndox ndrout lol zhuak bob jaox lol zhif nongb ghongb let sub, zhit bob nyaob drout ndoux hod nat muas mual. Dex nongb ghongb ndox ndout jaox lol shif jaos, yuad muab ghuak dreud jaos, yenx deuf let nongb ghongb zhit bob jaox mol muas mual.

 

4. Dex nenb muas nongb ghongb duif uat jangl shid nongb ghongb muax dol yif wuf lab zhit?

Dex nenb muas nongb ghongb yuad zunb shouk gox juab let fax lix fax guib let zox jit, yuad khat drout dex nenb mual nongb ghongb das dex nongb ghongb nat rongt let janglyuad jangl jaos tab ntuatnyaob lob deb qeut dus let jaos dout naox tab khat bef yangf, yuad duif nongb ghongb let zhix liangf fuf zex.

 

5. Mual nongb ghongb lol jaos yaos das nongb ghongb zhit rongt uat tef bend leuf, yuad jat lenx dus lol boux?

Mual dout nongb ghongb lol jaos yaos das nongb ghongb zhit rongt ek uat tef bend leuf let, dol muas nongb ghongb yuad dout boux, dros boux let nghet muax dol nghet nongb ghongbtouk jaos ntuat shid let nyax zax tab nongb ghongb jaos hnob ghangb yuad muas dout dout let nyax zax. Dol muas nongb ghongb boux leuf, yaos das yaos jaod nenb zhif nongb tab luf dol let zex renf, dol muas nongb ghongb muax jait mol guas dol zhif nongb boux nyax zax drout nil.

 

6. Dol lab zhit yaos nongb juad、 nongb pef ? Fax lix duif jaod nenb guk zhif tab muas nongb juadnongb pef yaos uat jangl nbluat let?

Nggangf zhaofNongb ghongb faxlet guib dinf, muab dex nongb guk zhit yaos uat nongb let jaox lol chongb nongb ghongb tab muab jaox lol uat luf yangf nongb; nongb ghongb let zhongd lefpind zhongdlob deb qeut dus let tab biaob qenbuat jangl jaos ntuas dub tab jaod nongb ghongb zhit hof jeuf yaos nongb juad. Zhix liangf ghel dluat gox juab guib dinf let nongb ghongb biaob zhund; zhix liangf ghel dluat shout lob ploub ndeud haik khet let; nongb ghongb lux leuf let; hod muax nongb ndraox ndout dluat gox juab guib dinf let biaob zhund; hod jaod nongb ghongb muax dex gangb guk yaos gox juab guib dinf let mink yix duix xangf dub yaos nongb juad tab nongb pef.

Zhit bob zhif tab muas nongb juad tab nongb pef. Wex fangk Nongb ghongb fax guib dinf, mol zhif tab muas nongb juad tab nongb pef, yuad jat xenf jix draod shout let renx minx zhenf fud Nongx nixRongd ndongt xenx zhenf zhud guangd buf menx tab Gongb shangb xenx zhenf guand lil jib guangb mol guas jaik hlaot zhit bob zhif nongb tab muas mual, muab dex nongb gaot shout dangt tab muab muas dout let zax shout dangt, yuad npluat zax ndout let muas nongb dout let zax let 5 nbous draod shout 10 nbous draod hod; yuad muab muas dout let zax shout dangt, npluat zax let 2000 dlaif draod shout 50000 dlaif draod hod, yaos dub zos fangf zuif let, yuad nggangf zhaof fax lix lol zhuib jeuf xenx shif zex renf.

 

 

7. Uat jangl dleuk shid nongb ghongb deuf let minx shif jeub fenb lob jaok baob nat?

Yaos shid nongb ghongb deuf let minx shif jeub fenb jaok baob, nenb ndangt bloub yuad tongb gof xix shangb tab tiaox gaik lol dleuk jaok baob. Yaos das nenb ndangt bloub zhit yenf tongb gof xix shangbtiaox gaik lol dleuk jaok baob tab xix shangbtiaox gaik dleuk zhit dout let, kod yil genb jif buab nenb ndangt bloub dlaif ndeud zuak lol ndros Zhongf caix jib gouf shenb qend zhongf caix. Nenb ndangt bloub lak kod yil njangx ndraik qid suf drout Renx minx Fax yenf.

 

8. Dol leb zhit yaos chuax duat ghongb juadchuax duat ghongb pef? Gox juab duif dex nat muax lab zhit guib dinf?

Nggangf zhaof Chuax duat ghongb guangd lil tiaox liflet guib dinf, muab zhit yaos chuax duat ghongb jaox lol chongb chuax duat ghongb tab muax jaod chuax nat jaox lol chongb luf yangf chuax duat ghongb let; chuax let rosnbet tab dlaif ndeud khat shid ndros chuax let chenx fenf tab lob nbet zhit ib yangf let yaos chuax juad; zhit hof chuax duat ghongb let zhix liangf biaob zhundzhit muax ros leufjaox mol yuaf tab duat gangb zeux haf drous ghongb longt let yaos chuax duat ghongb pef.

Zhit bob zhif muas tab shid chuax duat ghongb juad tab chuax duat ghongb pef.  Zhifmuas chuax duat ghongb juadchuax duat ghongb pef let, jat Nongx nix xenx zhenf zhud guand buf menx tab guib dinf Fax lix、 Xenf zhenf fax guib let jaod buf menx nat mol muab dex chuax duat ghongb juad chuax duat ghongb pef shout dangt tab shout muas chuax duat ghongb juadchuat duat ghongb pef dout let zax, yuad nbluat zax ndout dluat muas dout let zax let 1 nbous draod shout 10 nbous draod hod; shout muas chuax duat ghongb juad tab chuax duat ghongb pef dout let zax, yuad nbluat zax 10,0000 dlaif draod hod; qingx jix hnyangd let, jat Nongx nix xenx zhenf zhud guand buf menx muab dlaif ndoub ndeud zhaot jait muas chuax duat ghongb(Nongx yox denb jif zhenf tab Nongx linx shix denb jif zhenf) shout zhes, jat Huaf xox gongb nix xenx zhenf guangd lil buf menx muab dlaif ndeud zhaot jait zhif chuax duat ghongb tab dex ndoub ndeud bob jait zhif chuax duat ghongb( Nongx yox shenb changd xik kok zhenfNongx yox shenb changd pib zhubd wenx jenf) shout zhes; geuf cenx fangf zuif let, yuad ngangf zhaof fax lix zhuib jeuf xenx shif zex renf.

 

9. Zhit ngangf gox juab let guib dinf shid chuax duat ghongb uat bual bloub, yuad drous ndangt dol lab zhit?

Zhit ngangf gox juab haik zos uat jangl shid chuax duat ghongb mol xuax shid chuax, jat Nongx nix xenx zhenf zhud guangd buf menx mol shaib yaos zhuax bual nbouf let jangl, yuad drous khuab, kod yil nbluat zax 30000 dlaif. Geuf chenx fangf zuif let, yuad ngangf zhaof Fax lix lol zhuib jeuf xenx shif zex renf. Yaos jat dex chuax duat ghongb laof drous nenb tab zhax cotwub rangk drous huangx jendgik drous luf yangf dout maob tab uat luf yangf bongb nyax zax leuf, yuad ngangf zhaof Fax lix let guib dinf lol boux nyax zax.

Yaos Fax lixFax guib zhit dout guib dinf let, lob jib guangb dus tab lob dangb wef dus uat rangx uat zhangd ntrad zhud yif guas dob ghongb nenb tab rex raol chuf nenbyuad nyax zaxyuad cuat yangf let, dub yaos tangb paf. Fax lix guib dinf das, lob jib guangb dus tab lob dangb wef dus dub zhit bob uat rangx uat zhangd ntrad zhud yif mol tangb paf drout dob ghongb nenb tab rex raol, hat draod ghangb lol, dob ghongb nenb tab rex raol muax jait zhit ghuad nzhex dex tangb paf nat.

 

11. Dex nyax zax dus yol zhit ghuad nzhex tef drout?

Lob jib guangb dus tab lob dangb wef dus yuad ndros dob ghongb nenb tab rex raol shout xenx zhenfshif nix dex nyax zax nat yuad muax Fax lixFax guibGuib zhangb let yib jif, zhit let dob ghongb nenb tab rex raol muax jait zhit ghuad nzhex.

Lob jib guangb dus tab lob dangb wef dus yuad nbluat zax drout dob ghongb nenb tab rex raol dub yuad muax Fax lixFax guibGuib zhangb let guib dinf. Zhit muax Fax lixFax guibGuib zhangb yib jif ek xuax nbluat nyax zax let, dob ghongb nenb tab rex raol muax jait zhit ghuad nzhex.

 

 

12. Yaos shid drout dex chuax yuaf ghongb longt zid ndongt tab dex chuax duat ghongb longt zid ndongt guk pef uat yol tef bend leuf, yuad mol guas lenx dus boux? Yuad guas boux let fangf wex yaos jaod dus?

Yaos das shid drous dex chuax yuaf ghongb longt zid ndongt tab chuax duat ghongb longt zid ndongt pef jat ghongb longt zid ndongt duas dangl bongb bend leuf, yuad mol guas dol guk muas dex cuat yangf nat boux, dol nenb guk muas dex cuat yangf nat yuad dout boub, drous boux let nghet muax nghet cuat yangfnghet ros tab hnob ghangb yuad shout dout let nyax zax.

 

 

B. NENB TAB JIF HUAF YOS NYUAS

 

1. Jaod jib chud dangb wef dus muax jait nbangx rongt lob deb qeut nat dex dlex nof jif huaf yos nyuas?

XangbMinx cux xangbZhenf let Renx Minx Zhenf Fud tab hod ndrongs let gab daof bangf shif chuf, cunb minx wek yenx huifjib minx wek yenx huif dub yaos muax jait nbangx rongt lob deb qeut nat dex dlex nof guk bangb nenb tab jif huaf yos nyuas, guangf ces luox shix nenb tab jif huaf yos nyuas let shix shib fangb nggangf.

 

2. Lab zhit yaos jif huaf shenb nyuas hox tongx?

Ngangf zhaofYenx Nangx send jif huaf shenb nyuas hox tongx guangd lil zangf xenx bangf fuax》 nghait 2 haik zos: Lob bangf fuax nat haik let jif huaf shenb nyuas hox tongx, yaos haik aob naf zid genb jif gox juab tab beb send let jif huaf shenb nyuas zhenf cexfax guib, tab yol nyaob let lob deb qeut let xangbzhenf renx minx zhenf fud lak yaos gab daof bangf shif chuf, wef yuad haik minx nyaob drout hod jiaf huaf shenb nyuas dex fax lix let qenx lif tab yif vuf, yuad uat ged shangb liangb rongt ek shout uat ndoub ndeud xix yif. Beb sangd mak jif huaf shenb nyuas hox tongx yaos jif huaf shenb nyuas guangd lil buf menx tab aob naf zid haik zos aob naf zid yuad nggangf zhaof gox juab jif huaf shenb nyuas let zhik biaob lol dot nyuas, gox juab yuad bangb nbangx deuf ib cat rongt let yeub huif ek shout let ndoub ndeud xix yif.

 

3. Dex lob jif huaf shenb nyuas nyuas jif sux fux vuf jib geuf nyaob touk bangb uat rangf nyuasjaik nyuas sheud suxbangb shaib maob tab kot maob, buak yaos yuad jat dol nenb drous uat sheud sux yenf let uat dout?

Dex lob jif huaf shenb nyuas nyuas jif sux fux vuf jib geuf nyaob touk bangb uat rangf nyuasjaik nyuas sheud suxbangb shaib maob tab kot maob, yuad dol nenb drous uat sheud sux yenf yif let dout, yuad baod zhenf uat sheud sux dangl dol nenb drous uat sheud sux ib jed rongt laos.

 

4. Xangb zhenf yuad uat jangl let zhangt dout jif huaf shenb nyuas jif sux fux vuf jib geuf?

Dex lob uat dlex nof jif huaf shenb nyuas jif sux fux vuf jib geuf yuad muax jif huaf shenb nyuas jif sux fux vuf jib geuf tab bangb dex box dot nyuas nbangx dot nyuasshaib maob kot maob. Xangbzhenf dub muax zhed kot maob leuf let, zhit bob zhangt ib lob jif huaf shenb nyuas jif sux fux vuf jib geuf chab, dangf shik, hod zhed kot maob yuad muax ib lob kob shix yaos nbangx dex dlex nof jif huaf shenb nyuas jif sux fux vuf, lol uat dex dlex nof jif huaf shenb nyuas jif sux. Xangbzhenf muax zhed kot maob, hat muax jif huaf shenb nyuas jif sux fux vuf jib geuf let, nyal yuad uat rongt nyal dex dlex nof guk jif huaf shenb nyuas jif sux fux vuf.

 

5. Jif huaf shenb nyuas jif shux fux vuf jib geuf tab dex zhed kot maob guk muax jif huaf shenb nyuas jif shux fux vuf dlex nof bangb rex raos nbangx jif huaf shenb nyuas jif shux fux vuf ek zhit shout nyax zax let muax jaod dus?

a. bangb shaib lait nyuas tab zhaot goux; b. nbangx uat dlex nof zhaot tab ntrut lob goux jaik nyuas tab luf yangf muax guif dinf let jif shux; c. ndouk nyuasguaf nyuas tab luf yangf muax guib dinf let jif shux; d. hlaik zox sod nyuas 、 hlaik zox shoud ped tab luf yangf muax guib dinf let jif shux; e. jif huaf shenb nyuas sheud shux gik deuf let maob deb.

 

 

6. Dex nenb duax ndouk ros let jif huaf shenb nyuas yuad jat lenx dus lol guangd lil?

Dex nenb zeud deb qeut mol ndouk ros let jif huaf shenb nyuas yuad jat nil lob ghob deb qeut tab huaf nit nil nyaob let lob deb qeut gaot let renx minx zhenf fub lol uat ged guangd lil, dlex nof jat lob deb qeut guk huaf nat nil nyaob lol nbangx.

 

7. Dex nenb duax ndouk ros huaf nat nyaob let lob deb qeut yos nyuas yuad hof jaod tiaox jenf dus?

Dex naf zid zeud deb qeut nyaob touk yuad deuf yol lob ghob deb qeut, yuad jaox muax hox fax let hunb yenbshenb fenf zhenf, mol hod yol lob ghob deb qeut let xenf renx minx zhenf fud jif huaf shenb nyuas xenx zhenf zhud guangd buf menx lak yaos xangb (zhenf) renx minx zhenf fudgab daof bangf shif chuf taod ndoub ndeud yuad mid nyuas. Mol zos lob deb qeut chab leuf, yuad muab dlaif ndoub ndeud yuad mid nyuas nat jaox mol drout lob qeut chab nat let xangb (zhenf) renx minx zhenf fud lak yaos gab daof bangf shif chuf shaib. Huaf nat nyaob let lob deb qeut gaot let xangb (zhenf) renx minx zhenf fud lak yaos gab daof bangf shif chuf shaib nyuak yol dlaif ndoub ndeud yuad mid nyuas leuf, yuad muab dengb jif jat, hax yuad haik khat boub das nyos mid nyuas yuad jat lob deb qeut chab let xangb (zhenf) renx minx zhenf fud lak yaos gab daof bangf shif chuf lol guangd lil, yaos das ndoub ndeud yos mid nyuas uat dout zhit cix let, yuad draod nzid uat. Hof bel shuab dex tiaox jenf nat, nenb zeud deb qeut let dout nyaob lob deb qeut chab nat yos nyuas.

 

 

8. Yos dout let mid nyuas yaos das nyaob hod tab jeuf muax maob njet jed ek yuad draod yos nzid yuad hof jaod tiaox jenf dus?

Yos dout let mid nyuas yaos das nyaob hod tab jeuf muax maob njet jed, yuad ndros xenf jix renx minx zhenf fud jif huaf shenb nyuas xenx zhenf buf menx taod uat yib xox jenf dinf, daol xenf jix renx minx zhenf fud jif huaf shenb nyuas xenx zhenf buf menx duax shaib yaos zhenb das, let jat zif zhif zheub tab muax qib let shif jix renx minx zhenf fud hot yib xox zhuangb jab lol uat yib xox jenf dinf; nenb ndangt bloub duif yib xox jenf dinf zhenf zhit nzhens let, kod yil mol ndros sendzif zhif qibzhix xax shif renx minx zhenf fud jif huaf shenb nyuas xenx zhenf buf menx draod taod uat jenf dinf. Sendzif zhif qibzjix xax shif renx minx zhenf fud jif huaf shenb nyuas xenx zhenf buf menx uat let yib xox jenx dinf yaos khaod souk leuf. Dex jenf dinf nat yaos hof fax lix guib dinf let, let bob draod yos nyuas nzid.

 

9. Uat juad let tab mual muas jif huaf shenb nyuas zhenf minx let, yuad drous ndangt lab zhit fax lix zex renf?

Uat juad let tab mual muas jif huaf shenb nyuas zhenf minx, jat jif huaf shenb nyuas xenx zhenf buf menx muab muas dout let dex nyax zax shout dangt, yaos das muas dout 5000 dlaif zax draod shout let, yuad nbluat zax let 2 nbous draod shout 10 nbous draod hod;  yaos das muas dout let zax zhit zos 5000 dlaif let nbluat 20000 dlaif zax draod hod;  geuf chenx fangf zuif let, nggangf zhaof fax lix lol zhuib jeuf xenx shif zex renf.

 

10. Wex fangd fax lix shaob shenb let, yuad ndangt lab zhit fax lix zex renf?

Zhit hof fax lix guib dinf nyos nyuas let naf zid, yuad tef del nyax zax guk hot uat shef huif fux yangk fef. Tlout leuf lob jaix hnongs guk luak guas jaod let mangf mol jaod shef huif fux yangk fef, yuad muab jaod dangl, yaos das jaod zhit dangl let, zix hnob guk chuad nghet gaot mol, nggangf zhaof gox juab guib dinf yuad ndout shout zhif nax jenb;  yaos zos jaix zhit mol jaod let, jif huaf shenb nyuas xenx zhenf buf menx yuad taod guas renx minx fax yenf mol qangx zhif shout nyax zax.

 

11. Zhit bob tab zox bloub drout jif huaf shenb nyuas buf menx tab dex deb nggangf zhaof fax lix duax zhix xenx gongb vuf, yuad dout ndangt dol lab zhit fax lix zex renf?

Zhit bob tab zox bloub drout jif huaf shenb nyuas buf menx tab dex deb nggangf zhaof fax lix duax zhix xenx gongb vuf, jat jif huab shenb nyuas xenx zhenf buf menx lol khuab khat tab deut deuf nil dex khaod cof; wex fangd zhif nggangb guangd lil xenx wex let, yuad ngangf zhaof zhif nggangb guangd lil tiaox lif lol nbluat; geuf chenx fangf zuif let, yuad nggangf zhaof fax lix lol zhuib jeuf xenx shif zex renf.

 

12. gongb minxfax renx tab luf lob zud zhix sangd das xenx zhenf jib guangb nyaob touk nbangx uat jif huaf shenb nyuas dlex nof qenb fangf drous yol let hox fax qenx yif, yuad uat jangl uat?

Yuad nggangf zhaof fax lix mol taod guas uat xenx zhenf fux yif lak yaos uat xenx zhenf suf songf.

 

 

13. Nyaob drout rex raol muab ib cat nenb yif jaox lol uat jif huaf shenb nyuas juab tenx jangd lif bangb ceub zhif duf muax dol lab zhit ghangb hout?

Muab ib cat nenb yif jaox lol uat jif huaf shenb nyuas juab tenx jangd lif bangb ceub zhif duf, yaos beb gox juab jif huaf shenb nyuas dlex nof let ib khaod rongt zhud yif, yaos ceub cif rex raol jif huaf shenb nyuas dlex nof uat guas rongt tab ib khaod dlex nof guk nbangx rongt shef huif baod zhangf zhif duf. Nil muax lif drout rex raol zheus yos mid nyuas, guas rex raol let nongb nenb tab nyax zax shef huif hlob hlangd dout rongt, muax lif nbangx rongt sangb nongxrex raol nenb loul ndout ndout dex dlex nof nat, muax lif dout six xenf  5 lob tongd cheux, jat guas rex raol let nongb nenb tab nyax zaxshef huifzib yenxqeut nyaob hlob hlangd fuaf vangf dout rongt, dex nat yaos muax ghangb hout hend let.

 

 

C. NENB LOUL NYAOB REX RAOL LET QENX YIX

 

1.Yenx nangx send let lob jaix nyongs guk uat zox jit maob shab dex nenb loul yaos hnob dus?

Yenx nangx send let lob jaix nyongs guk uat zox jit maob shab dex nenb loul yaos jenf xongt let lob 9 hlit sab 9. 

 

2. Bod zheus xongt let nenb let yaos nenb loul? Fax lix guib dinf jat lenx dus lol yos dex nenb loul?

Nenb bod 60 xongt draod shout jek yaos nenb loul. Nenb loul yos let dobncaik, buas lol dot let dob ncaik, leud naf leud zid lol let dobncaik dub muax jait yos rongt nenb loul. Nenb loul let dob nyuas duas uat ndex leuf let, dex senb nzid dex muax jait lol yos rongt nenb loul.

Dex dob nyuas zhit bob das zhit yuad nenb loul let ghob del ghob deutnenb loul shik ndroux tab draod shik yuad box yeus ek zhit yos dex nenb loul. Dob nyuas let box lak yaos nyangb lak muax jait yos rongt nenb loul. 

 

 

3. Dex dob nyuas yos nenb loul buak uat dout shout ndoub ndeud buad pinx shik faib dreud lol yos loul? Drangb ndoub ndeud haik zos yos nenb loul yuad jat lenx dus lol duad nzhex guas dob nyuas yos loul?

Dex dob nyuas shout nyaos dout ndoub ndeud buad pinx shik faib dreud yos loul, dangf shik yuad jat nenb loul lob shab yenf. Dex dob nyuas nyaob touk faib dreud yos nenb loul, muax got lol yuad haik let, tab yaos das nenb loul yuad guas shout ndoub ndeud faib dreud yos loul let, yuad shout ndoub ndeud lol uat buad pinx. Dlaif ndoub huad pinx yos nenb loul nat yuad jat jib minx wek yenx huifxangb(zhenf) renx minx zhenf fud paf deuf let jib geufcunb minx wek yenx huifnenb loul xix huif tab dex dob nyuas uat dlex nof let khaod qeut lol duad nzhex uat dex dob nyuas uat rongt yol nenb loul.

 

4. Nenb bod zheus xongt let yaos nenb loul hnob nyongs lox? Nenb loul hnob nyongs lox gox juab keuk dol lab zhit yeub huif?

Nenb muax 70 xongt draod shout jek yaos nenb loul hnob nyongs lox leuf, yuad jat dex lob khaod qeut uat dlex nof drout nenb loul muab ib dlaif ndoub ndeud yaos hod send huaf letNenb loul hnob nyongs lox yeub daif zhenfkeut drout nenb loul uat buad pinx. Nenb loul hnob nyongs lox duad dreud dlaif Nenb loul hnob nyongs lox yeub daif zhenfmol dout drout dex vangx uat shit、 dex lob deb qeut rongt shaibbox vux guangdjif nianf guangd ek zhit dout taf nyax zax; mol shaib maob guk chuax sob bangb shaib, zhit dout zax puk tongx guaf haof fef. Nyaob hod rex raol dex nenb loul hnob nyongs lox, zhit dout taf dex zax cunb tix liux tab xangb tongd cheux fef, lak zhit dout tef luf yangf zax guk shef huif jix zib.

 

5. Nenb bod zheus xongt let hot uat shad jax dout nded? Dex nenb loul shad jax dout nded dout gox juab let dex yeub huif dus?

Dex nenb loul bod 100 xongt jek yaos nenb loul shad jax dout nded leuf, yuad jat dex khaod qeut guk uat dlex nof drout nenb luol huaf hod send luaf let ib dlaif ndoub ndeud puad pinxNenb loul bod 100 xongt ndeud rongt nbet.

Nenb loul shad jat dout nded chux lak dout nenb loul shad jax dout nded let daif yif leuf, xenf jix renx minx zhenf fud zhit faib jaix nyongs let bob ib cat nyax zax lol bangb nenb loul shad jax dout nded lol nenx, wef senb buf menx yuad zhit faib jaix nyongs let mol bangb nenb loul shad jax dout nded shaib maob zhit yuad zax.

6. Xangbzhenf renx minx zhenf fud tab paf deuf let jib geufcunb minx wek yenx huif muax jait duif dex dob nyuas guk zhit yos nenb loul caik dol cof shib lab zhit?

Xangbzhenf renx minx zhenf fud tab paf deuf let jib geufgab daof bangf shif chufcunb minx wek yenx huifjib minx wek yenx huif tab dex dob nyuas lob qeut uat dlex nof, muax jait duif dex dob nyuas guk zhit yos nenb loul tab zhit sangd yos nenb loul khuab khat, guas dex dob nyuas uat rongt yos nenb loul.

 

7. Lab zhit yaos rex raol 5 yangf baod zhenf gongb yos? 5 yangf baod zhenf gongb yos haik let yaos jaod dus?

Rex raol 5 yangf baod zhenf gongb yos, haik let yaos nggangf zhaofRex raol 5 yangf baod zhenf gongb yos tiaox liflet guib dinf, nyaob drout naoxhnangdzhed nyaobkongt maobblox ghous dex nat lol bangb ceub dex dob ghongb nenb lob nenb.

Nenb loul、 dex nenb dlis muas dot del dut deut tab dex nyuas nzhuas zhit bod 16 xongt, dex nenb kud zhit doul ghongb longtuat zhit doul langx luaf hat zhit maod naoxzhit muax nyax zax shid, tab dex nenb fax lix guib dinf yuad yos nenb loulyos dob nyuas dangb shik hat zhit muax njais lol yos nenb loul tab dob nyuas let, dout xangd sheuf rex raol 5 yangf baod zhenf gongb yos. 

 

8. Nyaob hod dex dlex nof 5 yangf baod zhenf gongb yos, dex jib cenx buf menx dus tab nil buab let dlex nof yaos lab zhit?

Xenf draod shout let deb qeut cuat jix renx minx zhenf fud minx zhenf buf menx yaos guangd rongt yol lob deb qeut gaot let dlex nof rex raol 5 yangf baod zhenf gongb yos. Xangb minx cux xangbzhenf renx minx zhenf fud guangd lil yol lob deb qeut let dlex nof rex raol 5 yangf baod zhenf gongb yos. Cunb minx wek yenx huif yuad bangb xangbminx cux xangbzhenf renx minx zhenf fud uat rongt rex raol 5 yangf baod zhenf gongb yos.

 

9. Mol taod tab dout 5 yangf baod zhenf gongb yos let let zex cenf yaos let jangl?

Yuad dout rex raol 5 yangf baod zhenf gongb yos, yol yuad sob shout ndoub ndeud shenb qend drout cunb minx wek yenx huif, yaos dex nyuas yout tab dex guk druas baob shout zhit dout ndoub ndeud jat hod raol tab dex nenb boub ndoub ndeud bangb shout. Jat cunb minx wek yenx huif hot duaf cix lol shaib, yaos das hof tiaox lif let nghait 6 jek, yuad nyaob hod raol haik khat drout duaf cix boub; yaos duaf cix dub das yaos zhenb let, jat cunb minx wek yenx huif let yif jenf tab ndoub ndeud sangd mol drout xangbminx cux xangbzhenf renx minx zhenf fud shaib buak hof, xangbminx cux xangbzhenf renx minx zhenf fud zix zaik dout ndoub ndeud nat 20 hnob draod hod yuad haik deuf shend hex yif jenf, hat muab shend hex yif jenf tab ndoub ndeud ib cix sangt mol drout xenf jix renx minx zhenf fud minx zhenf buf menx shend pib. Xenf jix renx minx zhenf fud minx zhenf buf menx yuad zix zaik dout shend hex yif jenf tab ndoub ndeud 20 hnob draod hod yuad uat deuf shend pib jix dinf. Duif pib dout rex raol 5 yangf baod zhenf gongb yos let nenb yif, yuad huaf ndoub ndeudrex raol 5 yangf baod zhenf gongb yos buad pinxdrout; duif dex guk tiaox jenf zhit hof zhit bob pib keuk, dangb shik yuad shout ndoub ndeud haik minx das yaos wef let jangl pib zhit dout. Xangbminx cux xangbzhenf renx minx zhenf fud yuad mol shaib dex nenb guk shout ndeud shenb qend gaot let vangx zhed tab nyax zax yaos uat let jangl, muax dex ral, hax yuad guas xenf jix renx minx zhenf fud minx zhenf buf menx mol shaib tab. Dol nenb guk shout ndeud shenb qendnbangx dlex nof let zud zhix tab rex raol yuad dout bangx tab deb luak nos yol let lol, yuad haik dex lol zhenb zhenb. 

 

10. Dex qenx kuangf dus, xangbminx cux xangbzhenf renx minx zhenf fud let haik khat droux xenf jix renx minx zhenf fud minx zhenf buf menx das muab dlaif ndoub ndeud rex raol 5 yangf baod zhenf gongb yos buad pinxshout draod ghangb? Yuad uat jangl shout draod ghangb?

Dex nenb guk zhit hof tiaox jenf dout rex raol 5 yangf baod zhenf gongb yos guib dinf leuf, cunb minx wek yenx huif lak yaos hod zhed yos loul dex uat dlex nof rex raol 5 yangf baod zhenf gongb yos yuad haik khat xangbminx cux xangbzhenf renx minx zhenf fud, jat xangbminx cux xangbzhenf renx minx zhenf fud mol haik khat xenf jix renx minx zhenf fud minx zhenf buf menx dout bob jait leuf , let muab dlaif ndoub ndeud rex raol 5 yangf baod zhenf gongb yos buad pinxshout draod ghangb.

Dex nenb guk dout rex raol 5 yangf baod zhenf gongb yos duas leuf, daol muab ndenl duas uat tlout, blis sit uat dangl, cunb minx wek yenx huif lak yaos dex qeut uat uat dlex nof rex raol 5 yangf baod zhenf gongb yos yuad haik khat xangbminx cux xangbzhenf renx minx zhenf fud, jat xangbminx cux xangbzhenf renx minx zhenf fud mol haik khat xenf jix renx minx zhenf fud minx zhenf buf menx dout bob jait leuf , let muab dlaif ndoub ndeud rex raol 5 yangf baod zhenf gongb yos buad pinxshout draod ghangb.

 

D. DEX BOX NYAOB REX RAOL LET QENX YIX

 

1.Box nyaob hod rex raol jix tid jenb jif zud zhix muax jaod qenx lif dus?

Box nyaob rex raol let qenx lix muax lax deb chenx baobjix tid jenb jif faib let nyax zaxlax deb drous luak zhenb yongf dout let nyax zax tab ghuat zhed dex nat, dub tab yeus yaos ib yangf let qenx lif. Yaos das yeus mol box yif njet drongx lox huf leuf let, yeus tab dob nyuas dub muax yol nyaob lob raol gaot let rex raol jix tid jenb jif zud zhix chenx yenx let pinx dend qenx lif. Lob zud zhix dus tab dol nenb dus dub zhit bob das muab dol box dus zhit dout yuad voudyuad vuodshik ndroux leufyeus duas leuf lol uat nbet, lol qenb haif dex box nyaob hod rex raol jix tid jenb jif zud zhix let cuat hangf qenx lif.

 

2. Huaf nat let fax lix yaos uat jangl guib dinf dex box let jif chenx qenx let?

Box tab yeus ib yangf muax pinx dend let vangx zhed nyax zax jif chenx qenx, dex nat yaos drous fax lix baod fuf let. Nyaob drout tongx ib lob shunf xif fax lix guib dinf let nenb jif chenx, zhit bob shaib zhit doul dex box. Dex box guk yeus duas leuf muax qenx lif lol jif chenx vangx zhed tab nyax zax, zhit lenx dus lol ndout njoux.

 

 

3. Qenb haif dex box zox shad muax jaod dus?

Fax lix guib dinf dex box zox shad zhit bob qenb haif. Dex yangf guk qenb haix dex box zox shad ndrangl ghangb nat dub yaos fangf fax let, fax lix haik zhit bob uat let muax: zhit bob muab muab nyaos ncaik maol lab nyif duaslaif dangt tab ndouk duas; zhit bob shaib zhit doul dex box guk yos dout nyuas ncaik tab dex box zhit zeux yos nyuas; zhit bob ndaox nenb ntuad yais ndouk dlangb ndouk nzongs lol zhuax bual dex box tab ndouk dex box; zhit bob ndouk tab muab dex box guk dlis muas jis deud tab dex naf bos loul loul laif dangt.

 

4. Lob jib guangb tab zud zhix dus mol bangb dout dex box nyaob hod zhed drous ndouk?

Fax lix guib dinf, zhit bob hod zhed let nenb ndouk box. Gox juab yuad muab deuf cof shib, fangx taid nyaob hod zhed ndouk box. Gongb nggangbminx zhenfsib fax xenf zhenf dex buf menx nat tab chenx xangb jib cenx let qenx zhongf zif zhif zud zhixshef huif tuangx tid, yuad muab fangx taid nyaob hod zhed ndouk box lol uat yol let dlex nof, nggangf zhaof fax lix let guib dinf lol bangb dex box drous ndouk.

Nyaob hod zhed ndouk box、 ndouk mid nyuas tab ndouk nenb loul, dol nenb drous ndouk muax jait haik deuf lol, jib minx wek yenx huifcunb minx wek yenx huif tab dangb wef yuad mol bangb haik tab bangb zud. Duif hod zhed let nenb zhenf drous ndouk, dol nenb drous ndouk muax jait haik deuf lol, jib minx wek yenx huifcunb minx wek yenx huif yuad dout mol zud guas zhit bob ndouk; gongb nggangb jib guangb yuad dout mol zud gas. Nyaob hod zhed ndouk boxnyuas tab nenb loul, dol nenb drous ndouk yuad jait haik deuf, gongb nggangb jib guangb yuad nggangf zhaof zhif nggangb guangd lil chud huaf let fax lix guib dinf lol nbluat dol nenb guk ndouk nenb. 

 

5. Dex box nyaob hod rex raol jix tid jenb jif zud zhix let qenx lif drous qenb haif, muab dol lab zhit cuof shib lol bangb coub? Xangb zhenf renx minx zhenf fud yuad bangb uat dlex nof lab zhit?

Wek fangd fax lix guib dinf, haik das box zhit dout yuad voud、 yuad voudshik ndroux tab yeus duas leuf, ek lol qenb haif dex box nyaob drout hod rex raol jix tid jenb jif zud zhix let cuat yangf qenx yix, lak yaos haik dex yeus lol njet drongx, qenb haif dex yeus njet drongx nyaob drout hod rex raol jix tid jenb jif zud zhix let pinx dend qenx yix, jat xangb zhenf renx minx zhenf fud duad dreud fax lix mol haik; dol nenb guk drous haf lak yod yil nggangf zhaof fax lix mol taod guas rex raol lax deb chenx baob zhongf caix jib geuf bangb zhongf caix, yaos das mol qid suf drout renx minx fax yenf, renx minx fax yenf yuad nggangf zhaof fax lix lol sheuf lik.

 

E. DEX NENB ZHIT DOUT DAD HLUAK NYAOB REX RAOL LET QENX YIX

 

1. Hod ndeud fax lix uat jangl guin dinf jaod nenb dus yaos zhit dout dad hluak?

Hod ndeud fax lix haik let jaod nenb zhit dout dad hluak yaos dex yob hluak guk zhit dout bod 18 xongt.

 

2. Dlex nof baod fuf jaod nenb zhit dout dad hluak yuad zaox dex yenx zex ged jait dus?

Dlex nof baod fuf jaod nenb zhit dout dad hluak yuad zaox dex yenx zex ged jait ndrangl ghangb nat:  a. yuad baod zhangf jaod nenb zhit dout dad hluak let hox fax qenx yix;  b. yuad drongl jaod nenb zhit dout dad hluak let blax plot;  c. yuad uat dex yangf dlex nof hof jaod nenb zhit dout dad hluad lob shab sangd;  d. yuad muab khuab khat tab baod fuf nyef uat des lol deut khat jaod nenb zhit dout dad hluak.

 

3. Nyaob hod dex dlex nof baod fuf nenb zhit dout dad hluak, yaos jaod jib guangb tab jaod nenb dus muax zex renf?

Baod fuf jaod nenb zhit dout dad hluak yaos lob shef huif nat let ib khaod dlex naf, zhuak yuad duaf nzhux uat ib del, shid deuf cuat khaod let dlangl ros, baod fuf jaod nenb zhit dout dad hluak let dlex nof let uat dout ngangs shab. Genb jifZhongb Huax Renx Minx Gongf Hox Gox jaod nenb zhit dout dad hluak baod fuf faxlet yaob qeux, beb gox juab jaod nenb zhit dout dad hluak let baod fuf faib muax zhed nenb baod fufzhed geud ndeud baod fufshef huif baod fufsib fax baod fuf dex nat, muax dlex nof baod fuf nenb zhit dout dad hluak let buf menx tab nenb dub yuad muab deuf rongt zhud yif, lol wex fuf jaod nenb zhit dout dad hluak let hox fax qenx yix.

 

4. Huaf nat muax jaod dob ncaik guk zhit dad hluak dus yuad jat shef huif lol uat duab rongt khuab khat, tab uat duab rongt lol bangb buab?

Huaf nat dex nenb zhit dout dad hluak let bloub ndox yif duax yif ndout, khuab khat dex nyuas guk naf zid shik ndroux leufhod zhed lob nenb zaof nyefnaf zid deuf drongx ndouk ros, shef huif yuad zhof dout shaib bof, yuad maob shab, dangd zhenf jib guangbqib shif nix dangb weif tab sheb qibrex raol dex jib cenx dangb wef nat, yuad dout uat rongt mol bangb tab deut khat.

Yuad maob shab tab khuab khat dex nyuas, yuad khuab khat dex nyuas tex bix yaos touk dex nyuas zhit dout geuf ndeud jeuf yuad uat rongt deut tab khat dex mid nyuas nat boub dangb tab boub gangb boub ged, jat dex nyuas ndout ndros luas ndout uat shit. Lak yuad khuab khat dex naf zid boub gangb boub ged boub zox jit, deut khat nil buab uat jangl khuab khat dob nyuas mol ib zox rongt ged. Yuad muab khuab khat dob nyuas khat dout rongt zhit rongt jaox lol uat ib yangx rongt dlex nof shik dud.

Yuad muab dex nenb mol ndouk ros let dob nyuas zox ged geuf ndeud zhaot drout ndruab shab. Dex nenb mol hod ndrongs ndouk ros, zhenf fud yuad bangb uat rongt dex nenb ndouk ros let dob nyuas muax ndeud geuf zhit zhes. Dex nenb mol ndouk ros lob ghob deb qeut let zhenf fud lak yuad uat rongt cuat khaod dlex nof guk bangb dex nenb deuf mol ndouk ros. Minx zhenf buf menx let lob qeut bangb coub mid nyuas fux lif , yuad nggangf zhaof Zhongb Huax Renx Minx Gongf Hox Gox jaod nenb zhit dout dad hluak baod fuf faxtab luf yangf fax lix fax guib haik let uat rongt dex dlex nof bangb coub tab jeuf dex mid nyuas zhit muax naf zid tab dex mid nyuas zheus del zheus deut.

 

 

5. Xangbzhenf renx minx zhenf fud nyaob drout fangx taid jaod nenb zhit dad hluak uat cof bloub muax dex dlex nof dus?

Fangx taid jaod nenb zhit dout dad hluak uat cof bloub, yuad nyaob jex renx minx zhenf fud let zud zhix link daof, shix xenx zongb hox zhif lik. Renx minx zhenf fud let dlex nof muax:  a. yuad dinf deuf fangx taid jaod nenb zhit dout dad hluak uat cof bloub let gongb zox guib huaf;  b. zud zhixxix tiaox gongb nggangbjaof yeuxwenx huaf dex zhenf fud buf menx nat tab shef huif zud zhix lol bangb uat fangx taid jaod nenb zhit dout dad hluak uat cof bloub let dlex nof;  c. yuad mol jend chuax dex fax lix guk baod huf jaod nenb zhit dout dad hluak nbangx dout let jangl tab gongb zox guib huaf nbangx dout let jangl;  d. yuad zongd jixtuib guangd dex rongt zhud yif guk fangx taid jaod nenb zhit dout dad hluak uat cof bloub, muab dend lab drout dex guk uat dlex nof rongt ndongt, jat buab muax blax muax plot.

 

 

6. Rex raol cunb minx wek yenx huif nyaob dex dlex nof fangx taid jaod nenb zhit dout dad hluak uat cof bloub muax dex dlex nof dus?

Genb jif Zhongb Huax Renx Minx Gongf Hox Gox jaod nenb zhit dout dad hluak baod fuf fax》 let ib cat guib dinf, rex raol cunb minx wek yenx huif nyaob dex dlex nof fangx taid jaod nenb zhit dout dad hluak muax let ndrangl ghangb nat:

a. yuad uat rongt muax zhenb duif xenf let fangx taid jaod nenb zhit dout dad hluak uat cof bloub let fax zhif xenb chuangx;  b. gongb nggangb jib guangb yuad uat rongt hod dex zhed geuf ndeud gheb nghelngheb ndrangb njis ndos let zhif nggangb guangd lil, yaos das dex zhed geuf ndeud gheb nghelgheb ndrangb njis ndos muax nenb zox bloub yuad ndeul ndas muab laof lil dangt, rex raol cunb minx wek yenx huif yuad bangb gongb nggangb jib guangb dex dlex nof guk guas zhed geuf ndeud gheb nghelgheb ndrangb njis ndos dax dol;  c. rex raol cunb minx wek yenx huif yuad boub yol lob deb qeut dex nenb duax ndouk ros let dob nyuas muax ndout zheus zhit dout geuf ndeudmuax ndout zheus zhit muax dlex nof uat. Duif dex nenb duax ndouk ros let dob nyuas uat yuaf ged let, yuad guas naf zid ndeul ndas khuat khat;  d. yuad baod fuf dex jaod zhit dout dad hluak guk drous naf zid tab gud dix nenx zhangt ndouk tab zhit yuad leuf, yuad shaib yaos uat let jangl muab deuf bangb ceub let cof shib, yuad sob muab jeuf dout let haik;  e. duif jaod nenb zhit dad hluak zhit bod 16 xongt uat cof bloub ek zhit keuk xenx shif chud huaf tab zhit dout xenx shif chud huaf, lak yaos drous pangf xenx dangf shik zhit geutdrous pangf xenx ek huangk xenx、 drous juad zhaot deuf lol, yuad ntrad zhud yif lol bangb tab khuab, yuad bangb sib fax jib guangb uat rongt khuab khat jaod nenb zhit dout dad hluak mol uat dex dlex nof khuab khat, taod guas deb nenb loul guk boub ndoub boub ndeudboub gangb boub gedboub zox boub jit guk maob shab jaod nenb zhit dout dad hluak mol bangb khuab khat dex nyuas nat.

 

7. Rex raol jeuf dex nyuas nzhuas yuad zhuf yif dex bloub ndox dus?

Zhit dourt ib huaf shuad dangl, qenx gox dex nyuas guk zhit muax naf zid leuf tab zhit muax nenb taox muax 573000 lenx, nil buab zhit muax naf zid, zhit muax nenb dot yos, lob nenx uat zaof nyef nzhuad, nad yaos shef huif fux lif shif nix tab shef huif bangb jeuf let ib yangf dlex nof hnangd hend. Let ndeuf beb yuad muab dex dlex nof guk jeuf dex nyuas nzhuas uat guas rongt. Haik zos rex raol, touk bangb jeuf dex nyuas nzhuas yuad zhuf yif jaod bloub ndox ndrangl ghangb nat:

a. yuad guas dex nyuas nzhuas muax qeut nyaob. Nyuas nzhuas nyaob let lob raol gaot let cunb minx wek yenx huif yuad muab rod rongt, jat dol nyuas nzhuas nyaob let lob raol gaot let cunb minx wek yenx huif lol rod let, kod yil jat muab keut drout dex nenb yif guk yenf bangb dot tab muax dlangl ros lol dot lol dot yos nyuas nzhuas; b. yuad baod zhenf guas dol nyuas nzhuas muax naox muax houk tab nil let hox fax qenx yix. Cuat lob muax yangf dlex nof nat let buf menx yuad uat rongt nbangx dlex nof, zhif dinf zhenf cex tab lox shix zhenf cex, duad del shit muab jeuf dot nyuas nzhuas dex dlex nof nat uat rongt. Yuad shaib yol lob deb qeut let qinx kuangf faib zhed drout nyuas nzhuas dout nyaob. Nenb dot yos nyuas nzhuas yuad bangb dex nyuas nzhuas guk muax zhed muab zhed kot guas druax. Nyaob drout rex raol let dex nyuas nzhuas guk zhit muax zhed nyaob jat nil hlob dad hluak leuf, xangb (zhenf) zhenf fud tab cunb minx wek yenx huif yuad hot nenb bangb uat zhed drout nil nyaob. Dex nyuas nzhuas guk nyaob drout hod mid nyuas fux lif jib geuf hlob dad hluak jaox nyangb yuad yeus leuf, yaos das mol nyaob jaod zhed guk zhenf fud uat ek nghet ghel, zhuak yuad nil shout ndoub ndeud taod, lob deb qeut gaot let zhenf fud tab jenf sheb (fangx dif changd) buf menx yuad sob muas tab drout drout nil nyaob; c. minx zhenf buf menx yuad muax dex nyuas nzhuas guk hof tiaox jenf ek nyaob sangd muab drout hod chenx xangb kot maob shik bangb zhif duf; dex lob deb qeut dub uat rex raol hox zox kot maob chab shif dind, yuad shid dex nyax zax guk kot maob jeuf zhuf jib jenb lol bangb rex raol dex nyuas nzhuas cangb juab rex raol hox zox kot maob chab, dex zax kot maob yuad nggangf lob deb qeut gaot rex raol hox zox kot maob chab let zhif duf guib dinf lol baof xaob leuf zhenf tef zhit doul zax kot maob let, yuad guas minx zhenf buf menx muab jaod nyax zax guk kot maob jeuf zhuf jib jenb lol bangb tef.

 

 

8. Uat jangl cif kot xangb zhenf tab rex raol jaod nenb zhit dout dad hluak lob qeut uat shit guk zhenf fud tef nyax zax?

Yuad uat rongt fax huib jaod nenb zhit dout dad hluak lob qeut uat shit let dex gongb nenx guk khuab khat tab shik bangb. Shef qib tab rex raol let dex qeut uat shit yuad fax huif nil nyaob drout jib cenxfangb binf dex nyuas dout rongt uat shit let yeub shif, tab zhed geuf ndeud uat rongt pef hox, muab dex lob jaix zhaot shout tab touk zhit geuf ndeud let jaix nyongs, zud zhix ndout zhangd muax ghangb muax houduat ged vangx luas, zud zhix dex naf zid dros dex dob nyuas uat ged gongf ged vangx luas. Yuad muab shef qib tab rex raol dex nenb zhit dout dad hluak let ged vangx luas dros  4 ngangs shef qib、“3 yangf dlex nof nghel xangbzhif yenf fux vuf dex ghangb hout nat nzhux uat ged, dros cuat zhangd jaof yeux zib yenx uat ged, guas dex ged vangx ged luas nat muax ghangb muax houd. Dex nyuas dob hluak ncaik hual geuf ndeud lob qeut uat ged vangx luas yuad congb fenb fax huib dex yeub shif guk tid yenf xenfshix jend xenfcangb yik xenf lox, zud zhix dob geuf ndeud mol uat lax uat debgeuf dob draos zox ged, guas dex dob geuf ndeud nyaob touk guk mol uat dex dlex nof nat boub ghangb boub houd, boub jangx boub jel, boub zox boub jit.

 

9. Dol lab zhit hot guas dex nyuas mol uat dlex nof hnangd? Beb gox juab let fax lix duif guas nyuas mol uat dlex nof hnangd muax jaod guib dinf dus?

Guas jaod nenb zhit bout dad hluak zhit bod 16 xongt mol uat dlex nof hnangd, yaos fax lix zhit bob let, fax lix guib dinf, zhit bob gox juab jib guangbshef huif tuangx tidqib shif nix dangb wefminx bangf zhit yaos qib nix tab dex nenb uat langx uat luaf mol guas dex mid nyuas duax uat dlex nof; zhit bob lob dangb wek dus tab lenx dus khat dlex nof drout dex nenb zhit dout dad hluak zhit bod 16 xongt mol uat; zhit bob jaod nenb zhit dout dad hluak zhit bod 16 xongt mol uat langx uat luaf.

Jaod nenb zhit bout dad hluak zhit bod 16 xongt let naf zid tab gud dix nenx zhangt zhaot njoux jat ndros luak mol ndouk ros uat dlex nof let, lob deb qeut ndeuf let xangb (zhenf) renx minx zhenf fudchenx shif gab daof bangf shif chuf tab cunb minx wek yenx huifjib minx wek yenx huif muax jait mol khuab khat jaod nenb zhit dout dad hluak let naf zid gud dix nenx zhangt.

 

10. Nbangx dlex nof taid yangx yenb zhit bob jaod nenb zhit dout dad hluak gik drous, yaos jaod buf menx tab dangb wek dus let dlex nof?

Yenx nangx send nyaob droux Zhongb gox ghangb deb dos ndrif, ndox ndrout let bloub ndox cod hend, dlex nof zhit bob houk yangx yenb uat luaf yangx yenb deud del hend, cuat lob buf menx tab dangb wef, hax muax cuat yif nenb yif tab cuat lenx dub muax jait muab yangx yenb did taid drout ndox ndrout, zhit bob ngangs lol.

Nyaob drout rex raol, cunb minx wek yenx huif yuad nyaob drout hod dlaif ndoub ndeud cunb minx gongb yox haik muax zhit bob houk yangx yenb tab uat luaf yangx yenb, yuad haik khat drout duaf cix dout boub, guas duax cix nongs haik. Naf zid gud dix nenx zhangt yuad khuab khat jaox nenb zhit dout dad hluak zhit mol gik rel yangx yenb, yaos das jaod nenb zhit dout dad hluak houk drous yangx yenb, naf zid gud dix nenx zhangt yuad guangd ndrox, guas nil muab jaik leuf. Zhed geuf ndeud bof muax dob geuf ndeud houk yangx yenb, yuad ndeul ndas haik khat gongb nggangb jib guangb, yuad ndros gongb nggangb jib guangb tab naf zid uat ged khuab khat, guas nil jaik yenb, jaod dob geuf ndeud guk houk yangx yenb ek dub muab jaik leuf draod duax geuf ndeud, yuad uat rongt khuab khat tab shaib ndrox, zhit bob shaib zhit doul nil buab.

 

 

11. Duif jaod nenb gik drous maob AIDS(aif zib) lak yaob dex yif nenb maob AIDS let mid nyuas, muax jaod fax lix dus yaos baod fuf nil buab let?

Genb jif Fangx taid maob AIDS( aif zib) tiaox lif, lob dangb wek tab dol nenb dus dub zhit bob shaib zhit doul dex nenb gik drous maob AIDS tab nil zhed nenb. Dex nenb gik drous maob AIDSdob maob AIDS tab nil zhed nenb mol kot maobgeuf ndeud dex hox fax qenx yix nat drous fax lix baod fuf.  Dex nenb drous maob AIDS lob nenx zaof nyef zhes let nyuas nzhuas tab nenb gik drous maob AIDS let dob nyuas mol geuf ndeud let, yuad zhit shout nil buab let nyax zax; mol geuf ndeud mid nyuas tab geuf ndeud gheb ndrangb let, lak zhit shout zax geuf ndeud.

 

 

F. DOB NDOUK ROS LET QENX YIX

 

1. Gox juab zox ged deut khat dex dlex nof guk haik zos dob ndouk ros tab jib bend yenx zex yaos lab zhit?

Zox ged deut khat: muab Dengf Xaod Pingx lik lunf tab  beb lob daif biaod zhongf yaof sib xangd lol uat ged deut khat, nggangf zhaof lox shix kob xox fax zhangd guangb tab cif kot shef zhud yif lob nenx shik hof lob yaob qeux, jenb chix gaik fangf sib xangd, bloub ndox yaos let jangl jeuf zaox let jangl, shid ros nbangx das; jenb chix congx beb gox juab let bloub ndox nghel del, tongd cheux gab longs tab rex raol zox ged hlob hlangd; jenb chix muab nenb jaox lol uat cuat zhangd dlex nof lob houd bol, nbangx rongt dob ndouk ros let qenx lif. Yuad muab zhenf cex lil cangb lil cuat, ntrad ged plik hlongb guas tid zhif tab zhif duf rongt duax, cif kot guas gab longs tab rex raol dub muax zox ged rongt ntrad dlex nof yangf zox jit, yuad guas dex dob ndouk ros let hox fax qenx yix muax zhenf cex tab fax lix lol bangb coub, cif kot dob ndouk ros lob nenx guk nyaob gab longs tab rex raol let gongb gongf fux vuf tid zhif tab zhif duf, muab rex raol dex dob ros zox ged ntrad nyax zax uat guas dlangd duax, baod fuf tab uat guas dex dob ndoux ros lob shab gangx, coub cif guas gab longs tab rex raol zox ged nyax zax uat changd ndox los, guas yangx dex nof cif kot shef huif zhud yif rex raol chab tab zhongb gox tex sex let gongb nix huafgab longs huafxenf daif huaf hlob hlangd guas rongt. 

Jib bend yenx zex:  a. gongb pinx duif daf, lenx lenx ib yangf. Maob shab tab fuf rongt dob ndouk ros let hox fax qenx yix, yuad muab dex ndoub ndeud zox jit guk drous shaib zhit doul zhit jat dex dob ndouk ros mol hod gab longs ndouk ros laif zhes, jat nil buab tab hod gab longs dex nenb uat zhenf fud dlex nof ib yangf muax plot ncak.  b. qangx huaf fux vuf, guangd lil cangb cuat. Plik hlongd zhenf fud zhix nenx, nbangx rongt uat druax duif dob ndouk ros let gongb gongf fux vuf tab shef huif guangd lil, yuad jat qib nixshef qibtab zhongb gaif zud zhix uat deuf ghangb houd, bangb tab coub guas dob ndouk ros lob nenx tab yangf dlex nof rongt duax.  c. tongd choux guib huaf, deut khat hof ged. Yuad jat rex raol dex dob ndouk ros mol luf lob deb qeut tab nyaob yol deb qeut uat ros zox ged nat nzhux dout uat ged. Yuad khat ged drout dex dob ghongb nenb mol hod ndrongs ndouk ros, lak yuad shid ros uat rongt huaf zhangd xangb zhenf qib nix tab yol lob xenf muax qeut ntrad nyax zax, jat dex dob ghongb nenb nyaob yol deb qeut jeuf muax dlex nof uat muax qeut ntrad nyax zax.  d. shaib buab zeux uat lab zhit, jeuf khat lab zhit. Lob deb qeut guk las duax uat ros tab lob deb qeut guk muax nenb duax uat ros dub yuad bangb dlex nof drout dex dob ndouk ros nzhib drous let bloub ndox. Yuad guas cuat lob deb qeut shaib yol lob deb qeut yaos let jangl, ntrad deuf ib rangx rongt zhud yif lol baod fuf tab bangb ceubdob ndouk ros let qenx yif tab rex raol dex nenb sangd deuf mol ndouk ros.  e. sheud drout hnob nat, muas shaib daof ndex. Yuad bangb dex dob ndouk ros dleuk rongt bloub ndox, lak yuad yib kaof gaid gex tab huaf zhangd, mol dleuk rongt dex bloub ndox guk ncod dluat, muab dex jangs guk uat guas dob ndouk ros bual shab hlaik dangt, baod fuf dob ndouk ros let qenx yix.

 

 

2. Dob ndouk ros let jib bend qenx lif yaos jaod dus?

Dob ndouk ros yaos gongb renx gaib jix, nil buab ndros luf yangf nenb uat dlex nof yaos ib yangf let, xenf fax tab fax lix lak keuk qenx lif drout nil buab. Nggangf zhaofLaox dongf faxlet guib dinf, dob uat dlex nof muax let dex qenx lif ndrangl ghangb nat:  a. dob uat dlex nof muax jait mol ntrad dlex nof uat tab mol said yangf dlex nof guk yol sangd uat let qenx lif, jeuf yaod haik das dob uat dlex nof nyaob touk guk ntrad dlex nof uat, zhit zeux das yol yaos yol yaos haid nens zheusnenb deud dlaub deud dlobyaos box yaos yeusnzhens ndox lak yaos nzhens dlangb ek drous lob qeut uat dlex nof shiab zhit doul, touk said dlex nof, muax jait said dex yangf dlex nof guk yol zeux uatboub uatnyaf uat;  b. muax jait dout dex nghet uat dlex nof, dol dob uat dlex nof yuad nggangf lob qeut uat dlex nof let gangb ged uat dlex nof, jeuf muax jait dout nyax zax;  c. muax jait dout shout ros, shout ros haik let yaos dob uat dlex nof nyaob fax lix guib dinf let dex jaix nyongs guk shout zhit mol uat dlex nof, dex jaix nyongs gaot yol sangd uat lab zhit jeuf uat lab zhit, jeuf yaos haik Laox dongf faxguib dinf let ib hnob uat dlex nof let jaix nyongs yaos 8 lob zhongb teux, ib gab uat dlex nof let jaix nyongs yaos 40 lob zhongb teux, tlout leuf let jaix nyongs shout ros, shout ros let jaix nyongs hax muax, touk uat dlex nof zos shad shout ib blas tab zhaot naox shoutib gab zhaot shout ( lob qeut uat dlex nof ib gab uat jangl lak yuad zhaot dex dob uat dlex nof shout ib hnob)fax lix guib dinf let dex jaix naox zhab naox cotjaix mol shaib naf zid box naf dob shetjaix nyongs shout dlex nof;  d. muax jait dout nyaos laox dongf nggangb qenx tab kot maob kot nzhangx baod fuf let qenx lif;  e. muax jait mol geuf ndoub ndeud xof deut del let qenx lif;  f. muax jait taod guas laox dongf zhenb yif bangb yol dleuk bloub ndox let qenx lif;  g. muax jait mol jenk jik tab kongf gaof let qenx lif, duif lob qeut uat dlex nof wex fangx laox dongf fax lix let, muax jait muab dex bloub ndox nat haik khat zhenb drout gox juab jib guangb, muax jait pib pinx tab kongf gaof lob qeut uat dlex nof dex hout nof hout zhud;  h. muax jait dout shid fax lix guib dinf let luf yangf laox dongf qenx lif, hod nat muax dex qenx lif guk nggangf zhaof fax lix cangb juab Gongb huif zud zhix, dex qenx lif guk tongb gof zhix gongb naf huifzhix gongb daif biaod naf huif tab luf yangf xenx shif haik lol tab guangd lil, lak yaos haik zos baod fuf dex dob uat dlex nof let hox fax qenx yix tab ndros lob qeut uat dlex nof uat ged shangb liangb zos dex yangf dlex nof rongt, muax jait nggangf zhaof fax lix muab yol let dlaif ndeud laox dongf hox tongx dleuk zhes dex nat.

 

3. Uat jangl baod zhanf nyaos dout dex dob ghongb nenb mol hod ndrongs ndouk ros let hox fax qenx yix?

a. yuad dex zox jit guk shaib zhit doul dex dob ghongb nenb mol hod ndrongs ndouk ros tab dex guib dinf shout dob ndouk ros let zax guk zhit hof ged laif zhes, dob ghongb nenb tlout deb qeut mol ndouk ros tab mol hod ndrongs ndouk ros let sheud sux yuad ghent guas zheus, zhit bob ntrad zox ntrad jit lol shout dex dob ghongb nenb guk mol hod ndrongs ndouk ros tab dex dangb wef guk yuad nenb ndouk ros let zax;  b. gab ndrongs zhenf fud yuad muab nyax zax lol uat rongt dex dlex nof guk bangb ceub dex dob ghongb nenb duax hod ndrongs ndouk ros geuf deut delbuab let mid nyuas geuf ndoub ndeudlaox dongf baod zhangf tab luf yangf dlex nof bangb ceub dob ndouk ros, dex nyax zax nat yuad muab drout zhenf changx let caix zhenf yif suangf;  c. dex dob ndouk ros kud dout let nyax zax yuad ndeul ndas muab keuk, uat rongt laox dongf tiaox jenf, bangb dex dob ndouk ros let miad nyuas muax ndoub ndeud geuf dex nat, lox shix guangd lil zex renf, yuad uat nax dux cux jend chuax;  d. yuad lil cangb lil cuat fax lix fax guib, nggangf zhaof fax lix baod zhangf dex dob ghongb nenb duax hod ndrongs ndouk ros let cuat zhangd qenx yix;  e. nbangx rongt naf gab longs let fuf keud zhif duf gaid gex, zhaot dlangd tiaox jenf guas dob ghongb nenb mol hod ndrongs ndouk ros tab zangd qeut mol hod ndrongs nyaob.

 

4. Laox dongf hox tongx let nuif yongx muax jaod dus?

Plout ndeudLaox dongf buf haik cangb cuat zos <Zhongb Huax Renx Minx Gongf Hox Gox Laox Dongf Fax> cuat zhangd nghait ndeud(xongt 1994 lob 9 hlit sab 5) nghait 19 guib dinf, laox dongf hox tongx yuad drout ndoub drout ndeud uat buad pinx, hod dlaif ndoub ndeud hox tongx yuad muax dex ghangb hout ndrangl ghangb nat:  a. uat dlex nof nded yuad uat zheus xongt;  b. yaos uat dol dlex nof lab zhit;  c. laox dongf baod fuf tab laox dongf tiaox jenf;  d. doux nyax zax buk zheus;  e. laox dongf jix lix;  f. laox dongf hox tongx souk leuf let taiox jenf;  g. wex fangd laox dongf hox tongx let zex renf. Ndoub ndeud laox dongf hox tongx muax dex nghait zox jit bel shuab nat leuf, aob dos muax lol lab zhit yuad haik lak yuad shout drout hod tab.

 

5.Laox dongf tab Shef huif baod zhangf buf duif nyaob hod gab longs ndouk ros lot let zuif ghel gongb zib biaob zhund muax dol lab zhit yaob qeux?

Laox dongf tab Shef huif baod zhangf buf yaob qeux, dex dangb wef guk shid nenb uat ros uat zhit zos ib hnob uat ib lob zhongb teux keuk let nyax zax zhit bob ghel dluat lob deb qeut gaot zhenf fud guib dinf ib zhongb teuf zuif ghel let gongb zib biaob zhund. Laox dongf baod zhangf buf yaob qeux das, uat ib dangd shot ros keuk let zhongb teux gongb zib let zuif ghel gongb zib biaob zhund jat sendzif zhif qibzhix xax shif lol guib dinf, yuad sangb mol bel shuab bef nggangf. Qox dinf tab tiaox zhend zhongb teux zuif ghel gongb zib biaob zhund yuad shaib ndrangl ghel dex yenb suf nat lol uat: dex qeut zhenf fud guib dinf let ib lob gongb zib let zuif ghel biaob zhund; dangb wef yuad bangb jaob let nyax zax yos loul baok yenk tab nyax zax kot maob nzhangx baok xenk; dex nenb uat ros ib dangd shot let dlex nof wenk dinfdlex nof let tiaox jenf tab dlex nof shib hnangdfux lif dex nat yuad ndros dex nenb uat ros chenx hnob zeud ndout hend leuf.

Chuad let, yuad nenb uat ros let dangb wef yuad nggangf zhaof gox juab dex guib dinf bangb dex nenb uat ros ib dangd shot mol jaob nyax zax drous shangb let baok xenk. Dex nenb uat ros ib dangd shot nyaob touk uat dlex nof drous shangb leuf, yuad nggangf zhaof fax lix guib dinf dout dex nyax zax baok xenk drous shangb; drous jenf dinf uat lod del lod deut zos let 5 jix zos 10 jix, dol nenb uat ros yuad tab lob dangb wef shid nenb uat ros shangb liangb rongt, drous shangb lod del lod deuf drous nyax zax hof buk zheus yuad ib ral muab nzid dangl.

 

 

6. Wef lab zhit yuad guas dex nenb mol gab longs ndouk ros juab rux Gongb huif?

Wef yaos cuat jix Gongb huif yuad nggangf zhaof fax lix bangb dex nenb mol gab longs ndouk ros mol cangb juab tab zud zhix Gongb huif let qenx lif. Zhuak yuad debx nenb ndros shid nenb uat dlex nof let dangb wef muax laox dongf guangb xif, zhit guangd nil let fuf keud nyaob zhit nyaob lob deb qeut nat tab nyaob ndeuf nat uat dlex nof let hnob nyongs nded lot, dub muax jait nggangf zhaof fax lix zud zhix tab cangb juab Gongb huif let qenx lif, lenx dus tab lob zud zhix dus dub zhit muax jait lol taid ged tab ntrad yangf ot yangf nat lol zud. Nyaob drout hod dex gongb yeuk zhif qib shif nix dangb wef, yuad nggangf zhaof fax lix zhenf cex guib dinf, duif deb nenb duax hod gab longs ndouk ros yuad ndros hod gab longs dex zhib gongb ib yangf, zhit bob das zhit kend nil buab juab rux Gongb huif. Touk shuad dex zhix gongb juab rux Gongb huif, yuad suangf dex nenb duax gab longs ndouk ros ib huaf. Yuad ndeul ndas muab dex qib nix guk zhit yaos gox juab let ek muax nenb duax ndouk ros ndout let Gongb huif cif zhangt sheud, guas dex nenb duax ndouk ros juab rux Gongb huif.

 

7. Duif rex raol dex nenb yuad deuf drongx uat shif fangf xenf pex xenf let zhongf dind yaos lab zhit? Pex xenf gongb chengx yaos pex xenf jaod nenb dus?

Zhongd dind yuad uat rongt Hux bex mol dout 10 lob send 50 lol shif fangf xenf let rex raol lol uat ged deut khat rex raol dex nenb yuad deuf drongx, yuad ceub guas khuab khat rex raol deb nenb deuf drongx let dlex nof mol dout shait, muab deuf rongt zhud yif, guas yangf dlex nof khuab khat rex raol dex nenb yuad deuf drongx ndouk ros mol uat gangb shab los. Lak yuad qid dongf 《 xongt 2003  xongt 2010 qenx gox dob ghongb nenb zeux nzhed boub dangb let kob jif pex xenf guib huaf, tongb gof lob gongb chenx ndued buad pinx nzhuab、“ lob gongb chenx hlangt tlout naf xongt chab let dob hluak kob jif pex xenf、“ lob gongb chenx dob ghongb nenb boub ndoub boub ndeud hlod zhud yif chab、“lob gongb chenx zox geud zox jit duax dleb , khat deuf ib nbaox dob ghongb nenb muax jox vufboub kob jifzeux uat luafzeux guangd lil, zeux uat zhuangb nix huaf shenb changd tab changd nix huaf jenb yenx dex naf langx naf luaf. Yuad khat let nenb yaos hod rex raol dex hluak guk muax chub zhongb wenx huaf shuid pingx draod shout, boub dangb boub ghangb hout, ib jed kaod kaot, muax shab deuf drongt ndouk ros.

 

8. hod raol gab muax jait muab dex nenb deuf mol ndouk ros let lab deb trot deuf?

Gox juab zunb zhongf tab baod zhangf dex nenb deuf mol ndouk ros let lax deb chenx baob qenx lif tab jenb yenx zif zhud qenx lif. Yuad uat deud nguad zaox ndraik dif 2 ral lab deb chenb baob zhenf cex, jat gox juab tongd yix hlongd dlaif ndeud buad pinx lax deb chenx baob chab.

 

9. Uat jangl let bangb dout nenb ndouk ros lob wenf tix guk las keuk zax zheus tab zhit keuk zax?

a. yuad cif kot rongt nenb ndouk ros let huaf keuk nyax zax let baod zhangf zhif duf. Shiab ndrox tab guib fangf dex dangb wef shid nenb huaf keuk nyax zax xenx wex, baod zhangf nenb ndouk ros let nyax zax zos jaix hlaot jeuf huaf keuk tab huaf zouk, yuad uat zos huaf keuk nyax zax lob lob hlit dub huaf zos del tab nggangf laox dongf hox tongx haik let lol huaf nyax zax. cif kot huaf keuk nyax zax jenb kongf zhif duf tab nyax zax baod zhenf jenb zhif duf, congx hod houd boul gaid jix dex wenf tix guk tob dreud 、 keuf dreud zhit huaf keuf nenb ndouk ros nyax zax.  Laox dongf baod zhangf buf menxyuad muab jenb kongf dex lob dangb wef guk muax nenb ndouk ros ndout huaf keuk nyax zax lol uat zhongf dind. Duif dex lob dangb wef guk tob tab chuad dluat nenb ndouk ros nyax zax, yuad duad nzhex dreud guas nil buab nyaob hod lob zhed jat nyax zax nggangf jaix nyongs sob muab zax jaox mol cenx drout hod uat baod zhenf, shix xenx zhuangb fuf guangd lil. Yuad gaid jix rongt zhenf fud teux zib let dex hangf mux tob tab chuad nenb ndouk ros let nyax zax. dex dangb wef guk uat vangx uat zhed dub yuad nggangf hod hox tongx haik let ndeul ndas muab dex nyax zax uat gongb chenx huaf deuf mol , uat vangx uat zhed let nyax zax zhit zos qeut let, zhit bob muab shib gongb xik kok zhenf huaf drout, lak zhit bob dongf del uat vangx uat zhed. Muab dex jenf zux shib gongb qib nix guk shix xenx nyax zax baod zhenf jenb zhif duf jaox lol uat zhongf dind jenb kongf. Yuad shid ros nbluat dex lob dangb wef guk shid nenb ek tob tab chuad nenb ndouk ros let nyax zax, duif dex guk buaf yif tob tab chuat nenb ndouk ros let nyax zax, yaos das nil buab uat dout loul deul hend, yuad nggangf zhaof fax lix lol guas nil buab tinx nix zhend dunfjangf nghel tab qid xaob zib zhix, zos touk muab drangb yenx nix zhix zhaof trot dangt, dex nenb guk uat bloub gaot yuad dout muab fax lix lol zhif caix. Cuat lob deb qeutcuat lob dangb wef yuad juab dlangl ros mol qenb jaod dex dangb wek guk tob tab chuad nyax zax, yuad baod zhenf hnob ghangb muax lenx dus tob tab chuad nenb ndouk ros let nyax zax. b. yuad hof jait qox dinf tab nghangt shab nenb ndouk ros let nyax zax.  Guib fangf nenb ndouk ros let nyax zax guangd lil, yuad gaid binf dex nenb ndouk ros let nyax zax gheluat ib yangf dlex nof dout let nyax zax zhit ib yangf. Cuat lob deb qeut yuad uat deud nguad let zhix xenx zyuif ghel let gongb zib zhif duf, hof jait qox dinf muab zuif ghel gongb zib biaob zhund nghangt uat shab ib nzhik, zhif dinf tab tuib xenx ib lob zhongb teux zuif ghel gongb zib biaob zhund. Yuad zhif dinf deuf muax dex cat dlex nof let nyax zax ndout zheus let hangx nix cangb kaod biaob zhund. Dex dangb wef guk shid nenb zhit bob muab uat ndout dout ndout, uat zheus dout zheus jaox lol uat ged ek zhit zhix xenx zuif nghel gongb zib zhif duf, lak zhit bob muab nghangt shab yangf dlex nof gaot let nyax zax lol muab gongb zib uat ghel. Yuad muab gox juab haik zos let zhix gongb zox ged shout dlex nof zhix xenx uat ndrox ndrenl , lob jais nyongs shot dlex nof tab uat dlex nof hnob nyongs nded leuffax lix guib dinf guas shot dlex nof ek zhenf guas mol uat dlex nof let, yuad nggangf zhaof fax lix lol tef nox tef nghet. Nenb ndouk ros tab luf yangf zhix gongb uat let dlex nof tab dout let nyax zax yaos ib yangf let.

 

 

10. Uat nggangf zhaof fax lix lol guib fangf nenb ndouk ros let laox dongf guangd lil?

a. Zhix xenx laox dongf hox tongx zhif duf yuad uat ndrox ndrenl. Dex dangb wef guk yuad nenb ndouk ros dub yuad nggangf zhaof fax lix lol dinf laox dongf hox tongx tab nggangf zhaof hod laox dongf hox tongx lol uat, yuad haik minx qenx lif tab zex renf let laox dongf guangb xif.  b. Zhix xenx gox juab haik zos laox dongf hox tongx shif yongf qib de guib dinf yuad uat ndrox ndrenl, zhit bob muab shif yongf qib lol zhuax pual nenb ndouk ros let qenx yix. Lob dangb wef dus dub zhit bob wex fangd laox dongf hox tongx haik zos let dex yangf guk sund haf drous nenb ndouk ros let qenx yix.  c. Nggangf zhaof fax lix lol baod zhangf nenb ndouk ros let zhix nix nggangb qenx wef senb qenx yix. Cuat lob zhix xenx gox juab zhix nix nggangb qenx tab laox dongf hox tongxlaox dongf baod fuf guib chenx tab biaob zhund yuad uat ndrox ndrenl. Qib nix yuad nggangx zhaof guib dinf yuad muax dex shex shib guk fangx taid nggangb qenx senb changd tab tex yangf dlex nof guk kend drous maob. Yuad huaf dex yangf laox dongf fangx fuf yongf pind guk rongt drout dex nenb ndouk ros dout shid, duif dex jaod nenb guk uat dex yangf dlex nof yongx yif drous maod yuad dangd dus dub jaox mol zhed kot maob jend chuax. Yuad khuab khat dex nenb ndouk ros let zhix nix nggangb qenxlaox dongf baod fuf dex ghangb hout nat, jat nil buab boub dout uat jangl baod fuf rongt yol zif jid. Dex nenb ndouk ros guk uat dex dlex nof guk niet shab niet ghel tab tex zhongd zox nix yuad zhuangb menx mol pex xenf dluat, muab dout ndoub ndeud let bob uat dlex nof. Dex buf menx guk nbangx dex dlex nof nat yuad nbangx rongt dlex nof zhix nix nggangb qenx tab laox dongf baod fuf let jenb guangd. Deuf dex naf bloub ndox guk muax nenb duas, yuad nbluat dex nenb guk muax zhix jix zex renf tab qib nix dex hout nof, hax yuad zhuib jeuf zhenf fud tab dex buf menx guk shaib xuak dex dlex nof nat let zex renf.  d. Yuad baod fuf rongt dex box uat ros tab dex nenb zhit dout dad hluak, zhit bob hot dex mid nyuas mol uat dlex nof. Dex dangb wef shid nenb yuad nggangf zhaof fax lix lol baod fud dex box uat ros let tex shub qenx yix. zhit bob das yaos box ncaik jeuf zhit kend dex box uat dlex nof tab nghangt shab lux yongf biaob zhund, zhit jat dex box ncaik mol uat dex dlex nof guk hnangd tab njet shab njet ghel, zhit bob nyaob touk guk dex box ncaik hait nyuasnyaob ndruab hlit mid nyuas zhenf maol tef nyax zax zheus tab uat duab yus muab laox dongf hox tongd gaid deuf leuf. Dex lob dangb wef guk yuad drous dex nenb zhit dout dad hluak uat dlex nof, nif buab let dlex nofuat dlex nof let jaix nyongsdlex nof shib hnangd tab baod fuf cof shib dub yuad dout nggangf zhaof gox juab let guib dinf lol zhix xenx uat ndrox ndrenl. duif dex nenb guk bangb dex nenb zhit dout dad hluak ntrad dlex nof tab yuad dex nenb zhit dout dad hluak uat dlex nof, yuad shid ros nbluat tab drout zhif drout.

 

 

11. Uat jangl khuab khat nenb ndouk ros uat dlex nof tab fux vuf drout buab uat dlex nof?

a. Yuad ib drox ib drox let uat rongt dex zhif dus guk gab longs tab rex raol uat dlex nof dub pinx dend. Tongd cheux gab longs tab rex raol zox ged uat dlex nof, gaid gex lob guangd lil tid zhif guk gab longs tab rex raol uat dlex nof nyal mol nyal, cif zhangt dex laox dongf lix shif changd guk gab longs tab rex raol dub dout uat ged pinx dengd jenf zhenb,  ib drox ib drox let uat rongt nyaob jex shif changd jenb jif tiaox jenf guas rex raol dex nenb muax qeut mol hod ndrongs ntrad dlex nof uat, yuad bangb dex nenb uat ros muab ib lob qeut uat dlex nof pinx dend. Cuat lob deb qeutcuat lob buf menx yuad yuad ndeul ndad muax dex zox jit guk shiab zhit doul dex nenb ndouk ros laif dangl zhis, muax dex ndoub ndeud guk haik zos guas qib nix shout dex nenb ndouk ros let nyax zax laif dangl zhis,  zhit bob das bangb gab longs dex nenb ntrad dlex nof ek muax dex nenb ndouk ros duax rex raol duax ntrot deuf.  b. Yuad uat rongt dex dlex nof guk bangb rex raol dex nenb ndouk ras duax hod ndrongs ntrad ros uat. Cuet jix renx minx zhenf fud yuad muab hod rex raol dex nenb mol hod ndrongs ndouk ros lol uat yol yangf dlex nof jend jend. b. yuad uat rongt dex dlex nof guk bangb dex nenb ndouk ros mol hod ndrongs ntrad dlex nof. Cuat jix renx minx zhenf fud yuad muax dex dlex nof guk bangb dex nenb ndouk ros mol hod ndrongs ntrad dlex nof uat yol yangf dlex nof jend jend. Yuad cif zhangt rongt xenf xangb let gongb gongf jeuf nif fux vuf wanfk lox, fux vuf drout dex nenb mol hod ndrongs ntrad dlex nof.  Gab longs let gongb gongf zhix nix gaif shaof jib geuf lak yuad kheb khaod drongx drout dex nenb ndouk ros, bangb、 khat tab deut ged drout nil buab, zhit bob shout nyax zax. lob deb qeut guk duax tab lob deb qeut guk zos let zhenf fud yuad tongx shab gongf nzhuk, uat rongt dlex nof lob bangb dex nenb ndouk ros ntrad dout dlex nof uat tab bangb ntrad ged. Jaod nenb guk uat shab pef shab dlob lol haf dex nenb ndouk ros yuad nggangf zhaof fax lix muab ndel mol geut gas.  c. yuad nbangx guas dex nenb ndouk ros xof dout deut del. Cuat lob deb qeut yuad muab bangb tab khat dex nenb ndouk ros geuf deut del let dlex nof uat guas rongt suk let lob shab sangd,  yuad guas dex nenb ndouk ros mol ndrout ndouk ros nyaob dout ghangb nyaob dout druax. Nyaob rex raol lak yuad khat dex guk sangd mol ndouk ros let deut del, nghangt shab khuab khat let zhix liangf.  Nyaob rex raol khat geuf deut del drout dex nenb mol ndouk ros yuad guas lenx lenx dub boub rongt,  yaos lenx dus yuad duax geuf deut del let, hax yuad bangb tef nzhik nyax zax drout dex nenb duax geuf xof deuf del. Yuad lif yongf guangd bof dinf shif tab yenk chenx jaof yeux dex sheud duangf nat, lol bangb dex dob ghongb nenb xof dout deuf mol uat jangl ntrad dlex nof uat. Yuad uat rongt dex rex raol nyaob deb qeut bluas dex dlex nof guk khat geuf deut del mol ndouk ros. yuad bangb dex dangb wef shid nenb cif kot rongt lob qeut khat uat dlex nof, nbangx rongt las yuad nenb lab zhit sangt nenb lab zhit mol geuf. Lob deb qeut muax nenb deuf mol yuad muab khat dob ghongb nenb geuf deut del yangf dlex nof nat uat chenx lob deb qeut nat let jil dlex nof khat ndoub ndeud uat ros. yuad ntrad zhud yif lol gud lif dex nenb ndouk ros cangb juab zhix nix jif nenx jenf dinf, guas dex nenb ndouk ros lak dud dout dlaif ndoub ndeud zhix nix hox gex zhenf.  d. yuad lox shix khat nenb ndouk ros geuf deut del let zex renf. Muab lox shix qenx gox lob guib huaf guk khat nenb ndouk ros geuf deut del uat cangb uat cuat. Laox dongf baod zhangfnongx nixjaof yeuxkob jif、 jenf shexcaix zhenffud pinxdex buf menx nat nyal yuad nggangf zhaof nyal let zhix nenx, uat rongt dlex nof khat nenb ndouk ros let deut del. Dex dangb wef guk yuad drous nenb ndouk ros yuad dout khat dex nenb ndouk ros zeux uat dlex nof tab, yaos dex dangb wef shid nenb guk zhit khat geuf dlex nof deut del, jek yuad guas buab tef nyax zax kheuk drout zhenf fud mol khat geuf dlex nof deut del. Yuad fax huib cuat lob zhed geuf ndeudpex xenf jib geuf tab gongb huifgongf qenb tuangxfuf linx zud zhix let zox yongf, khat nenb ndouk ros geuf dlex nof deut del yuad ndout zox gedndout lob cenx cif tab ndout zhongd xenx shif lol nbangx. Khat nenb ndouk ros geuf dlex nof deut del yuad  drous let nyax zax jat zhenf fuddex dangb wef shid nenb tab dol nenb ndouk ros uat ged tef, zhongb yangb tab deb qeut let cuat jix caix zhenf yuad muax nyax zax deuf lol bangb ceub.  e. yuad shid ros huaf zhangd dex zhix nix jaof yeux guk dis ndas drout rex raol. Rex raol let chub zhongbgaob zhongb senb yaos beb gox juab changd nix gongb renx let dlangl ros, yuad muab nil buab geuf zeuf dlex nof dleut del lob ndrangt nat gud dreud. Bangb ceub cuat lob zhix nix jif shux yenf xaof mol rex raol guas dob hluak geuf ndeud ndout, haik guas rex raol dex chub zhongbgaob zhongb senb mol zhix nix jif shux xox xaof geuf ndeud. Tongb gof shex lix zhuf xox jenbzaik zhuf xox daif kuangd dex ged nat, bangb ceub dex dol dob ncaik hod zhed bluas geuf zhit doul ndeud muab ndeud geuf dad. Yuad cif kot rongt xenf jix let zhix nix jaof yeux zhongb xenb. Dex lob puk tongb zhongb xox guk muax tiaox jenf kod yil khab zhix nix jaof yeuf kof chenx. Yuad uat rongt cif kot rongt tab bangb ceub dex lob zhix nix xox xaof guk dis ndas drout rex raol.

 

 

12. Uat jangl let bangb dout nenb ndouk ros let shef huif baod zhangf wenf tix?

a. yuad muab khaod dlex nof uat rongt nenb ndouk ros let shef huif baod zhangd uat khaod hnangd. Genb jif nenb ndouk ros yuad drous let dex shef huif baod zhangf, yuad faib dreud ib yangf yangf let deut khatguas zox ged nat mol dout dol, yuad sob gaid jix gongb shangb baok xenk tab kot naf maol nghenl let baod zhangf, let mangf ib drox drox let mol gaid jix yos loul dex wenf tix nat. nenb ndouk ros let shef huif baod zhangf, yuad uat hof lob tex dind guk nil buab zhit muax lob qeut nyaob nyaos druax, baok xenk guangb xif tab daif yif dex nat yuad nenb zangd qeut mol zos haid dus dub zaik dreud uat dout, jat dex nenb ndouk ros mol zos lob deb qeut dus ndouk ros dub zhit jat nil buab let shef huif baod zhangf drous sund haf; yuad guf drous nenb ndouk ros dout nyax zax zheus let qenx kuangf, muab biaob zhund uat nghel, ib drox drox let mol, jat dex dangb wef guk shid nenb tab nenb ndouk ros let sangd mol cangb juab baok xenk. b. nggangf zhaof fax lix muab nenb ndouk ros let gongb shangb muab mol drout hod baok xenk.  Cuat lob deb qeut yuad uat rongt guangf cex Gongb shangb baok xenk tiaox lifDex dangb wef guk guas nenb ndouk ros duax uat ros yuad ndeul ndas bangb nenb ndouk ros bangf gongb shangb baok xenk sheud sux, yuad tef zouk dex nyax zax guk gongb shangb baok xenk fef. Touk guk nenb ndouk ros drous gongb shangb leuf,  yuad uat rongt dex dlex nof guk gongb shangb renf dinflaox dongf nenx lix jenf dinf tab gongb shangb leuf yuad tef let nyax zax. zhit dout cangb juab gongb shangb baok xenk let nenb ndouk ros drous gongb shangb, yuad jat lob dangb wef guk shid nenb nggangf zhaof gongb shangb baok xenk guib dinf tef nyax zax drout dol nenb ndouk ros drous shangb leuf. Nil nat, fongb xenk lox let yaos dex yangx dlex nof guk uat vangx uat zhedkeub nzuaf dex nat, yuad guas dex nenb ndouk ros mol cangb juab gongb shangb baok xenk. Uat vangx uat zhed qib nix dub yaos dex yangf dlex nof guk njet shab njet ghel fongb xenk lox, yuad mol bangb dex nenb uat dlex nof bangf yif waif shangb haif baok xenk.  c. yuad ndeul ndas gaid jix nenb ndouk ros kot naf maob let baod zhangf wenf tix.  Cuat lob deb qeut yuad muab deuf kot naf maob baok xenk tongd cheux jib jenb let bangf huax, bangb dex dob ghongb nenb guk mol hod ndrongs ndouk ros ek drous maob mol but dreud kot maob let baod zhangf. Genb jif lob deb qeut gaot tef nyax zax let ndout zheus, khaod nyax zax ndout yuad jat dex dangb wef shid nenb tef. Wangx shangf kot maob baok xenk jix suangf bangf huax, jat dex nenb ndouk ros cangb juab baok xenk dout naf maod draod mol zos yol lob ghob deb qeut let muax qeut uat dout kot maob jix suangf. Dex lob deb qeut muax tiaox jenf, yuad njangx ndraik guas dex nenb deuf drongx ndouk ros cangb juab gab longs zhix gongb kot maob baok xenk. Nenb ndouk ros lak kod yil draod ghangb mol yol lob ghob deb qeut cangb juab rex raol hox zox yib liaox chab.  d. yuad ntrad ib zox rongt ged guk hof dex nenb ndouk ros hnob ghangb yos loul. Yuad shait nzhik yenx jeuf ib lob zhif duf yos loul guk tef nyax zax zheuszos haid dus dub hofmol zos lob deb qeut dus lak uat dout, hat yuad nil nat let yos loul baok xenk zhif duf nzhux dout uat del bangf huax. Dex deb qeut guk muax tiaox jenf, kod yil njangx ndraik guas dex nenb ndouk ros guk duax ndouk ros ek nyaob druax leuf mol cangb juab gab langs zhix gongb yos loul baok xenk. Dex nenb ndouk ros guk cangb juab gab langs zhix gongb yos loul baok xenk leuf, dex dangb wef shid nenb yuad zaik dreud bangb tef nyax zax.  Laox dongf baod zhangf buf menx yuad ndeul ndad zhif dinf ib lob bangf huaf jat nenb ndouk ros let yos loul baok xenk guangb xif congx lob deb qeut nat mol zos lob deb qeut ndeuf uat jangl let zaik dout del.

 

 

G. JAOX NYANGB GHUAT NCAIK

 

1. Yuad box yuad yeus yuad hof dex tiaox jenf dus?

a. dob ncaik aob daos dub yuad yenf yif;  b. yuad zos lob hnob nyongs guk fax lix guib dinf, dob yuad zos 22 xongt, ncaik yuad zos 20 xongt, yuad khuak ncak dex guk yuad box yuad yeus lis;  c. zhuak bob ib dol yeus yuad ib dol box let sub.

Muax dex bloub ndox ndrangl ghangb nat, zhit bob shik yuad uat naf zid: muaf nol tab 3 daf draod hod let cenb muaf nol nbeul; ndruab ndraos jed muax maob ek guk chuax haik das yuad zhit dout box yuad zhit dout yeus let.

 

2. Dex naf zid dus shik yuad leuf let hunb yenb ek fax lix yaos zhit renf let?

a. zhit dout zos fax lix guib dinf let lob hnob nyongs;  b. zhit dout shik ndroux draod yuad box yuad yeus let;  c. muaf nolmuaf nbeul shik yuad uat naf zid let;  d. touk zhit dout yuad uat naf zid ndruab ndraos jed jeuf muax maob guk chuax haik das uat zhit dout naf zid, shik yuad leuf zhenf zhit dout kot rongt let.

 

3. Dex hunb yenb dus yuad drous muab chef dangt?

Yaos drous ghuab yuaf yuad uat naf zid let, dol guk drous ghuab yuaf kod yil mol haik drous hunb yenb denb jif jib guangb tab renx minx fax yenf muab lob hunb yenb nat chef dangt. Dol drous ghuab yuaf yuad mol taod guas muab hunb yenb chef dangt, yuad nyaob drout denb jif shik yuad let hnob gaot zos ib xongt draod hod mol haik. Dex nenb guk drous geut hod zhed zhit bob deuf drongx yuad taod guas muab hunb yenb chef dangt, yuad jat las muab zhaot deuf lol bob deuf drongx let hnob gaot zos ib xongt draod hod mol haik.

 

4. Dub nbangx ndenl dlex ndenl jeud leuf dangf shik zhit doub mol denb jif shik yuad let, buak yaos uat naf zid leuf?

Hunb yenb faxguib dinf yuad shik yuad uat naf zid let dob ncaik yuad dout mol mol hunb yenb denb jif jib guangb denb jif shik yuad. Dub nbangx ndenl dlex ndenl jeuf leuf zhit dout mol denb jif shik yuad let, fax lix yaos zhit renf nif buab yaos naf zid let, yaos das aob dol dub but uat ged, lak yaos feb fax but uat ged let. Let ndeuf, zhit dout mol denb jif shik yuad let, yuad mol nzid denb jif shik yuad.

 

5. Dex cuat yangf dus yaos aob naf zid let?

Box yeus zhenf yaos naf zid kud dout let dex cuat yangf ndrangl ghangb nat, yaos aob naf zid duad houd dout let cuat yangf.

a. gongb zibjangk jenbb. uat langx uat luaf kud dout let nyax zax;  c. shout ndoub shout ndeud dout let nyax zax;  d. nenb loul zhes let ghob del ghob deut tab las bob let cuat yangf, dangf shik nenb loul zhes muax lol tab las bob ek muax ndoub ndeud haik das yaos keut drout box lak yaos keuk drout yeus nat muab chux dangt;  e. luf yangf yaos aob naf zid uat kud let.

 

6. Ib shangb let cuat yangf touk zhit shik yuad daol shik yuad leuf gab zeuf chenx aob naf zid shik gongb let cuat yangf? Uat jangl let faib qenb jaod cuat yangf dus yaos touk zhit dout shik yuad daof ndex let cuat yangf?

Nggangf zhaofHunb yenb faxchab, ib shangb touk zhit dout shik yuad muax let cuat yangf nyaob touk shik yuad leuf zhenf yaos nil let cuat yangf, chux dex nat leuf, naf zid ib daos let cuat yangf hax baob guax:  a. ib shangb yenb wef nil let jed drous las uat shangb leuf boux dout let zax kot maoblod del lod deut dout let dex nyax zax nzid kot lob nenx;  b. nenb loul zhes lol jat tab dlaif ndoub ndeud hox tongx shik bob cuat yangf haik drous let yaos bob keut dus jeuf yaos dus let;  c. ib shangb yuad drous let de cuat yangf, suk let box shout jed shid drous let cuat yangf;  d. luf yangf yaos hof keuk shangb dus let jeuf yaos shangb dus let.

 

7. Dob nyuas lob sod khuat buak leud dout dol naf let?

Wef yaos box tab yeus let fax lix dif wef dub yaos tongx dend let, let ndeuf dob nyuas lob sod khuat leud dout zid, lak leud dout naf.

 

8. Yaos zhit yaos aob naf zid muax ib dol uat nax ndouk tab ched zhed nenbmuab nenb loul tab nyuas maol laif zhes let, muab mol dud baod、 houk yangx yenb ek haik zhit nongs khat zhit draod let, zhuak yuad muax ib shangb haik deuf yuad muab ndroux dangt, fax yenb gab zeux bangb?

Muax dex bloub ndox bel shuab nat, yaos das renx minx fax yenf mol tiaox gaik zhit dout let, dub bangb shangb guk haik deuf yuad muab ndroux dangt let suf songf qend qeux. Yenb wef fax lix guib dinf, renx minx fax yenf shend lil lix hunb nggangf jenf, yuad hot aob daos lol nyaob uat ged tiaox gaik; yaos das aob daos dub uat zhit dout ged leuf, tiaox gaik zhit dout rongt, jek zhaot jait muab ndroux dangt, jat nyal mol nyal.

Muax dex ghangb hout let ndrangl ghangb nat, tiaox gaik zhit dout, zhaot jait muab ndroux dangt: a. zhit dout uat ndoub ndeud ndroux mol ndros las uat naf zid tab jat let mol ndros dex dol muax box lak yaos muax yeus but let;  b. nyaob hod zhed ndouk box lak yaos ndouk yeus 、 muab nenb loul tab nyuas maol laif zhes let;  c. zeux mol dud baodhouk yangx yenb haik zhit nongs khuab zhit draod let;  d. wef yaos ib dol zhit nyaf ib dol dub zhit but uat ged dout 2 xongt leuf let;  e. wef luf yangf guas aob naf zid zhit hof lo lib dol zhit nyaf ib dol leuf let.

 

9. Cunb minx wek yenx huif nzhib drous nyaob hod zhed ndouk box lak yaos ndouk yeus 、 muab nenb loul tab nyuas maol laif zhes dex bloub ndox nat, yuad uat jangl uat?

Nyaob hod zhed ndouk box lak yaos ndouk yeus 、 muab nenb loul tab nyuas maol laif zhes, dol nenb drous haf muax jait haik deuf lol, jib minx wek yenx huifcunb minx wek yenx huif tab lob dangb wef guk nil nyaob let lob dangb wef yuad mol qenf tab tiaox gaik. Duif dex dol nenb zhenf ndouk box lak yaos ndouk yeus, dol nenb sheuf haf muax jait haik deuf lol, jib minx wek yenx huifcunb minx wek yenx huif yuad mol zud; gongb nggangb jib guangb yuad mol zud guas zhit ndouk. Ndouk box ndouk yeus tab ndouk nyuas, dol nenb sheuf haf haik deuf lol, gongb nggangb jib guangb yuad nggangf zhaof zhif nggangb guangd lil let fax lix lol chud huaf. Duif dex nenb muab nenb loul tab nyuas maol laif zhes, nenb sheuf haf muax jait haik deuf, jib minx wek yenx huifcunb minx wek yenx huif tab lob dangb wef nil nyaob yuad mol zud tab tiaox gaik.  Duif dex nenb muab nenb loul tab nyuas maol laif zhes, nenb sheuf haf yuad haik deuf lol, renx minx fax yenf yuad nggangf zhaof lax lix uat deuf guas nil tef nyax yos loulnyax dot hlob let pangf jix.

 

10. Shik ndroux yuad muax jaod ged dus?

Haik zos shik ndroux, nggangf zhaof fax lix guib dinf, muax aob zox ged, jeuf yaos shout ndeud shik ndroux ( mol minx zhenf buf menx haik ged shik dot) tab mol jat fax yenf dot.

 

 

11. Muax dex bloub ndox dus zeux shik ndroux leuf, shangb zhit muax gof gab muax jait guas shangb muax gof boux nyax zax?

a. zhit dout uat ndoub ndeud shik ndoux mol yuad box lak yaos yuad yeus leuf let;  b. dub muax box muax yeus leuf zhenf mol ndros hluak tab ncaik but let;  c. nyaob hod zhed ndouk box lak yaos ndouk yeus let;  d. ndouk nenb loul、 mid nyuas, muab nenb loul tab mid nyuas laif zhes let.

 

12. Yaos das muax ib daos cof, guas aob naf zid shik ndroux, gab muax jait guas daos guk cof boux nyax zax drout daos guk drous ndouk ek hef drous dout uat nchait leuf?

Hunb yenb faxnghait 46 guib dinf haik zos boub nyax zax hef nchait, dex nat baob guax boux muab cuat yangf uat bual tab boux nyax zax muab hef dout nchait leuf. Haik zos boux nyax zax muab hef dout nchait, mak yaos hof Zuif Gaob Renx Minx Fax Yenf Haik minx zos dex bloub ndos guk boux nyax zax drout dex nenb drous ndouk hef let guib dinf. Hod pout ndoub ndeud haik minx nat nghait 8 guib dinf: yaos ndouk hef guas nenb dout nchait leuf, dangf zhik zhit dout heuf god hnangd hend, yaos dol nenb drous haf yuad guas booux nyax zax drous ndouk hef, ib bangb lol haik dub zhit zhib chix, renx minx fax yenf kod yil shaib lob lob ndox nat yaos let jangl pangf guas dol nenb ndouk hef zhit mol ndouk hefnzuad plotmuab yenl xangd xaob deuftaod las rangf zhif. Yaos das ndouk hef guas nenb dout nchait ntrus, uat dex heuf god hnangd hend, renx minx fax yenf yuad pangf guas dol nenb ndouk hef zhit mol ndouk hefnzuad plotmuab yenl xangd xaob deuftaod las rangf zhif dex minx shif zex renf nat leuf, kod yil shaib dol nenb drous haf yuad guas uat let jangl lol pangf guas dol nenb ndouk hef dout boux nyax zax guk hef uat dout nchait leuf.

 

13. Tuok aob naf zid shik ndroux yaos das muax ib daos muab dex cuat yangf caix changd guk yaos aob dol duad houd kud muab raikjaox deuf molmuab muas leuf tab uat bual leuf, lak yaos uat juad nox juad nghet lol sangd dlangs linf ib daos let caix changd, linf ib daos yuad uat jangl uat?

Hunb yenb faxnghait 47 guib dinf, Tuok aob naf zid shik ndroux yaos das muax ib daos muab dex cuat yangf caix changd guk yaos aob dol duad houd kud muab raikjaox deuf molmuab muas leuf tab uat bual leuf, lak yaos uat juad nox juad nghet lol sangd dlangs linf ib daos let caix changd, touk faib aob naf zid uat ged kud let cuat yangf caix changd, duif muab raikjaox deuf molmuab muas leuf tab uat bual leuf, lak yaos uat juad nox juad nghet lol sangd dlangs linf ib daos, kod yil zheus faib tab zhit faib keuk drout. Aob naf zid shik droux leuf, muax ib daos boub muax dex ghangb houd bel shuab nat, kod yil mol qid suf drout renx minx fax yenf, guas draod faib dluat aob naf zid let cuat yangf caix changd.

 

14. Touk shik ndroux caix changd cuat yangf yuad nggangf dol lab zhit yenx zex lol faib?

Touk aob naf zid shik ndroux, aob naf zid uat ged kud let cuat yangf caix changd yuad jat aob daos lol shangb liangb uat jangl faib; yaos shangb liangb dout zhit hof shab let, jat renx minx fax yenf shaib dex cuat yangf caix changd gaot yaos let jangl, yuad congx zhaof guf dob nyuas tab box let qenx yix zox gangb ged nat lol pangf jix. Box tab yeus lob qenx yix guk chenx baob dex lax deb, yuad nggangf zhaof fax lix muab baod fuf rongt. Box tab yeus touk zhenf yaos naf zid kud dout let nyax zax cuat yangf nyal yuad nyal let, ib daos yuad dot dex dob nyuasyos nenb loulyuad bangb linf ib daos nbangx dlex nof ndout let, touk guk shik ndroux yuad ndros linf ib daos haik guas nil nzid, linf ib daos yuad nzid keuk drout let yaos ged.

 

15. Touk shik ndroux aob naf zid chuad let nox nghet, yuad uat jangl uat?

Hunb yenb faxnghait 41 guib dinf, touk shik ndroux, aob naf zid chuat let nox nghet, yuad uat ged lol boux. Yaos das dex cuat yangf muas dangl dub zhit zouk boux let, yaos dus let cuat yangf caix changd dus yuad, jat aob daos lol shangb liangb uat jangl boux nox nghet; yaos das shangb liangb zhit dout let, jat renx minx fax yenf lol dot.

 

16. Touk shik ndroux, nyaob touk aob naf zid dub zhit but uat ged leuf dout let nyax zax caix changdmol zaik drous let nox nghet tab dex nyax zax guk las zaik leuf yuad jat lenx dus lol boux tab dout?

Aob daos zhenf uat naf zid, dangf shik zhit but uat ged leuf, touk nat dout let nyax zaxjangk jenb; uat langx uat luaf dout let nyax zax; shout ndoub shout ndeud dout let nyax zax; chux dex guk cuat yangf ghob del ghob deut guk nenb loul zhes jat tab las muab bob keuk, haik dluat yaos lenx dus let jeuf yaos lenx dus let; luf yangf dlex nof uat dout let nyax zax caix changd yuad yaos aob naf zid uat ged let. naf zid uat ged dout let nyax zax caix changd hod shit, muax lob qenx lif guk pinx dend lol shik faib.

Aob daos zhenf uat naf zid, yaos das wef lob nenx, muab nyax zax deuf mol uat langx luafmuax nyax zax jaox mol yos nenb loul dot mid nyuas dex nat yaos aob daos let bloub ndox, touk nat mol zaik drous ley nyax zax, aob daos yuad uat ged lol ndangt; dangb shik yaos das muax ib daos mol zaik zax jaox lol dud baod tab houk yangx yenb dex bloub ndox guk zhit hof fax lix, tab touk mol zaik zhit guas linf ib daos boub, dex nox nghet nat zhit yaos aob naf zid khaod nox nghet guk yuad dout uat ged boux. Aob naf zid zhit but uat ged dangf shik zhit dout ndroux, zhenf yaos naf zid, yuad nggangf bel shuab nat lol renf dinf.

 

17. Touk shik ndroux, zox gangb ged guk dob nyuas keuk drout lenx dus taox yaos let jangl?

Touk shik ndroux, yaos das mid nyuas zhenf naox mis, dol mid nyuas yuad dout ndros naf. Yaos das mid nyuas dub jaik mis leuf, aob daos wef yuad mid nyuas shik ntet haik zhit dout hof lol nat jek, jat renx minx fax yenf shaib dob nyuas let qenx yix tab aob daos let ghangb hout lol dot.

 

18. Shik ndroux leuf taox dob nyuas gab dleuk nyaos dout drout linf ib daos lol taox?

Daos guk taox dob nyuas yaos das zhit muax njais lol kud drout dob nyuas naox houk tab ghuab nyuaf dob nyuas, jat dex dob nyuas uat zaof nyef nzhuad tab zeux guas dob nyuas xof zhit rongt leuf, linf ib daos mol haik dout guas renx minx fax yenf dleuk dot drout linf ib daos taox dob nyuas.

 

19. Shik ndroux leuf del nyax zax guk bangb taox dob nyuas buak yuad dout ndout nzid?

Touk guk shik ndroux haik let del nyax zax bangb taox dob nyuas yaos das nyaob nil nat lob nenx dub zhit zouk shid leuf tab dob nyuas drous maob, dob nyuas muax jait ndros naf zid let daos dus haik deuf guas tef nyax zax bangb taox dob nyuas ndouk ib nzhik drout touk ot tab hof ged yuad ndouk ib nzhik drout touk lob nghet guk fax yenf dot.

 

20. Shik ndroux leuf buak mol shaib dout yol let dob nyuas? Yaos das las zhit boub mol shaib yuad uat jangl uat?

Shik ndroux leuf, zhit dout taox dot dob nyuas let naf lak yaos zid, muax jait mol shaib yol let dob nyuas, linf ib daos lak muax yif vuf zhaot njoux drout. Yuad uat jangl uat mol shaib xuaktouk dus mol shaib jat aob daos lol shangb liangb; yaos shangb liangb zhit dout let, jat renx minx fax yenf lol dot. Naf lak yaos zid mol shaib xuak dob nyuas, yaos das zeuf muab dob nyuas khat xof zhit rongt leuf, renx minx fax yenf yuad nggangf zhaof fax lix lol dot guas zhit bob mol shaib xuak; yaos das muax lob shab muab dob nyuas khat xof rongt leuf, yuad zhaot jait drout mol shaib xuak dob nyuas.

 

21. Yaos das daos guk taox dot dob nyuas muab dleuk dob nyuas lob sod khuat lol uat nbet ek zhit tef nyax zax lol taox dot dob nyuas buak dout?

Genb jif Zuif Gaox Renx Minx Fax Yenx lob yif jenf guk haik zos fax yenf dot ged naf zid shik ndroux dex bloub ndox taox dot dob nyuasnghait 19 guib dinf:  naf tab zid zhit bob muab dleuk dob nyuas lob sod khuat lol uat nbet ek zhit tef nyax zax taox dot dob nyuas. Nad lak yaos zid jat let muab dob nyuas lol sod khuat dleuk leuf naf chab lak yaos leud zid chab dout shik ntet shik ndouk let, yuad guas draod shik lob sod khuat ghob. Let ndeufm shik ndroux leuf yaos das langf dleuf dob nyuas lob sod khuat ek shik ntet shik ndouk let, yaos lenx dus dleuk let lendus yuad dout ndangt lob fax lix zex renf guk muab dob nyuas lob sod khuat dleuk draod ghangb let ghob.

 

H. DOUT DUAD NYAX ZAX CAIX CHANGD( GHOB DEL GHOB DEUT)

 

1. Dol lab zhit hot uat dout duad? Dout dued muax jaod dus?

Dout duad,yaos ib lob fax lix zhif duf guk nggangf zhaof fax lix guib dinf let muab dex nenb loul duas leuf let nyax zax cuat yangf (beb Hmongb haik let jeuf yaos naf zid nenb loul let ghob del ghob deut) keuk drout dex dob. Dout duad nenb loul let ghob del ghob deut leuf, yuad nggangf zhaof fax lix let ged jait lol nbangx uat; yaos nenb loul touk zhit dout duas zhes muax lol drout hod ndoub ndeud let, yuad zaox drangb ndoub ndeud zhes lol lol dout duad nbangx uat; yaos drangb ndeud zhes lol haik zos lenx dus yos loul bob drout lenx dus, nat jek yuas nggangf drangb ndeud zhes lol haik let mol uat.

 

2. Fax lix guib dinf let yaos lenx dus lol dout duad?

Nenb loul let ghob del ghob deut cuat yangf yaos lenx dus lol dout duad yuad uat let ndrangl ghangb nat: Nbaox 1: yol dol box lak yaos yol dol yeusdob nyuasnaf zid. Nbaox 2: gud dix ved njoulbos yeufnaf daik yeuf daik. Nenb duas ek dex ghob del ghob deut dout duad leuf, nbaox 1 yaos dout duad, nbaox 2 yaos zhit dout duad. Yaos des dol nenb duas zhit muax nbaox 1 lol dout duad, let jat nbaox 2 lol dout duad. Hod nat haik let dob nyuas, yaos uat naf zid leuf yos let dob nyuasnyuas zhoubnguas ghuad baox)、dex dob nyuas guk buas lol yos tab dex dob nyuas zhit yaos yol yos dangs shif yaos yos yol loul ek sangt yol njet drongb.

 

3. Uat jangl zhes lol ndoub ndeud buad pinx?

Zhes ndoub ndeud buad pinx muax let aob beb yangf ndrangl ghangb nat:  a. Gongb zhenf zhes ndeud buad pinx: jat dol nenb zhes ndeud puad pinx mol gongb zhenf jib guangb nbangx.  b. Yol shout yol dlaif ndeud buad pinx: jat dol nenb zhes lol buad pinx shout ndoub ndeud zhes loldrout nbet, yuad shout cuat xongt duslob hlit dushnob dus. Shid dex zhud yif nat zhes lol let, yaos das touk maob dub ndit zhit doul leuf, jek yuad guas muab aob dol nenb drout shout nyaob ndeuf sob ndas ek zhes lol jat tab geut shuab jat, dangf shik yaos das maob dub kot rongt leuf, dol nenb maob dub shid dout jux mef lol shout ndoub ndeud zhes lol tab geut shuab zhes lol, jek touk ndex muab njoux haik let got lol jek zhit suangf leuf.  c. Guas nenb bangb shout ndeud zhes lol: yuad muax aob dol nenb draod shout ndros nyaob uat ged, jat ib dol lol bangb shout ndeud zhes lol, yuad shout cuat yaos xongt duslob hlit dushnob dus, yuad jat dol nenb bangb shout ndeudjaod nenb guk nyaob ndeud shaib nzhongd tab dol nenb zhes lol uat ged drout nbet let dout.

 

 

4. NyangbVoud buak uat dout dol nenb dout duad? Ncaik guat deuf mol leuf buak dout duad naf zid let ghob del ghob deut?

Dob duas leuf nyangb dout yos bos yeuf, ncaik duas leuf voud dout yos naf daik yeuf zid, yaos nbaob 1 guk dout duad ghob del ghob deut. Genb jif Jif chenx fax》(lob fax lix guk haik zos dout duadguib dinf, dob nyuas dub muax jait dout duad naf zid let ghob del ghob deut cuat yangf. Lak jeuf yaos haik, yaos dob yaos ncaik, ncaik ghuat leuf let tab zhit dout ghuat let, dout duad naf zid let ghob del ghob deut cuat yangf, lob qenx lif nat dub yaos pinx dend let. Uat jangl lol dout duad naf zid let ghob del ghob deut cuat yangf, yuad shaib yaos uat let jangl qib bix duif daif.

 

5. Nenb dout duad muax dex ghangb houd ndrangl ghangb nat, zhit muax jait dout duad?

a. Dol nenb dout duad guf yif muab dol nenb loul duat leuf let, vef zhenb dout duad ghob del ghob deut muab luf dol nenb dout duad duat duas leuf let;  b. muab dol nenb loul droux zhes let, tab ghuab yuaf nenb loul uat zaof nyef zhuad let;  c. uat ndoub ndeud zhes lol juad tab muab ndoub ndeud zhes lol dleuk leuf, uat bloub bdox ncod hnyaot let zhit muax jait dout duad nenb loul let ghob del ghob deut cuat yangf.

 

6. Uat jangl lol laof lil dol nenb touk zhit dout duas chuad let nox nghet?

Dout duad ghob deul ghob deut cuat yangf yuad sob shaib dol nenb duas leuf touk zhit dout duas let shet buak njet dangl leuf tab nox nghet buak boux dangl leuf, yaos das shet zhit dout njet dangl tab nox nghet zhit dout boux dangl, yuad sob muax dol nenb duas dex cuat yangf muas jaox lol boux nox nghet tab njet shet. Yaos das dex cuat yangf muas dangl zhenf zhit zouk boux nox nghet, dangf shik dol nenb dout duad yenf bangb muax dex nox nghet boux dangl nat jek zhit nyaob drout hod nat lol haik. Yaos das dol nenb dout duat uat zhit doul dlex nof hax zhit muax nyax zax, touk guk muab dol nenb duas let cuat yangf muas dangl boux nox nghet, jeuf yaos das dex cuat yangf muas dangl zhit zouk boux nox nghet lak dout zhes ib nzhik ghob del ghob deut cuat yangf drout dol nenb dout duad, jat nil hnob ghangb let uat dout nenx.

 

7. Ib dol zid nenx yeus muax box leuf hat mol ndros luf dol box but ek duas leuf, dol box gaot let dob nyuas buak dout duad nil let ghob del ghob deut?

Beb gox juab let Hunb yenb faxnghait 24 guib dinf, yaos naf zid let muax jait dout duad ghob del ghob deut let qenx lif. Langf mol ndrout ndros box but, fax lix yaos zhit baod fuf let, dex box nyaob ndrout yaos zhit muax jait dout duad ghob del ghob deut, wef yaos nil buab but uat ged jeuf yaos zhit hof fax lix let, lak yaos zhit hof shef huif zhud yif daof dex xenx wex let.

 

 

8. Nenb yos loul buak uat dout das zhit yuad nenb loul let ghob del ghob deut tab muab bef yangf lol uat nbet zhit yos nenb loul?

Nenb loul qenx yix baod zhangf faxnghait 15 guib dinf das: Nenb yos loul zhit bob haik das zhit dout duad nenb loul let ghob del ghob deut tab muab luf yangf lol lol uat nbet, ek zhit yos loul nenb. Nad jeuf yaos haik das dob nyuas yos yol let nenb loul, yaos fax lix guib dinf let, lak yaos sob duat zhit hlet tab zhit bob haik dol tiaox jenf lab zhit let.

 

I. XENX ZHENF

 

1. Dol lab zhit yaos xenx zhenf jeuf zhuf? Fax lixfax guibzhenf cex guib dinf let xenx zhenf jeuf zhuf yaos dex dus?

Xenx zhenf jeuf zhuf, yaos haik xenx zhenf zhud tid nyaob drout hod fax lix guib dinf let dex zhix qenx tab zhix zex dlex nof mol jeuf tab bangb dex nenb guk muax bloub ndox tex shub. Xenx zhenf jeuf zhuf faib muax Dangd dus dub mol jeuf zhuf tab Ndeul ndas mol jeuf zhuf aob yangf nat. Dangd dus dub mol jeuf zhuf, haik let yaos duif dex nenb loulnax xongt uat maob nzhuadmol kud zhit doul naox houk tab luf yangf, nggangf zhaof fax lix fax guib let guib dinf, yuad uat nat muab cuat yangf mol bangb nil buab lob nenx. Ndeul ndas jeuf zhuf, yaos duif dex nenb guk daox baob muab vangx zhed nak leuf tab hluad deul mual vangx zhed hleud leuf dex nat yuad ndeul ndas mol jeuf zhuf.

Yuad uat Xenx zhenf jeuf zhuf yuad hox dex tiaox jenf ndrangl ghangb nat:  a. hof fax lix guib dinf let jeuf zhuf tiaox jenf. Zhit tongx let xenx zhenf jeuf zhuf, dub muax zhit tongx let jeuf zhuf tiaox jenf, lak muax zhit tongx let fax lixfax guib lol guib dinf. Suk let: Nenb dlis muas lod deut baod zhangf fax》、《Tiaox lif maob shab dob draos lob nenx》、《Tiaox lif khuak ncaik gex minf lix shif》、《Lob bangf huax ndrad dlex nof dob draos zhit uat dob draos dout uat 》、《Lob zangf xenx bangf huaf ndrad dlex nof drout Zhongb Gox Renx Minx Gaik Fangf Jenb zhif yenf binb zhit uat draos draod lol dout uat 》、《Xaob fangx tiaox lif》、《Fangx deb nzhes jenk zaib fax》、《Fangx dlex nangs guad daox baob angd npout faxdex nat.  b. yuad hof fax lix guib dinf let jeuf zhuf xenx shif ( ib lob zud zhix zhit yaos jeuf zhuf let duif xangf). Huaf nat let fax lixfax guibzhenf cex guib dinf let xenx zhenf jeuf zhuf let nyax zax cuat yangf muax:  shef huif jeuf jif fux lif jenbdaox baob deb npout jeuf jif jenbcuat yangf jeuf zaibfuk xix jenb、 tex dinf nenb nenb let zax yos loul dex nat.  c. yuad hof fax lix guib dinf let jeuf zhuf chenx xif. Dangd dus mol jeuf zhuf fenf ndout dub yuad shout ndoub ndeud mol taod haik, dol nenb drous jeuf zhuf yuad dout shout ndoub ndeud lob chenx xif nat yaos zhit zeux zheus let.

 

2. Daox baob angd npout zaib haif nyax zax jeuf jif、 cuat yangf jeuf zaib zhud yaof muax dex dus?

Daox baob angd npout zaib haif let nyax zax jeuf jif muax senb hox jeuf jif (jaod nyax zax nat jeuf yaos jaox mol bangx dex nenb drous zaib let naoxhoukhnangdqeut nyaobkot maob dex kunf nanx nat guas buab muax ib nzhik nyax zax mol kot yol lob nenx) tab nyax zax bangb zangd qeut jeuf nenb( jaod nyax zax nat yaos touk muax daox baob angd npout zaib haif linx shix jaox mol bangb dex nenb drous zaib ndrad qeut nyaobjeuf nenbzangd khaod qeut ek dout shid). Cuat yangf jeuf zaib yaox muax zhed zhangf pongxqaox buat bangs voddex chuab zhif dlex nchabchuax dex nat.

 

3. Nyax zax fuk xix jenb yaos shid drout jaod nenb dus?

a. lod del dlis muas fuk xix jenb. Lod del dlis muas let jix bix 1  10 jix let dex dob draosgox juab jib guangb gongb zox nenbjend chuaxminx binbminx gongb dub yuad dout nggangf biaob zhund huaf dex nyax zax nat mol maob shab dex nenb lod del dlis muas nat. dex nyax zax nat muax: senb hox bud tixnghet fuf shix pind bud tixdraod mol zhed ntrad dlex nof uat let dex dol dob draos dlis muas lod del guk tex dend tab ib dend let nyax zax fuf likkot khaod cangb draod huaf maobndruab juad del juad deut tab dex yangf guk bangb dout nil lob jed shid drous let nyax zax nggangf guib dinf jaox mol baof xaob dex nat.  b. nenb duas leuf keuk let fuk xix jenb. Dex nyax zax nat yaos muab huaf drout dex lix shif、 maob duas leuf let dob draosjend chuaxmol ndouk juaf duas leuf let minx binb tab minx gongb, dex nenb uat dlex nof droux gox juab jib guangbminx zhud dangd paifrenx minx tuangx tid duas leuf keuk drout zhed nenb jaox mol uat nghet laol ghoudib ral muab dangl tab uat aob beb ral muab drout jaox mol bangb lob nenx.  3. nyax zax bangb lob nenx. Dex nyax zax nat yaos ib lob hlit muab let ndout zheus mol bangb drout dex dob draos lab loul draod mol zhed leufdex dob draos lab guk touk nzod zhid sangd leufdex dob draos draod mol zhed leuf、 dex dob draos muax maob draod mol zhed leufdex lix shif dob nyuas guk dub muax ib nzhik nyax zax mol bangb droutdex draos lab loul draod mol zhed guk duas leuf let box lak yaos yeus lob nenxshaib maobfuf shix pind sheud nghet ek nzid ndrout dex nat.

4. Xenx zhenf jeuf zhuf yuad zaox zox ged dus?

Beb gox juab huaf nat let fax lix duif xenf zhenf jeuf zhuf hax zhit muax tongd yix let ged jait lol dous, dangf zhik fax lixfax guibguib zhangb zhit tongx zox ged jait jeuf zhuf zhit ib yangf lak muax ib cat guib dinf. Uat jangl haik lak yaos uat nax jeuf zhuf dub yuad shout ib dlaif ndeud shenb qend mol taod, jeuf yaos dol nenb drous jeuf zhuf yuad shout ib dlaif ndeud shenb qend mol dros zud zhixdangb wef taod haik, zhud guand let xenx zhenf jib guangb yuad nggangf zhaof fax lix lol pinx shaib gab hof zhit hof, yaos das hof fax lix guib dinf let tiaox jenf nat jek let deb njoux, muax dex ral hax yuad jif shux zhuangb juab tab zhuangb nix buf menx lol uat jenf dinf tab pinx. Ndeul ndas jeuf zhuf jek jat dex lob deb qeut guk muax daox baob angd npout let jib cenx zud zhix mol shaib jaod nenb dus yuad drous jeuf, let muab nyax zax cuat yangf huaf drout jaod nenb dros zaib.

 

5. Gongb minxfax renx tab luf lob zud zhix duif jaod xenx zhenf xenx wex dus zhit fux taod nyaos dout xenx zhenf fux yif?

Xenx zhenf fux yif fax nghait 6 jeuf guib dinf das, gongb minxfax ren tab luf lob zud zhix yaos das zhit fux jaod xenx zhenf xenx wex ndrangl ghangb nat nggangf zhaof fax lix mol taod nyaos dout xenx zhenf fux yif:

a. yaos zhit fux xenx zhenf jib guangb uat deuf let jend gaofnbluat nyaxmuab jaod nyax zax guk zhit yaos nyaob shout zhenf ged kud dout shout leufmuax dex cuat yangf guk zhit yaos lol zhenf ged lol shout leufguas tinx changd tinx nixmuab dlaif ndeud xik kok zhenf keuf tab trot leufmuab dlaif ndeud zhix zhaof keuf tab trot leufmuab jaox mol geut dex xenx zhenf chud huaf nat; b.  yaos zhit fux xenx zhenf jib guangb uat deuf jix dinf zhit bob mol haid dus tab muab yol let nyax zax cuat yangf fongb leufkeuf leuf dex nat; c.  yaos zhit fux xenx zhenf jib guanb uat deuf jix dinf muab ndeud xik kok zhenf、 ndeud zhix zhaofndeud zib zhix zhenf dex guas  dleuk leuf zhit bob shid leuf、 muab trot leuf let;  d. yaos xenx zhenf jib guangb uat deuf jix dinf keuk drout yol shik let lax debcuat nzuafndol dlexgot rongddaox drongbndrangl ndraoxdeb fangbndos dlex、 haid zid dex zif rangx zib yenx nat ek zhit hof yol shab, guas yol zhit fux let;  e. yol sangd das xenx zhenf jib guangb fangf drous yol zox ged uat langx uat luaf hod ged fax lix;  f. yol sangd das xenx zhenf jib guanb muab yol let nongx nix chenx baob hox tongx hlongd dleuk leuf tab zhit bob yuad leuf, fangf drous yol let hox fax qenx yix let;  g. sangd das xenx zhenf jib guanb uat zhit hox ged lol shout nyax zaxshout cuat yangftangb paf guas yol tef nyax zax tab luf yangf uat zhit hof fax lix zhenf yuad guas yol uat let;   h. sangd das yaos hof fax lix guib dinf let tiaox jenf, mol taod guas xenx zhenf jib guangb huaf ndeud xik kok zhenfndeud zhix zhaofndeud zib zhix zhenfndeud zib gex zhenf dex nat, tab taod guas xenx zhenf jib guangb shenk pibdenb jif muax dex yangf bloub ndox, xenx zhenf jib guangb zhit dout nggangf zhaof fax lix lol nbangx let; i.  Taod guas xenx zhenf jib guangb lol baod fuf yol dol nenbnyax zax cuat yangfdout geuf ndoub ndeud dex guk fax lix guib dinf let qenx lif nat, dangf shik xenx zhenf jib guangb zhit dout uat zos qeut let;   j. taod guas xenx zhenf jib guangb nggangf zhaof fax lix lol huaf dex nyax zax fuk xix jenb、 shef huif baok xenk jenb tab dex nyax zax zuif ghel senb hox baod zhangf fef, xenx zhenf jib guangb zhit nggangf fax lix lol huaf keuk let; k. sangd das xenx zhenf jib guangb uat let luf yangf xenx zhenf xenx wek fangf drous yol let hox fax qenx yix let.

 

 

6. Yaos das dex dob ghongb nenb duif xangbzhenf zhenf fud uat deuf let zhit hof fax lix mol zhangf lax deb xenx zhenf chud huaf ek zhit fux, yuad uat jangl mol taod guas xenx zhenf fux yif?

Nggangf zhaof Lax deb guangd lil faxguib dinf, xangb zhenf fud zhit muax jait chud huaf dex guk zhit hof fax lix mol zhangf lax deb, let ndeuf, xangb zhanf fud uat deuf let xenx zhenf chud huaf nggangf Xenx zhenf chud huaf faxlet guib dinf yaos zhit muax jait let. Genb jifXenx zhenf fux yif faxnghait 6nghait 13, kod yil njangx ndraik shout ndeud mol ndros xenf renx minx zhenf fud tab muab njoux mol haik, tab njangx ndraik uat xenx zhenf suf songf drout renx minx fax yenf.

 

7. Ib dol nenbzud zhix zhit fux dex bloub ndox dus, lak mol taod zhit dout fux yif?

Xenx zhenf fux yif faxnghait 8 guib dinf, zhit fux xenx zhenf zhenf jib guangb uat deuf let xenx zhenf chud fenb tab luf yangf renx shif chud lil jix dinf , nggangf zhaof ib cat fax lixxenx zhenf fax guib let guib dinf mol shenb shuf dout. Zhit fux xenx zhenf jib guangb uat deuf let minx shif jeub fenb tiaox gaik tab luf yangf chud lil, yuad nggangf zhaof fax lix lol taod guas zhongf caix tab mol suf songf drout renx minx fax yenf, nat uat zhit dout xenx zhenf fux yif.

 

8. Dex qingx kuangf dus let bob shid xenx zhenf jib liux?

Xenx zhenf jib liux haik let yaos gongb nggangb jib guangb duif dex nenb guk wex fangd xenx zhenf guangd lil fax huib nyaob ib ndot hnob nyongs zhit bob deuf mol haid dus, muab geut dreud hod nguax. Dex chud huaf nat yaos ndrox hend let, let ndeuf fax lix let guib dinf lak ndrox hend.

a. dex jib guangb dus let uat dout yangf dlex nof nat, zhuak yaos jat gongb nggangb jib guangb tab fax lix zhaot jait let luf lob jib guangb let uat dout. Duif dex nenb guk wex fangd zhif nggangb guangd lil uat xenx zhenf jib liux, yuad jat xenf shif gongb nggangb jeuxgongb nggangb fenb jeux lak yaos lob gongb nggangb jib guangb gaot yuad lox luax let xenf jix gongb nggangb jeux let uat dout xenx zhenf jib liux yangf dlex nof nat geut nenb. Dex dob draos rod ndos ndrif muax jait muax dex nenb guk zhit muax ndoub ndeud jat let ngangs duax beb gox juab ndel geut. Luf lob jib guangbtuangx tiddol nenb dus muab gongb minx ndel geut, muab luf yangf ged jait uat nbet langf muab gongb minx ndeul geuf, dub yaos zhit hof ged jait fax lix let.   b.  hof uat xenx zhenf jib liux let, zhuak yaos dex nenb guk wex fangd zhif nggangb guangd lil fax guib. Khaod xenx zhenf jib liux nat hof bef yangf wex fax xenx wex zheus hend.  c. geut let hnob nyongs nded lot, fax lix guib dinf yaos 1 hnob draod shout, 15 hnob draod hod,  nyaob drout hod zhif nggangb chud huaf yaos das uat cof bloub muax 2 yangf let lak zhuak yaos geut let 20 hnob , zhit bob geut nded draod shout mol. d. zhix xenx fax lix guib dinf let cenx cenf yuad ndrox. Yaos das hof jangb lol geut let uat zos hot lolnos ghangb houtndrad puad pinxcaix jix、 muab geut dex cenx cenf nat. yaos das muab luf yangf xenx zhenf chud huaf lol nbluat dout tab khuab dout let, jeuf zhit dek muab jangb lol geut. Duif dex nenb bod 14 xongt zhit bod 16 xongt let; dub bod 16 xongt leuf zhit bod 18 xongt, yaos teux ral wex fangd Zhif nggangb guangd lil chud huaf faxlet; 70 xongt draod shout let; zhenf hait nyuas tab mid nyuas zhit bod 1 xongt zhenf naox mis let zhit bob uat xenx zhenf jib liux muab geut.

 

 

9. Xenx zhenf jib liuxxenx shif jib liux tab sib fax jib liux muax haid dus zhit tongx?

a. jib liux let xenf zhix zhit tongx. Xenx zhenf jib liux yaos duif jaod gongb minx guk uat cof bloub drout fax lix, zhud yaof yaos hof chud huaf jaod gongb minx guk wex fangd zhif nggangb guangd lil fax guib, yaos muab mangs nbluat let ghangb hout nyaob hod. Xenx shif jib liux yaos duif jaod nenb guk uat cof bloub muax xenx nix lox hend fangf drous Xenx fax ek uat let ib zhangd cof shib guk yuaf khet drout nil, yaos muax jait yuaf khet tab fangx guas nil ndit zhit dout. Duif xenx zhenf jib liux, dex nenb drous geut kod yil ndros lob jib guangb guk muab nil geut gaot let ob jib guangb lox bel shuab tix deuf xenx zhenf fux yif, yaos zhit fux nil buab let fux yif, hax kod yil ndros renx minx fax yenx tix deuf xenx zhenf suf songf. Dangf shik duif xenx shif jib liux drous geut, yaos uat zhit dout xenx zhenf fux yif let, lak uat zhit dout xenx zhenf suf songf. Dangb shik, genb jif fax lix let ib cat guib dinf, duif jaod nenb guk caid das nil uat cof bloub lox hax muab zhit dout dol buad pinx lab zhit lol haik das nil jeuf dol nenb uat cof bloub, lak zhit yaos yol uat cof bloub drous muab jaox mol geut cof leuf, jek guas dout boux nyax zax. Yaos das muab geut nded leuf let, kod yil taod guas gongb nggangb jib guangb lak yaos renx minx jend chax yenf muab zhaot tab muax zox ged uat yuaf khet dleuk dangt. Sib fax jib liux, yaos duib jaod nenb guk fax yenf zhenf yuad pangf lob nggangf zid ndeuf ek nil uat duab yus muab ib cat puad pinx lak yaos ib cat cuat yangf muab raik leuf ek zud drous pangf dout lob nggangf zid nat hod ged uat deuf let ib cof shib deud nguad, nad yaos muax ib zox ged nbluat tab yuaf khet. Duif dex nenb drous ib fax jib liux drous geut zhit fux let, kod yil mol ndros lob fax yenf bel shuab taod jait fux yif.   b. muab geut let mux dix zhit tongx, xenx zhenf jib liux muab geut let mux dix, yaos khuab khat dex gongb minx guk xenx zhenf wex fangd fax lix, yuad guas nil buab boub dout uat let nat yaos cof bloub drous fax lix, nongs fax lix let khuab khat, draod ghangb xof rongt. Xenx shif jib liux drous geut let mux dix, yaos zud guas dex nenb fangf zuif zhit dek mol zhuax blual shef huif, fangx taid guas dex nenb fangf zuif zhit bob zhid dlif zhenb chax tab shend pangf, lol zud drous zox ged xenx shif suf songf yangf dlex nof nat, fangx taid guas dol nenb fangf zuif zhit dek zhenf uat dout luf yangf bloux ndox zhuax bual shef huif, guas xenx shif suf songf yangf dlex nof nat uat dout hof gangb hof ged. Sib fax jib liux dros geut let mux dix, yaos khuab khat dex neb guk nyaob hod minx shif nggangf zid muab buad pinx raik leuf, jat nil buab boub das uat let nat yaos cof bloub drout fax lix, khuab khat nil buab xof rongt, guas minx shif suf songf yangf dlex nof nat uat dout zhenf gangb zhenf ged.  c. guas ndel geut let jib guangb zhit tongx, xenx zhenf jib liux droas geut yaos jat gongb nggangb jib guangb nggangf zhaof fax lix guas muab ndel geut; xnex shif jib liux ndel geut yaos jat gongb nggangb jib guangb tab renx minx jend chax yenf uat deuf jix dinf, ek jat gongb nggangb jib guangb mol ndel geut. Sib fax jib liux drous geut zhuak yaos renx minx fax yenf lol uat jix dinf, jat gongb nggangb jib guangb rod ndrox tab ndel mol geut .  d. hof jaod nenb dus lak zhit tongx. Xenx zhenf jib liux drous geut yaos hof jaod nenb guk fangf drous xenx zhenf fax lix (zhud yaof yaos Zhif nggangb chud huaf fax) ek drous chud huaf; xenx shif jib liux drous geut yaos hof jaod nenb guk fangf drous Xenx fax dub yaos fangf zuif leuf lak yaos jaod nenb guk caid das nil yaos nenb fangf zuif. Sib fanx jib liux drous geut hof jaod nenb guk guf yif did taid guas minx shix shif suf songf uat zhit dout njangx ndraik, haik let yaos dol nenb ndangt bloubluf dol nenb guk gik drous lob nggangf nzid nat tab dex nenb guk ndros lob nggangb nzid nat gik zhit drous, suk let mol ndoukmol hef dol nenb guk shiab bof buab uat cof bloub tab dex nenb uat dlex nof sib fax tab nib buab dex gud dix nenx zhangt dex.  e. hof shid let fax lix zhit tongx. Xenx zhenf jib liux drous geut hof shid let fax lix yaosZhif nggangb guangd lil chud huaf fax; xenx shif jib liux drous geut shid let fax lix yaosXenx shif suf songf fax; sib fax jib liux drous geut shid let yaosMinx shif suf songf fax.  f. dous geut let jaix nyongs nded lot zhit tongx. Xenx zhenf jib liux dous geut hnob nyongs yaos 1 hnob draod shout 15 hnob draod hod, zhif nggangb chud huaf uat get drous bluat lak zhit geut chaob 20 hnob. Xenx shif jib liux drous geut let hnob nyongs yaos 10 hnob, yaos das nzhib drous muax bloub ndox tex shub kod yil geut zos 14 hnob, duif jaod nenb guk zox bloub ndout ralmol drout cuat qeut zox bloubbangb beus zox boub ek zox let bloux ndox lox hend yod yil geut zos let 37 hnob. Sib fax jib liux drous geut let hnob nyongs yaos 15 hnob draod hod, dol nenb drous geut yaos das nyaob lob jaix nyongs drous geut, renf cof tab dub boub das nil uat yuaf ged leuf, renx minx fax yenf kod yil muab zhaot deuf lol uat ndex.

 

10. Xenx zhenf jib liux drous geut let jaix nyongs yaod nded nbouf let jangl?

Nggangf zhaof Zhif nggangb guangd lil chud huaf fax, xenx zhenf jib liux drous geut let jaix nyongs yaos 1 hnob draod shout 15 hnob draod hod, yaos das fangf drous zhif nggangb guangd lil aob yangb bloub draod shout let, yuad nyal uat nyal let haik, shid ib jaix nyongs uat ged geut. Xenx zhenf jib liux zox bloux ndout drous uat ged shid jaix nyongs geut let, geut let hnob nyongs nded lak zhit dek chaob 20 hnob.

 

11. Lenx dus muax ged lol haik loluat yangf dlex nof xenx zhenf jib liux drous geut?

Nggangf zhaof Xenx zhenf chuad huaf faxnghait 9nghait 6 guib dinf, zhuak muax fax lix let muax ged guib dinf uat xenx zhenf jib liux drous geut, yuad jat gongb nggangb jib guangb lol uat yangf dlex nof xenx zhenf jib liux dous geut. Muax ged uat xenx zhenf jib liux drous geut yangf dlex nof nat, hod fax lix haik das zhuak yaos xenx draod shout let gongb nggangb jib guangb let muax ged uat dout xenx zhenf jib liux drous geut khaod dlex nof.

 

 

12. Dol lab zhit yaos xenx zhenf zex renf tab minx shif zex renf? Xenx zhenf zex renf tab minx shif zex renf muax lab zhit zhit ib yangf?

Xenx zhenf zex renf haik let yaos xenx zhenf fax lix guangb xif zhud tid ( hod nat muax xenx zhenf zhud tid tab nenb) yenb wef wex fangd xenx zhenf fax lix guib fangf lak yaos zhit zaox xenx zhenf fax guib zox ged jait uat dlex nof yuad drous ndangt let xenx zhenf fax lix heuf god. Minx shif zex renf haik let yaos minx shif fax lix guangx xif zhud tid zhit dout zaox zox ged minx shif fax lix guib dinf guas uat let dlex nof, lak yaos dub deuf bloub ndox leuf yuad zhof drous ndangt let minx shif fax lix heuf god.

Nil buab dex khaod zhit tongx yaos muax:  a. minx shif zex renf yaos nyaob drout pinx dend zhud tid ndruab ndrangb deuf let minx shif fax lix bloub ndox; dangf shik xenx zhenf zex renf yaos nyaob drout aob daos zhud tid dub zhit pinx denddeuf let xenx zhenf fax lix bloub ndox.  b. minx shif zex renf let xenx shif yaos nzid nyaos dout let; dangf shik xenx zhenf zex renf let xenx shif lak muax nzid nyaos dout let , dangf shik khaod ndout yaos drous nbluat. c. fax yenf yaos zhuib jeuf minx shif zex renf let,  zhuib jeuf minx shif zex renf yaos hof muab minx shif suf songf fax lol uat; dangf shik xenx zhenf zex renf let zhuib jeuf jib guangb muax qenx lix jib guangbxenx zhenf jib guangb tab renx min fax yenf,  xenx zhenf wex fax let xenx wex zhit tongx, nil zox ged gait zhuib jeuf lak zhit tongx,  ib bangb yaos jat xenx zhenf jib guangb muab xenx zhenf caix jix zod ged jait nat lol zhuib jeuf xenx zhenf zex renf,  zox ndraik let zox ged zeud raos zox ged sib fax chenx xif.  d. nggangf zhaof Minx fax tongb zexnghait 134 yuad ndangt drous let bloub ndox muax : zhit bob qenb haf;  zhit bob zud taid; zhit deuf wex yenk; muab cuat yangf boux draod ghangb;  muab uat guas suk let ghob; kot rongtdraod uathlongd leuf; drous boux nox nghet; tout tef nyax zax wek yox jenb;  haik das yaos uat yuaf ged leuf;  bangb las zuad plot; taod zhif rangf zhif 10 yangf nat; drous ndangt xenx zhenf zex renf let ged gait muax ndout yangf, hod Xenx zhenf chud huaf faxjeuf muax jend gaofnbluat nyaxmuab cuat yangf tab muas dout let nyax zax shout leufmuab dlex nof chot dnagt zhit bob uat; muab ndeud xik kok zhenf keuf tab trot dangt; muab ndeud zhix zhaof keuf tab trot dangt; xenx zhenf jib liux drous geut; fax lix tab xenx zhenf fax guib guib dinf let luf yangf chud huaf 8 yangf nat. e. minx shif zex renf yuad let yaos boux nyax zax drout dol nenb drous ha flak yaos muab dex cuat yangf uat bual leuf draod uat rongt suk let ghob, ib bangb let yaos muab bual buk zheus boux buk zheus tab muab kot rongt let ghob lol uat yenx zex; dangf shik xenx zhenf zex renf yaos fangx taid wex fangd fax lix let bloub ndox deuf lol, genb jif nil let xenx zhenf wex fax xenx wex shaib zeux zhuax bual shef shuif nbouf let jangl lol chud huaf guas boub dangb ek fangx taid dout zhit draod uat cof bloub leuf.

 

 

13. Dol nenb drous xenx zhenf chud huaf leuf, hax yuad dout ndangt dol lab zhit minx shif zex renf?

Xenx zhenf chud huaf tab minx shif zex renf yaos zhit tongt let fax lix buf menx lol nbangx let, drous xenx zhenf chud huaf yaos dol nenb fangf drous xenx zhenf fax guib yuad dout ndangt bloub ndox drout gox juab, dangf shik minx shif zex renf yaos dol nenb zox bloub lol haf drous gongb minxzud zhix lak yaos fax renx yuad drous ndangt let dex fax lix zex renf, aob khaod nat yaos zhit ib yangf let, uat jangl haik lak yaos did zhit dout let. yaos das fangf xenx zhenf fax guib zhuak yaos uat bual gongb gongf lif yif, zhuax bual zox ged jait xenx zhenf guangd lil, dangf shik zhit dout fangf drout luf dol let hox fax qenx yix, uat let dol nenb zhuak yaos drous xenx zhenf chud huaf let sub, zhit mol ndangt minx shif zex renf; yaos das dol nenb mol zhuax bual drous gongb gongf yif yix hat mol fangf drous luf dol let hox fax qenx yix, uat let dol nenb nat jeuf yuad dout mol ndangt xenx zhenf minx shif aob lob bloub ndox nat, yuad mangs xenx zhenf chud huaf lak yuad dout boux las luf dol let nox nghet.

 

14. Dol lab zhit yaos xenx shif zex ren? Xenx zhenf zex renf tab xenx shif zex renf muax haid dus zhit tongx?

Xenx shif zex renf wef yaos fangf zuif rel deuf let bloub ndox, yuad jat daif biaod nyaos gox juab let sib fax jib guangb lol dot bloub, nggangf zhaof fax lix lol shaib dol nenb yuad drout uat let jangl lol drous nbluat tab ndangt lob bloub ndox nat.

Nil tab xenx zhenf zex renf zhit tongx let yaos:  a.  uat cof let bloub ndox zhit tongx. Xenx zhenf zex renf yaos gongb minxfax ren lak yaos luf lob zud zhix wex fangd xenx zhenf fax lixfax guib, dangf shik zhit dout zos fangf zuif, ek lol ndangt let fax lix zex renf; dangf shik xenx shif zex renf jek dub yaos dout fangf zuif leuf. Ib bangb lol haik, xenx zhenf wex fax uat cof zos zhuax bual shef huif leuf jek jeuf zak uat fangf zuif lak.  b. shid let fax lix zhit tongx. Xenx zhenf zex renf hof shid let yaos fax lixxenx zhenf fax guibxenx zhenf guib zhangbdeb qeut let fax guib tab guib zhangb ; dangf shik xenx shif zex renf hof shid let zhuak yaos Xenx fax tab Qenx Gox Renx Daf ndros nil lob Changx Wek Huif zhaot jait shid let dex Xenx fax guk draod gof drout hod.  c.  lob jib guangb nbangx dlex nof zhit tongx. Xenx zhenf zex renf yaos xenx zhenf guangd lil let fangf cheux, uat yangf dlex nof nat let zhud tid yaos xenx zhenf jib guangb;  jek xenx shif zex renf yaos gox juab let sib fax fangf cheux, uat yangf dlex nof nat let zhuak yaos renx minx fax yenf.  d. uat let ged jait cenx cenf zhit tongx. Dol nenb buak yuad dout ndangt xenx zhenf zex renf yuad jat xenx zhenf zhud tid nggangf zhaof xenx zhenf chud huaf let cenx cenf lol nbangx; jek dol nenb huak yuad dout ndangt xenx shif zex renf yuad jat fax yenf nggangf zhaof xenx shif suf songf let ged cenx cenf lol nbangx.   e. ndangt let bloub ndox shib hnyangd zhit tongx. Xenx zhenf zex renf ndangt let bloub ndox muax: jend gaofhaik khat nil let bloub ndox drout duaf cix boubnbluat nyax、 guas muab dlex nof zhaot zhes zhit bob uat dlex nofmuab ndeud xik kok zhenf keuf tab trot dangtmuab ndeud zhix zhaof keuf tab trot dangtmuab dex cuat yangf zhit hod shout dangtmuax muas dout let dex nyax zax zhit hod shout dangtxenx zhenf jib liux drous geut dex nat. Xenx shif chud huaf faib muab zhud xenx tab fuf juab xenx aob yangf. Zhud xenx muax: guangd zhifdrous geutmuax jaix ynongs let tux xenxzhit muax jaix nyongs let tux xenx tab drous duas; fuf juab xenx muab: tef nyax drous nbluatmuab zhenf zhif qenx lif trot dangt tab muab caix changd cuat yangf shout dangt; tlout let ndeuf mol hax muax yaos das yaos nenb ndox ndrout fangf zuif jek yuad drous leud deuf ndrif deb mol.   f. heuf god tab zox yongf zhit tongx. Xenx zhenf zex renf tab xenx shif zex renf dub yaos haik das duif dex nenb fangf zuif muax chud huaf tab khuab khat aob yangf zox yongf nat, dangf shif shib hnyangd yaos zhit ib yangf let. zenx zhenf zex renf let khaod zhenb yaos khuab khat dob nenb guk wex fax, zhif caix zhuak yaos ib zox ged khuab khat let, jat nil boub dangb let yaos xenx zhenf zex renf let lob mux dix zhenb; jek xenx shif zex renf yaos duif dex nenb fangf zuif guk zhuax bual shef huif , zhif caix dex nenb fangf zuif yaos zhud yaof gongb nenx, nyaob touk zhif caix lak muax khuab khat dex nenb fangf zuif nyaob hod, nil zhit dangb yaos zhit bob dex nenb fangf zuif muax caix changd cuat yangf, lak zhit bob dex nenb fangf zuif muax zhenf zhif qenx lifnil uat zhit dout lab zhit zos drox guk zhit bob dol nanb fangf zuif muax zox shad jax.

 

 

15. dol lab zhit yaos nbluat nyax tab nyax drous drous nbluat? Nbluat nyax tab nyas drous nbluat muax haid dus zhit tongx?

Nbluat nyax yaos xenx zhenf chud huaf let ib khaod sheud duangf.yaos xenx zhenf zhud tid uat deud nguad guas dol nenb wex fax muab deuf ndout zheus nyax zax lol tef. Nyax drous nbluat jek yaos xenx fax let ib khaod fuf juab xenx, yaos ib khaod xenx shif chud huaf, yaos ib yangf caix changd cuat yangf yuad dout muab deuf lol, yaos fax yenf yuad pangf guas dol nenb fangf zuif maub deuf ndout zheus nyax zax lol tef keuk droux gox juab.

Nbluat nyax tab nyax drous nbluat khaod zhit tongx yaos:  a. xenf zhix zhit tongx. Nyax drous nbluat yaos xenx shif chud huaf; nbluat nyax jek yaos zhenx zhenf chuad huaf.  b. chud huaf let genb jif zhit tongx. Nyax drous nbluat yaos jat Xenx fax lol guib dinf let, nbluat nyax jek yaos jat xenx zhenf fax lixfax guib lol guib dinf.  c. lol chud huaf let zhud tid zhit tongx. Nyax drous nbluat yaos renx minx fax yenf lol pangf chud, nbluat nyax yaos xenx zhenf zhud tid lol pangf chud. Drous nbluat let nenb zhit tongx. Nyax drous nbluat yaos nbluat guas dex nenb fangf zuif khuad hlaot, nbluat nyax jek yaos nbluat deb nenb wex fangd xenx zhenf fax lixfax guib, yuad nbluat dout shib ib nzhik. 

 

 

16. Nongx nix tab lob jib guangb guangd yos zhax cot buak muax jait uat xenx zhenf chud huaf?

Genb jif Nongx nix fax》、《Nongb ghongb fax》、《Ndrangl ndraox fax》、《Chuax kot zhax cot guangd lil tiaox liflet guib dinf, noongx nix tab lob jib guangb lil yos zhax cot muax jait uat xenx zhenf chud huaf.  Nongx nixrongd ndongt guangd lil buf menx nggangf zhaof fax lix duif dex nenb guk wex fangd nongb ghongb guangd lil guib dinfwex fangd ndrangl ndraox guangd lil guib dinfwex fangd chuax kot zhax cot guangd lil guib dinf, dangf shif zhit dout uat chenx fangf zuif let, muax jait uat deuf xenx zhenf chud huaf.

 

17. Lax deb guangd lil jib guangb buak muax jait uat xenx zhenf chud huaf?

Genb jifLax deb guangd lil fax》、《Lax deb guangd lil fax shix shib tiaox lifguib dinf, xenf draod shout let deb qeut zhenf fud lax dex guangd lil buf menx muax jait uat xenx zhenf chud huaf, kod yil uat xenx zhenf chud huaf drout dex nenb guk wex fangd lax deb guangd lil guib dinf.

 

18. Jif huaf senb nyuas guangd lil jib guangb buak muax jai dout xenx zhenf chud huaf?

Genb jif Nenb tab jif huaf senb nyuas faxguib dinf, jif huaf senb nyuas xenx zhenf guangd lil buf menx tab wef senb buf menx muax jait duif dex nenb guk wex fangd jif huaf senb nyuas guangd lil guib dinf uat xenx zhenf chud huaf.

 

19. Jaof yeux guangd lil jib guangb buak muax jait uat dout xenx zhenf chud huaf?

Genb jifJaox yeux fax》、《Yif vuf jaof yeux fax》、《Guk ndeud fax》、《Minx bangf jaof yeux cux jenf fax》、《Yif vuf jaof yeux shix shib bangf fax》、《Gaob dend jaof yeux zif xox kaod shif zangf xenx tiaox lif》、《Puk tongb gaob dend xox xaof zhaob senb guangd lil chud huaf zangf xenx guib dinf》、《Dad nenx gaob dend xox xaof shex zhix let zangx xenx guib dinf》、《Zhed khongb mid nyuas yout guangd lil tiaox lifdex fax lixfax guib nad let guib dinf, jaof yeux guangd lil jib guangb muax jait uat deuf xenx zhenf chuad huaf drout dex nenbdex zud zhix tab fax renx guk wex fand jaod fax lixfax guib bel shub nat.

 

20. Yuad box yuad yeus denb jif jib guangb buak muax jait uat dout xenx zhenf chud huaf?

Xongt 2003 lob 10 hlit hnob sab 1 shix shib lobYuad box yuad yeus denb jif guangd lil tiaox lifchab, muab xongt 1994 lob Yuad box yuad yeus denb jif guangd lil tiaox lifghob haik das muax jait uat dout xenx zhenf chud huaf laif zhes, uat dout rongt suk let nenb lob shab sangd leuf, minx zhenf jib guangb nyaob touk denb jif dob hluak ncaik hluat shik yuad uat naf zid, zhit max jait uat xenx zhenf chud huaf. 

 

21. Dex xenx zhenf jib guangb dus zhit muax jait uat xenx zhenf chud huaf?

Genb jif Xenx zhenf chuad huaf faxnghait 9 zos nghait 19 guib dinf, cuat jix renx minx zhenf fud let bangb gongb jib geufjenb chax jib geufrenx shif jib geufshif vuf jib geufzib xenx jib geufGongf changd dangd let jib geuf dex nat zhit muax ndoub ndeud zhaot jait drout jak zhit muax jait uat deuf xenx zhenf chud huaf, wef yaos nil buab dex dlex nof zhuak yaos bel shub let del deut lak yaos guangd lil hod jib guangb dex dlex nof tab dex nenb uat dlex nof let, guangd zhit dout ndrout shef huif let bloub ndox, jek nil buab jeuf zhit muax jait mol uat xenx zhenf chud huaf.

 

22. Gab longs ged langx ged luaf let chud huaf muax dex dus?

Genb jif Gab longs ged langx ged luaf guangd lil bangf huaxguib dinf, dex langx luaf guk nyaob gab longs uat yuaf ged cof bloub mangs chud huaf yaos let jaod nat:  a. muab ghongb longt roub nchuas dol nghet nak ghel mual lol, hat muab nghet nghangt shab muas deuf;  b. nyas muas lak yaos muab cuat yangf boud cuat zhangd piaof zhenf tab mual muas dex youk sex jenb shux ghobbaodnbodnyax gob tab dex cuat yangf muab nyax gob uatwenx vux tab gox juab zhit bob muab deuf lol shid let nyax zax ndox ndroutdex cuat yangf ndaox nenb ntuad yais tab lub yangf zhit bob mual muas, dex ndub ndeuddluabshuab ngouxlux xangf daif tab lub yenb daif guk uat dlex uat nbuatzeux zhuax bual beb Zhongb Gox lob nenx, dex roub nchuas ghongb longt tab nghaix duas guk muax duxmuax haf tab zhut lux leuf, dex chuax guk uat guas nenb zeux cangd、 chuax juad tab huaf xox nongx yox, dex cuat yangf guk Gox vuf yenfsendshifzif zhif qib haik das zhit bob nyaob shout gab kut muas;  c. shid dex drangb gid guk gox juab zhit bob shid tab dex drangb gid zhit hof ek muab lol ncuat nenb nyax zax;  d. muab dex cuat yangf pef lol haik yaos rongtmuab juad let lol haik das yaos zhenb letdex cuat yangf cangb muax luf yangf drout hodgid lox zheus lis dluat ndoub zheus chif;  e. ndaox nenb ntuad yaissuangf hmongd;  f. dex yenb yangf uat shit guk uat dlex uat nbuathef nenb nchait ntrutzhuax bual shef huif zhud yif jenb shenx wenx minx, ek khuab lhat zhit draod;  i. nyaob hod gab longs uat dol lox qib nenb buad qeutmuab nghet nghangt shab.

 

 

23. Gab longs gof tid gongb shangb fuf let chud huaf muax dex dus?

Genb jif Gab longs gef tid gongb shangb fuf guangd lil zangf xenx tiaox liftabGab longs gof tid gongb shangb fuf guangd lil zangx xenx tiaox lif shix shib xif zexguib dinf,  chud huaf dex gof tid gongb shangb fuf muax:  a.  zhit dout mol gongb shangb xenx zhenf guangd lil jib guangb denb jif muab dout neud yenx nix zhif zhaof jeuf jat let mual muas cuat yangf let;   b. muab ndeud yenx nix zhix zhaof ndros fuf bend tab linx shix ndeud yenx nix zhix zhaof ghed deuf molmuas leufmuab drout deuf mollangf muab nbet dleuk leuf tab shid ndeud yenx zhix zhaof juad lak yaos ndeud yenx nix zhix zhaof fuf bend juadlinx shix yenx nix zhix zhaof juad;  c. langf muab hod ndeud yenx nix zhix zhaof let denb jif hangf mux ( dol nenb uat luaf let nbetlob khaod qeut uat luaflob nbetlangx luaf let fangb shif lak yaos dex yangf luaf guk zhit dout bub jait drout uat) dleuk leuf;  d. langf mol muab dex cuat yangf guk zhit bob muas jaox lol muas; tlout jaix nyongs leuf dub zhit muab dlaif ndeud yenx nix zhix zhaof jaol shend yenf tab haik zhit deuf uat jangl dangb gouf jaix nyongs ndex nbouf;  e. dub geut drongx zhit uat leuf ek zhit mol hai nbangx dex sheud sux geut drongx; zhit nggangf guib dinf taf nyax zax denb jif fef tab nyax zax guangd lil fef; uat dex langx luaf pinf nenb tab uat dex langf huaf mol ged zhouk ndox;  f. buad qeut qib nenb, muab nghet nghangt shab, las zhit yuad dub yuad guas las mual; muab dex pof mol chongb dex rongt, ghent chif zheus lis, cangb juad let drout hod;   g. muas dex cuat yangf naox guk zhit hof wef shenb biaob zhund guas nenb naox zeux dout maob;  h. Senb changd tab muas dux pindcuat yangf juaddex cuat yangf guk muas las let nbet; muas dex ndoub ndeuddluablux yenb lux xangf daif laik yaos uat dex langx luaf guk fax lix tab zhenf cex zhit bob uat.

 

 

24. Muas chuax kot zhax cot tab zhif chuax kot zhax cot muax dex chud huaf dus?

Genb jif chuax kot zhax cot guangd lil tiaox liftabchuax kot zhax cot guangd lil tiaox lif shix shib xif zexguib dinf, zhif chuax kot zhax cot tab muas chuax kot zhax cot muax let dex nat:  a . zhifmuas juad chuax kot zhax cot lak yaos zhif 、 muas dex chuax kot zhax cot guk hod let chenx fenf zhongf luif nbet chuax zhit hof gox jif biaob zhundzhuangb nix biaob zhund lak yaos deb qeut let biaob zhund, yuad guas zhit bob zhifzhit bob muas jaod chuax kot zhax cot nat, muab muas dout let nyax zax tab chuab shout dangt, hax yuad mangs nbluat nyax zax; yuad guas lob qib nix guk zhif chuax gaox tinx changdtinx nix zhend dunf lak yaos muab dlaif ndeudchuax kot zhax cot senb changd xik kok zhenf》、《muas chuax kot zhax cot xik kok zhenf》、《chuax kot zhax cot zhif jif xik kok zhenftrot dangt. Dex nenb guk guangd zhif chuax, yuad jat dangb wef lak yaos bel shuab let zhud guangd jib guangb keuk xenx zhenf chud fenb drout; yaos bloub ndox deuf lox leufnggangf zhaof xenx fax guib dinf dub zos fangf zuib leuf, yuad jat sib fax jib guangb mol zhuib jeuf nil let xenx shif zex renf.   b. duif dex guk zhif chuax kot zhax cot zhit rongt tab chuax kot zhax cot zhit rongt dub zhenf muab deuf lol muas, yuad zhit bob zhif tab zhit bob muas, yuad muab chuax tab muas dout let zax shout dangt, kod yil nbluat nyax zax drout; yaos das bloub ndox uat lox leuf, yuad muab lob qib nix gaot dlaif ndeudchuax kot zhax cot senb changd xik kok zhenf》、《muas chuax kot zhax cot xik kok zhenf》、《chuax kot zhax cot zhif jif xik kok zhenftrot dangt.   c. zhit dout muab dout dlaif ndeudchuax kot zhax cot senb changd xik kok zhenf》、《muas chuax kot zhax cot xik kok zhenf》、《chuax kot zhax cot zhif jif xik kok zhenf, jeuf jat let mol zhif chuaxmuas chuax lak yaos pef chuax kot zhax cot,  yuad guas tinx changdtinx nix lak yaos zhit bob pef chuax kot zhax cot, yuad muab dex chuax kot zhax cot gaot tab muas zhout let nyax zax shout dangt, kod yil nbluat nyax zax drout.   d. mol ndox ndrout muab chuax kot zhax cot lol muas, zhit dout jat Gox vuf yenf lak yaos sendzif zhif qibzhix xax shif  lak yaos Gox vuf yenf nongx nix tab zhax cot guangd lil jib guangb deut let dex chuax kot zhax cot jenb chax sok yend yenf hox ged let, zhit muax dlaif ndeudndox ndrout ngangs lol let chuax kot zhax cot denb jif xik kok zhenflet, congx ndox ndout ngangs lol tab congx beb gox juab deuf mol let shid drout zhax cot let chuax max zuif dex nat, zhit muax Gox vuf yenf wef senb xenx zhenf buf menx zhaot jait keut let dlaif ndeudzhaot jait deuf mol zhunk xik zhenf》、《zhaot jait ndangs lol zhunk xik zhenflet. Shaib bloub ndox lox yout, yuad jend gaof lak yaos muab jaox chuax nat shout dangt, zhit nongs haik zhenf muas deuf let, muab muas dout let nyax zax shout dangt, yuad nbluat nyax zax drout.  e. nyaob hod gab longs muas chuax kot zhax cot , zhit muax dlaif ndeud muas chuax kot zhax cot xik kok zhenf tabdlaif ndeudyenx nix zhix zhaof》,kod yil muab muas dout let nyax zax shout dangt, yuad nbluat nyax zax drout.   f. dex chuax kot zhax cot let shangb biaob zhit dout nggangf gox juab shangb biaob fax guib let guib dinf, mol denb jif zhuf cex ek jeuf muab zhaot drout shout lob ploub ndruab chuaxdlaif ndeud haik khat, hax zhaot muas ndeud das yaos  zhuf cex shangb biaob tab zhuf cex biaob jif let; sendzif zhif qibzhix xax shif nongx nix tab zhax cot xenx zhenf guangd lil jib guangb zhit dout shend chuac pib zhund, jeuf nyaob shout dex ndoub ndeudmol luaf uat ndeudnyaob hod dinf shif zhaot tab lot chuax kot zhax cot guangd gaof let; dex chuax kot zhax cot let guangd gaof nuif yongx tab Gox vuf yenf nongx nix tab zhax cot xenx zhenf guangd lil jib guangb lak yaos sendzif zhif qibzhix xax shif nongx nix tab zhax cot xenx zhenf guangd lil jib guangb pib zhund let ndeud haik khat let nuif rongx zhit hof let; guangd gaof xenb chuangx zhax cot shid let chuax max zuif let; kod yil muab muas dout let nyax zax shout dangt, yuad nbluat nyax zax drout.

 

 

25.  Uat cof bloub drout nongb ghongb nongb ndongt guangd lil muax dex chud huaf dus?

Genb jif nongb ghongb faxguib dinf, uat cof bloub drout nongb ghongb nongb ndongt guangd lil mangs chud huaf let muax:  a. zhif tab muas nongb juad let, jat xenf draod shout let renx minx zhenf fud nongx nixrongtd ndongt xenx zhenf zhud guangd buf menx lak yaos gongb shangb xenx zhenf guangd lil buf menx haik guas zhit bob zhif tab muas, muab nongb juad tab muas dout let zax shout dangt, muab dlaif ndeud zhif nongb xik kok zhenfdlaif ndeud muas nongb xik kok zhenf lak yaos yenx nix zhix zhaof trot dangt, yuad nbluat nyax drout; shaib muas dout ndout zheus zax, yuad nbluat nil muas dout let nyax zax let 5 nbout draod shout 10 nbous draod hod; yaos zhit dout muas dout zax let, yuad nbluat 2000 dlaif zax draod shout 50000 dlaif zax draod hod; yaos dub zos fangf zuif leuf let, yuad nggangf zhaof fax lix zhuib jeuf xenx shif zex renf.  b. zhit dout muab dout ndeud zhif nongb tab muas nongb xik kok zhenf lak yaos dlaif ndeud zhif nongbmuas nongb xik kok zhenf yaos uat juad letmol mual lol letmol ghed lol let, lak yaos zhit dout nggangf zhaof dlaif ndeud zhif nongb、 muas nongb xik kok zhenf guib dinf let mol langf zhif nongbmuas nongb; jat xenf draod shout let renx minx zhenf fud nongx nix 、 rongd ndongt xenx zhenf zhud guangd buf menx guas muab dleuk draod ghangb, muab nongb tab muas dout let nyax zax shout dangt, yuad nbluat nil muas dout zax let ndout zheus let 1 nbous draod shout 3 nbous draod hod; yaos zhit dout muas dout zax let, nbluat 1000 dlaif zax draod shout 30000 dlaif zax draod hod; kod yil muab dol nenb wex fax dlaif ndeud zhid nongb muas nongb xik kok zhenf trot dangt; yaos dub zos fangf zuif let, nggangf zhaof fax lix lol zhuib jeuf xenx shif zex renf.   c. bangb ndox ndrout muab nongb ghongb nongb ndongt jaox lol beb gox juab muas let; congx ndox ndrout muab nongb ghongb nongb ndongt jaox lol shif jaos ek yenx nongb hat jaox mol muas let; zhit dout zhaot jait jeuf mol ntrad dex nongb ndongt guk gox juab baod buf jaox lol jaos yenx nongb let, jat xenf draod shout let renx minx zhenf fud nongx nixrongd ndongt xenx zhenf zhud guangd buf menx guas muab dleuk dangt, muab nongb tab muas dout let nyax zax shout dangt, yuad nbluat nil muas dout nyax zax let ndout zheus let 1 nbous draod shout 3 nbous draod hod; zhit dout muas dout nyax zax let, nbluat let 1000 dlaif zax draod shout 20000 dlaif zax draod hod; yaos zos fangf zuif let, yuad nggangf zhaof fax lix lol zhuib jeuf xenx shif zex renf.   d. muas let nongb ghongb nongb ndongt yuad muax hnangb ndruab dangf shik zhit muax hnangb druab let; muas let nongb ghongb nongb ndongt zhit muax nbet tab lob nbetdex ndoub ndeud haik khat zhit hof nongb ghongb fax guib dinf let; muab lob nbet nongb ghongb nongb ndongt dleuk leuf tab muab las shif yenf jend yenf let shuf jif dleuk leuf let; zhit dout nggangf guib dinf muab zhif nongbmuas nongb let dangd nggangf zhes jat let; jaox nongb ghongb nongb ndongt mol luf lob deb qeut muas ek shex fenb zhib jib geuf zhit nggangf guib dinf bef nggangf let. Jat xenf draod shout let renx minx zhenf fud nongx nixrongd ndongt xenx zhenf zhud guangd buf menx lak yaos gongb shangb xenx zhenf guangd lil jib guangb guas muab dleuk draod ghangb, yuad nbluat nyax let 1000 dlaix draod shout 10000 dlaif draod hod.  e. muax dex nongb ghok guk jaox mol zhif dout rongt nongb ghongb nongb ndongt muas drout ndox ndout tab mol ndox ndout muab lol let, jat Gox vuf yenf lak yaos sendzif zhif qibzhix xax shif renx minx zhenf fud nongx nongxrongd ndongt xenx zhenf zhud guangd buf menx muab dex nongb ghok tab muas dout let nyax zax shout dangt, yuad mangs nbluat nyax 10000 dlaif draod shout 50000 dlaif draod hod.  f. zhit dout taod dout nongx nixrongd ndongt xenx zhenf zhud guangd buf menx let ndoub ndeud jeuf muab beb gox juab let dex nongb ghongb nongb ndongt ghok jaox deuf mol drout ndox ndout, Haik guangb yuad muab jaod nongb ghok nat keuf zhes, muab sangt drout sendzif zhif qibzhix xax shif renx minx zhenf fud nongx nixrongd ndongt xenx zhenf zhud guangd buf menx chud lil.      g. muas tab guas las jaos dex nongb yuad drous jaox mol shend dinf ek zhit dout shend dinf, jat xenf draod shout let renx minx zhenf fud nongx nix 、 rongd ndongt xenx zhenf zhud guangd buf menx haik guas zhit bob muas tab jaos, yuad muab dex nongb gaot tab muas dout let nyax zax shout dangt, yuad nbluat nyax 10000 dlaif draod shout 50000 dlaif draod hod.   h. mol hod got rongt nyas keub tab zaid drous dongt guk las muab uat naf let nongb zid ndongt let, jat xenf draod shout let renx minx zhenf fud rongd ndongt xenx zhenf zhud guangd buf menx gaus zhit bob dlet nongb ndongt, yuad muab dex nongb ndongt shout dangt, yuad nbluat nyax let jaod nongb ndongt dol nghet let 1 nbous draod shout 3 nbous draod hod; yaos zos fangf zuif let, yuad nggangf zhaof fax lix zhuib jeuf xenx shif zex renf.  i. jat let mol dex lob vangx jaos nongb ndongt guk Gox vuf yen flak yaos sendzif zhif qibzhix xax shif rongd ndongt xenx zhenf zhud guangd buf menx uat shout mual nongb ndongt; Gox vuf yen flak yaos sendzif zhif qibzhix xax shif rongd ndongt xenx zhenf zhud guangd buf menx zhit dout zhaot jait , jeuf mol shout mual dex nongb ndongt zhit nox nghet tab mol shout mual tongx jix renx minx zhenf fud zhit bob shout mual let nongb ndongt, jat xenf draod shout let renx minx zhenf fud rongd ndongt xenx zhenf buf menx muab shout mual dout let nongb ndongt shout dangt, yuad nbluat nyax zhif jaod nongb ndongt dol nghet let 2 nbous draod shout.  j. zhud guangd buf menx guas mol hod lob vangx yangb nongb ndongt uat gangb maob shif yenf let, jat xenf draod shout let renx minx zhenf fud nongx nixrongd ndongt xenx zhenf guangd lil buf menx guas zhaot del zhit bob shif yenf, yuad nbluat 50000 dlaif zax draod hod.   k. yaos das zhix liangf yend yenf jib geuf uat ndeud zhenf minx juad, yuad dout ndros dex nenb zhif nongbmuas nongb uat ged ndangt bloub ndox; hax yuad nggangf zhaof fax lix zhuib jeuf nongb let zhix liangf jenk yenf jib geuf tab dob nof zhud let xenx zhenf zex renf; zos fangf zuif let, yuad nggangf zhaof fax lix lol zhuib jeuf xenx shif zex renf.  l. dol mual nongb zhit chuat sangd mol jaod nongb nat, ek dub mual dout leuf jaox mol jaos uat dol mual nongb bongb bend leuf, dol muas nongb yuad dout boux nyax zax.

 

 

26. Lax deb guangd lil let chud huaf muax jaod dus?

Genb jif Lax deb guangd lil fax》、《Lax dex guangd lil fax shix hisb tiaox liflet guib dinf, lax dex guangd lil let chud huaf muax:  a. muas mual lak yaos muab luf yangf zhud yif zhit nggangf zhaof fax lix lol zhuangd rangf lax deb let, jat xenf draod shout let renx minx zhenf fud lax deb xenx zhenf  zhud guangd buf menx muab muas dout let nyax zax shout dangt; duif wex fangd lax deb lif yongf zongd tid guib huaf jat let muab dex deb jaos ghongb jaox mol uat vangx uat zhed, yuad guas muab shout dlaif deb guk zhit nggangf zhaof fax lix lol zhuangd rangf gaot uat dout let vangx zhed lak yaos luf yangf shex shib truad dangt, guas muab draod uat chenx lax deb jaos ghongb, duif uat hof lax deb lif yongf zongd tid guib huaf let, yuad muab zhit nggangf zhaof fax lix zhuangd rangf deuf mol ek nyaob shout dlaif deb gaot uat let vangx zhed tab luf yangf shex shib shout dangt, kod yil nbluat nyax drout; duif dex nenb guk zhud guangd tab luf dol nenb muax zex renf, yuad nggangf zhaof fax lix keuk xenx zhenf chud fenb drout; zos fangf zuif let yuad nggangf zhaof fax lix zhuib jeuf xenx shif zhex renf.  b. wex fangd fax lix mol shout dex deb jaos ghongb uat khaod vuallaol nzangt lak yaos mol shout dex deb jaos ghongb uat zhedkeub shuabduat rebnjeuk kuangf、 keub angd dex nat, guas blangl deb gaox jaos zhit dout ghongb leuf let,  lak yaos mol shout blangl deb gaot kaib fax luf yangf uat blangl deb gaot dex angd dub shid zhit dout leuf, jat xenf draod shout let renx minx zhenf fud lab deb xenx zhenf zhud guangd buf menx guas muab dleut dangt tab muab draod uat dout deb jaos ghongb, kod yil nbluat nyax ndout; zos fangf zuif let, yuad nggangf zhaof fax lix lol zhuib jeuf xenx shif zex renf.   c. yaos das zhit nongs haik zhit muab dex deb gaot draod uat chenx deb ghongb let, jat xenf draod shout let renx minx zhenf fud lax deb xenx zhenf zhud guangd buf menx keuk ib lob hnob nyongs drout guas uat dad; zos jaix zhit uat let, yuad guas tef nyax zax lil blangl deb gaot drout, jaol lol keuk drout luf dol muab blangl deb gaot uat rongt jaos dout ghongb, kod yil nbluat nyax drout.   d. zhit dout zhaot jait lak yaos mol uat zax uat jit pinf guas zhaot jaitzhit hof fax lix let mol buad lax deb, jat xenf draod shout let renx minx zhenf fud lax deb xenx zhenf zhud guangd buf menx mol guas muab zhit hof fax lix buad dout let dex lax deb gaot boux draod ghangb, duif wex fangd lax deb lif yongf zongd tid guib huaf jat let muab dex deb jaos ghongb jaox mol uat vangx uat zhed, yuad guas muab shout dlaif deb gaot uat dout let vangx zhed lak yaos luf yangf shex shib truad dangt, guas muab draod uat chenx lax deb jaos ghongb, duif uat hof lax deb lif yongf zongd tid guib huaf let, yuad muab zhit nggangf zhaof fax lix mol buad dout ek nyaob shout dlaif deb gaot uat let vangx zhed tab luf yangf shex shib shout dangt, kod yil nbluat nyax drout; duif dex nenb guk zhud guangd tab luf dol nenb muax zex renf, yuad nggangf zhaof fax lix keuk xenx zhenf chud fenb drout; zos fangf zuif let yuad nggangf zhaof fax lix zhuib jeuf xenx shif zhex renf.  Las zhaot jait shid dangf shik buad lax deb ndout leuf,  buad ndout leuf let dex lax deb yuad nggangf zhaof zhit hof fax lix buad lax deb lol nbluat drout.  e. rex raol let cunb minx zhit dout mol taod dout ndoub ndeud lak yaos mol uat zax uat jit pinf dout ndoub ndeud, langf mol buad lax deb lol uat zhed let, jat xenf draod shout let renx minx zhenf fud lax deb xenx zhenf zhud guangd buf menx mol guas muab buad dout let lax deb boux draod ghangb, yuad haik ib lob jaix nyongs guas muax dex vangx zhed chab shout dlaif deb gaot truad dangt. Yaos das uat ndout tlout sendzif zhif qibzhix xax shif guib dinf let biaob zhund, buad dout ndout let dex lax deb nggangf zhit hof fax lix buad lax deb lol nbluat drout.   f. nggangf zhaof fax lix hof shout draod ghangb drout gox juab let lax deb, yaos das dol nenb ndangt bloub zhit muab lax deb jaob deuf lol let, zhuak yaos linx shix shid let lax deb zos jaix zhit boux draod ghangb let, lak yaos dout shid gox juab dex lax deb,dangf shik zhit nggangf zhaof pib zhund uat let yangf ek jaox mol luf yangf leuf let, jat xenf draod shout let renx minx zhenf fud lax deb xenx zhenf zhud guangd buf menx muas muab lax deb boux draod ghangb, yuad nbluat nyax drout.  g. langf muab dob ghongb nenb duaf cix let lax deb jaos ghongb jaos longt rangf deuf molzhuangd rangf deuf mol lak yaos muab drout deuf mol uat luf yangf, jat xenf draod shout let renx minx zhenf fud lax deb xenx zhenf zhud guangd buf menx guas muab dleuk dangt, muab dout let nyax zax shout dangt, nbluat nyax drout. 

 

 

27. Jif huaf senb nyuas guangd lil chud huaf muax jaod dus ?

Genb jif Nenb tab Jif huaf senb nyuas faxguib dinf, jif huaf senb nyuas guangd lil let chud huaf muax:  a. zhit nggangf zhaof fax lix bangb las uat jif huaf senb nyuas sheud shux let; muab chaob shenb jif shux tab luf yangf jif shux sheud duanf bangb las shaib hod ndruab tab dol mid nyuas yaos dob yaos ncaik ek muab nyuas ndouk dangt let;  uat juad let jaik nyuas sheud shuxuat juad let yib xox jenf dinfshout jif huaf senb nyuas neud zhenf minx juad let, jat jif huaf senb nyuas xenx zhenf buf menx lak yaos wef senb xenx zhenf buf menx nggangf zhaof yol let dlex nof yaos yangf dus guas nil muab dleuk dangt, keuk jend gaof drout, muab ndrad dout let nyax zax shout dangt, yuad nbluat dout let nyax zax 10000 dlaif draod shout 30000 dlaif draod hod;  bloub ndox lox let, muab dlaif ndeud zhix nix zhenf trot dangt; zos fangf zuif let, yuad nggangf zhaof fax lix zhuib jeuf xenx shif zex renf.   b. uat ndeud jif huaf senb nyuas zhenf minx juadyol uat yol ndeud jif huaf senb nyuas zhenf minxmual muas ndeud jif huaf senb nyuas zhenf minx, jat jif huaf senb nyuas xenx zhenf buf menx muab muas dout let nyax zax shout dangt,  yaos dub muas dout 5000 dlaif zax draod shout let, yuad nbluat shout dout nyax zax ndout zheus let 2 nbous draod shout 10 nbous draod hod; yaos das shout dout let nyax zax zhit zos 5000 dlaif, nbluat nyax zax 5000 dlaif draod shout 20000 dlaif draod hod;  zos fangf zuif let, yuad nggangf zhaof fax lix zhuib jeuf xenx shif zex renf.  Dlaif ndeud jif huaf senb nyuas zhenf minx yaos das uat zox uat jit muab dout let, jat jif huaf senb nyuas xenx zhenf buf menx muab shout draod ghangb.  c. dex dob nyuas guk zhit hof beb gox juab lob zhenf cex yos nyuas huaf nat, naf zid yuad dout tef nghet shef huif fux yangk fef. Nyaob lob jaix nyongs guk las keuk tef zhit zouk shef huif fux yangk fef let, zix hnob guk chuat nghet gaot mol, nggangf zhaof gox juab let ib cat guib dinf yuad ndout shout zax zhif nax jenb; yaos das zhit tex dex nyax zax nat, jif huaf senb nyuas xenx zhenf buf menx muax jait nggangf zhaof fax lix mol taod guas renx minx fax yenf qangx zhif let duax shout.  d. yaos das uat deud nguadzud taid jiaf huaf senb nyuas xenx zhenf buf menx tab nil buab dex nenb uat dlex nof nggangf zhaof fax lix zhix xenx gongb vuf let, jat jif huaf senb nyuas xenx zhenf buf menx khuab khat tab zhit bob uat let ndeuf; yaos das wex fangd zhif nggangb guangd lil xenx wex let, nggangf zhaof fax lix keuk zhif nggangb guangd lil chud huaf drout; zos fangf zuif let, yuad nggangf zhaof fax lix zhuib jeuf xenx shif zex renf.

 

 

28. Dol lab zhit yaos lob nax xongt xenx zhenf zex renf? Duif dex nenb zhit bod 14 xongt buak uat dout xenx zhenf chud huaf? dex nenb guk dub bod 14 xongt leuf hat zhit bod 18 xongt mol uat cof bloub fangf drous fax yuad uat jangl uat?

Nax xongt xenx zhenf zex renf haik let yaos dol nenb nat zos lob nax xongt dus ek nil mol uat cof bloub fangf drous fax, yuad zhof dout ndangt bloub let lob nax xongt. Genb jif Xenx zhenf chud huaf faxnghait 25 tabMinx fax tongb zexguib dinf, dex nenb zhit bod 14 xongt uat cof bloub fangf drous fax, zhit uat xenx zhenf chud huaf, yuad guas naf zid lol khuab khat; yaos das naf zid khuab khat zhit zos qeut jek yuad zhunb jeuf naf zid let fax lix zex renf; dex nenb bod 14 xongt hat zhit bod 18 xongt mol uat cof bloub fangf drous fax let, yuad mangs xenx zhenf chud huaf, dangf shik yuad mangs shib ib nzhik.

 

 

29. dex nenb vuf fangf drous fax yuad uat jangl uat?

Genb jifXenx zhenf chud huaf faxnghait 26 guib dinf, nenb vuf yaos das dub zhit boub nil yaos uat jangl uat lak yaos lob hlub hout dub zhit boub lab zhit yaos cof lab zhit yaos hof ek mol fangf drous drous fax let, zhit uat xenx zhenf chud huaf, dangf shik yuad guas naf zid gud dix nenx zhangt rod ndrox tab jaox mol kot maob. Dex nenb vuf guk ib blas vu fib blas rongt, yaos das touk rongt mol fangf drous fax, yuad keuk xenx zhenf chud huaf drout.

 

 

30. Nenb ndangt bloub yuad nyaob hnob nyongs nded nbouf let jangl jaod nyax nbluat?

Genb jifXenx zhenf chud huaf faxguib dinf, dangb changd uat deuf xenx zhenf chud huaf ( haik let yaos xenx zhenf zhud tid nyaob dol nenb uat cof let bloub ndox dub yaos zhenb let, lak yuad muax fax lix yib jif, yuad nbluat 50 dlaif zax draod hod, duif fax renx lak yaos luf lob zud zhix nbluat 1000 dlaif zax draod hod tab jend gaof dex xenx zhenf chud huaf nat, kod yil dangb changd jeuf uat deuf xenx zhenf chud huaf), yaos das dangb changd zhit nbluat nyax hnob ghangb jeuf langx nbluat dout, yaos das nbluat let 20 dlaif zax draod hod let dangb changd jeuf muax zax shout zhes, xenx zhenf jib guangb tab nenb zhix fax zhit bob shout zax. Xenx zhenf jib guangb uat deuf nbluat nyax let jix dinf leuf, dlaif ndeud nbluat nyax sangt zos dol nenb ndangt bloub caik del yuad haik minx guas mol lob Zhed jat nyax ( yenx hangx) dus jaob nyax nbluat, dol nenb ndangt bloub nyaob zaik dout dlaif ndeud xenx zhenf chud huaf let 15 hnob draod hod, yuad mol shout ndeud deut khat let lob Zhed jat nyax jaod nyax nbluat, yaos das hnob dif 15 yaos hnob shout dlex nof leuf jek jat las shot dlex nof dangl draod uat dlex nof let teux hnob mol jaob nyax nbluat. Nyaob drout dex lob deub qeut daox drongb houd bel zhit nbuak ged cheb tab nyaob drout shout ndol dlex naf had uat dlex nof, xenx zhenf jib guangb tab nenb zhix fax uat deuf nbluat nyax let jix dinf leuf, dol nenb ndangt bloub mol langx mol zos lob zhed jat nyax guk las guas mol, dob nenb ndangt bloub yuad haik deuf lol, zenx zhenf jib guangb tab nenb zhix fax kod yil dangb changd jeuf muab nyax nbluat shout zhes.

 

31. Dol nenb ndangt bloub nyaob dex qenx kuangf dus kod yil did deud nguad zhit tef nyax nbluat?

Xenx zhenf jib guangb tab nenb zhix fax dangb changd shout nyax nbluat, muab keuk drout dol nenb ndangt bloub let ndeud buad pinx sheub jif yuad yaos sendzif zhif qibzhix xax shif caix zhenf buf menx tongd yix luaf deuf let; yaos das dlaif ndeud buad pinx sheub jif nbluat nyax zhit yaos tongd yix luaf deuf let, dol nenb ndangt bloub muax jait dis deud nguad zhit tef nyax nbluat.

 

 

32. Dol nenb ndangt bloub zhit muax zax tef nyax nbliut uat jangl uat?

Dol nenb ndangt bloub yaos zhenb let zhit muax nyax zax, yuad jaix nyongs nded lak yaos yuad faib uat aob beb ral lol tef nyax nbluat, dol nenb ndangt bloub yuad mol daix taod tab jat xenx zhenf jib guangb pib zhund, let kod yil jat jaix nyongs nded ib nzhik lak yaos faib uatb aob beb ral tef nyax nbluat.

 

 

33. muax jait shout zaik nyax nbluat let yaos jaod jib guangb dus?

Genb jifNbluat nyax jix dinf tab nbluat nyax shout jaod uat aob zox ged mol let shix shib bangf huaxguib dinf, jat Zhongx gox renx minx yenx hangx pid zhund muax dlex nof shout zaik zax let shangb nix yenx hangxxenf yongf hox zox shef, kod yil uat yangf dlex nof daf shout nyax zax nbluat. Shaib yuad guas lob daf shout jib geuf dus lol shout zaik yuad jat xenf draod shout let deb qeut renx minx zhenf fud zud zhix gheb caix zhenf buf menx gaotZhongb gox renx minx yenx hangx nyaob lob deb qeut gaot let fenb zhib jib geuf tab nggangf zhaof fax lix muax xenx zhenf chud huaf qenx let xenx zhenf jib guangb lol uat ged shangb liangb let dinf. daf shout nyax nbluat let jib geuf let khaod qeut shout nyax nbluat yuad ndout, let fangb binf dex nenb ndangt bloub mol jaod nyax nbluat. Xenx zhenf jib guangb yuad nggangf zhaof lol bangf huax nat tab gox juab let ib cat guib dinf, mol ndros daf shout zaik nyax nbluat let jib geuf shout ndeud daf shout zaik nyax nbluat xix yif.

 

 

JSUF SONGF( NDOUK BES NOS)

 

1Minx shif suf songfxenx shif suf songf tab xenx zhenf suf songf muas lab zhit tongx?

Minx shif suf songf tab xenx shif suf songf zhit tongx let yaos:  a. qid suf let zhud tid zhit tongx. Nyaob drout hod minx shif guangb sib let qid suf zhud tid yaos nggangf nzid gik drous let nenb lak yaos zud zhix let lif haf guangb xif yaos uat njangx ndraik let; xenx shif guangb sib chux leuf dex nggangf nzid guk yol haik yol bloub ndox, dub yuad jat Jend chax yenf daif biaod gox juab tix deuf gongb suf, dol nenb drous haf mol ndros Fax yenf qid suf zhit dout.  b. suf songf yenx zex zhit tongx. Suk let nyaob hod minx shif guangb sib muax tiaox gaid yenx zex, chud fenb yenx zex, ndid njoux yenx zex; nyaob drout hod xenx shif guangb sib tiaox gaik zhit dout ( chux dex xenx shif nggangf nzid guk yol haik yol let bloub ndox), dol nenb ndangt bloub lak zhit muax chud fenb qenx, dangf shik dol nenb guk caid das yaos fangf zuif, dol nenb drous gaof muax yol haik yol dex bloub ndox let qenx lif.  c. muax ib cat shend pangf cenx cenf zhit tongx. Hod minx shif guangb sib let teux lob cenx cenf faib uat puk tongb tab yongx yif aob lob cenx cenf nat; hod xenx shif guangb sib let teux lob cenx cenf faib uat gongb suf cenx cenf tab yol haik yol bloub ndox cenx cenf. Chuad let, hod minx shif guangb sib muax tex shub cenx cenf, dangf shik zhit muax mangs duat let fuf hex cenx cenf, hod xenx shif guangb sib dros minx shif guangb sib yaos fangd dreud let.  d. zhix xenx let cenx cenf zhit tongx. Minx shif suf songf zos daof ghangb let caix pangf yaos jat dol nenb ndangt bloub nil mol ndangt nil, fax yenf zhit zhit qangx zhif zhix xenx, jeuf yaos haik das fax yenx qangx zhif zhix xenx lak muab nil let zif yeux xenf zhif dreud; dangf shik xenx shif guangb sib zos daof ghangb let caix pangf chux lak jat fax yenf lol qangx zhif zhix xenx, hax yuad jat luf lob jib guangb lol zhix xenx tab, nil zhit dangb yaos rod ndrox tab muab dol nenb drous gaof kit druax, hax kod yil yuad dol nenb drous gaof let shad.

Minx shif suf songf tab xenx zhenf suf songf zhit tongx let yaos:  a. suf songf qenx tix zhit tongx. Haik zos minx shif suf songf jek jeuf yaos muax ib shangb dol nenb ndangt bloub let minx shif shix tid qenx lif drous qenb haf ek mol ndros luf ib shangb nenb ndangt bloub shik zhenb shik ched, dangf shik xenx zhenf suf songf zhuak yaos dol nenb mol gaof zhif fux xenx zhenf jib guangb uat deuf let jif tid xenx zhenf xenx wex. b. suf songd zhud tid zhit tongx. Nyaob hod xenx zhenf suf songf dol mol gaof tab dol drous gaof dub yaos ib yangf let, jeuf yaos haik das dol mol gaof zhuak yaos ib dol nenb drous xenx zhenf guangd lil, dol drous gaof zhuak nenx yaos xenx zhenf jib guangb tab dex lob zud zhix guk fax lix , fax guib zhaot jait mol uat xenx zhenf qenx; hod minx shif guangb sib let zhud tid zhit muax lob tex dind nat.   c. muab deuf buad pinx let zex renf guib zex zhit tongx. Nyaob hod xenx zhenf suf songf let buad pinx zex renf dub yaos dol drous gaof muab deuf lol, dol mol gaof zhit muab buad pinx deuf lol; nyaob drout hod minx shif suf songf, jeuf yaos haik das dol mol gaof lak yaos dol drous gaof, muab deuf let buad pinx dub yaos  lenx dus haik bloub, lenx dus muab buad pinx.   d. nyaob drout touk qangx zhif zhix xenx lak zhit tongx. Nyaob drout hod xenx zhenf suf songf, chux renx minx fax yenf leuf, muax jait uat qangx zhif zhix xenx let xenx zhenf jib guangb lak kod yil uat chenx zhix xenx jib geuf( zhuak yaos lob jib guangb ndeuf uat deuf let jif tid xenx zhenf xenx wex); dangf shik nyaob hod minx shif suf songf let qangx zhif zhix xenx jib geuf zhuak nenx yaos renx minx fax yenf. Hax chuad, xenx zhenf suf songf qangx zhif chux duif dex caix changd cuat yangf, hax kod yil muabb dol nenb qangx zhit let jaox mol geut tab qnagx zhif let guas mol uat dob draos dex nat; dangf shik nyaob drout hod minx shif suf songf zhuak yaos muab caix changd cuat yangf shout leuf, zhit bob muab dol nenb uat jangl.

 

 

2. Haik zos minx shif suf songf yuad hof dex tiaox jenf dus? Dlaif ndeud qid suf yuad muax dol lab zhit shout cuat?

a. dol mol gaof yuad yaos tab lob nggangf nzid nat muax lif haf guangb xif uat njangx ndraik let gongb minx, fax renx tab luf lob zud zhix;  b. dol drous gaof yaos lenx dus yuad haik minx;  c. yuad muab bloub ndox tab yol let ged jait haik cangb haik cuat;  d. yaos renx minx fax yenf zaik del let minx shif suf songf fangf wex yuad jat lob renx minx fax yenf guk zaik del lol guangb.

Ndeud qid suf yuad shout muax dex ndrangl ghangb nat: dol nenb ndangt bloub let ib shangb yuad yaos gongb minx, yuad shout cuat lob nbet, yaos box yaos yeus, muax zheus xongt, yaos yangf haid nenb dus, uat dlex nof lab zhit, qeut uat dlex nof tab zhed nyaob haid dus, yeux zhenf binb mak tab nil let sod dongx; nenb ndangt bloub let ib shangb yaos fax renx, yuad shout cuat fax renx lak yaos lob zud zhid let nbet, qeut nyaob tab dol fax dinf nenb daif biaod lak yaos dol hout nof let nbet, hout nof luax dus, yeux zhenf bin mak tab sod dongx;  b. yuad suf songf guas uat lab zhit;  c. haik let bloub ndox tab ged jait;  d. buad pinx tab buad pinx yaos lol haid dus lol, dol nenb guk uat nenb zhenf minx let nbet tab qeut nyaob. Njot nzhongd: dol nenb ndangt bloub lob qeut nyaob yaos das tab huaf nat nyaob let zhit ib yangf, yuad muab shout guas minx bef.

 

3. Renx minx fax yenf zaik del xenx zhenf suf songf let bloub ndox muax jaod dus?

a. duif zhit fux drous geut, nbluat nyax, ndeud xik kok zhenf tab ndeud zhix zhaof drous trot leuf, guas tinx changd tinx nix, cuat yangf dros shout leuf dex xenx zhenf chud huaf nat let;  b. duif zhit fux las muab shaib ndrox hend lak yaos caix changd cuat yangf drous fongb leuf, drous keuf, dongf jix dex xenx zhenf cof shib nat let;  c. sangd das yol let langx luaf drous xenx zhenf jib guangb zhit nggangf zhaof fax lix lol uat ek drous qenb fangf let;  d. sangd das yol mol xenx zhenf jib guangb daix taod ndeud xik kok zhenf tab ndeud zhix zhaof yaos hof ged fax lix, ek xenx zhenf jib guangb muax keuk tab zhit deb njoux let;  e. mol xenx zhenf jib guangb daix taod baod fuf yol dol nenb tab yol dex caix changd cuat yangf, ek xenx zhenf jib guangb zhit uat tab zhit deb njoux let;  f. sangd das xenx zhenf jib guangb zhit nggangf zhaof fax lix huaf nyax fuk xix jenb drout yol let;  g. sangd das yaos xenx zhenf jib guangb zhit nggangf zhaof fax lix guas yol uat dlex nof let;  h. sangd das xenx zhenf jib guangb fangf drous yol, caix changd cuat yangf let;  i. Fax lix, fax guib guib dinf let luf yangf suf songf dout let xenx zhenf nggangf nzid.

 

4. Yaos das muax ib daos zhit nyaob deb qeut nat, nyaob drout luf deb qeut, buak nyaob nyaob dout deb qeut nat let fax yenf tix deuf suf songf?

Ib bangb lol haik, yuad mol daos guk nyaob let lub lob deb qeut gaot let renx minx fax yenf tix deuf suf songf.

 

5. aob naf zid shik ndroux let suf songf, yaos das muax ib daos zhid leuf, ndrad zhit dout, nyaob yol deb qeut let fax yenf buak qid suf dout?

Aob naf zid muax ib daos ndrad zhit dout leuf, daos nat yuad mol drout renx minx fax yenf, yuad guas shik ndroux, dex nggangf nzid guk zhit dout haik zos das nenb ndrad zhit dout leuf lak yaos dub duas leuf, renx minx fax yenf yuad zaik del, yuad shout ndeud gongb gaof haik khat dol nenb zhit bof leuf ek let muab ndeud suf songf sangt mol zos nil del.

 

6. Nyaob hod shik ndroux let suf songf, yaos das dol box zhenf hait nyuas, dol yeus buak mol qid suf dout?

«Zhongb huax Renx minx Gongf hox gox hunb yenb fax » nghait 34 guib dinf: dol box nyaob touk hait nyuas, yos nyuas leuf let 1 xongt draod hod lak yaos dol box nyuas leuf let 6 lob hlit draod hod, zhit bob dol yeus tix deuf lol shik ndroux. Yaos das dol box tix deuf lolyuad ndroux let, lak yaos renx minx fax yenf haik das zhenb let muax bix yaof zaik del dol yeus daix taod shik ndroux let, uat let lak dout nyaos.

 

7. Nyaob drout hod shik ndroux suf songf, yaos das dol box zhenf hait dreud nyuas, bol box buak mol qid suf dout?

Dol box zhenf hait dreud nyuas, dol box kod yil tix deuf dhik ndroux let suf songf.

 

 

8. Dol lab zhit yaos suf songf shix xaof? Minx shif suf songf duif suf songf shix xaof yaos uat jangl guib dinf let?

Suf songf shix xaof, haik let yaos nyaob drout hod minx shif suf songf muax jait let neb daix taod guas renx minx fax yenx nyaob hod lob jaix nyongs guk fax lix guib dinf baod fuf yol let hox fax minx shif qenx yix. suf songf shix xaof tlout leuf, daf shik kod yil tix deuf suf songf, dangf shik yol let ib cat zhud zhangb qenx lif fax lix zhit baod fuf leuf.

Suf songf shix xaof faib uat ib bangb let suf songf shix xaof tab tex shub suf songf shix xaof. Ib bangb let suf songf shix xaof yaos nyaob ib bangb qenx kuangf lol shid let suf songf shix xaof. Genb jif « Minx fax tongb zex» nghait 135 guib dinf, muax minx shif qenx lif let nenb boub das yol let qenx lif drous qenb haf let 2 xongt draod hod nat, jeuf yuad ndros renx minx fax yenf tix deuf suf songf, yaos das tlout leuf, nil let minx shif qenx lif fax lix jeuf zhit baod fuf lak. Tex shub suf songf shix xaof haik let yaos duif ib cat tex shub let minx shif fax lix guangb xif guib dinf let jaix nyongs, faib uat jaix nyongs lot suf songf shix xaof, jaix nyongs nded suf songf shix xaof, jaix nyongs nded hend let suf songf shix xaof.

«Minx fax tongb zex» nghait 136 guib dinf let suf songf shix xaof jaix nyongs yaos 1 xongt let muax 4 yangf:  a. yol lob jed drous shangb haf yuad daix taid boux let;  b. muas dex cuat yangf guk zhit rongt zhit hox gex lak zhit dout haik drout duaf cix boub let;  c. zhes nded zhit dout tef lak yaos zhit tef nyax drout cuat yangf let;  d. yol let cuat yangf keuk drout las bangb keuk jat drous uat bongb leuf lak yaos drous uat bual leuf let.

«Minx fax tongb zex» nghait 137 guib dinf let jaix nyongs nded hend let suf songf shix xaof let jaix nyongs yaos 20 xongt. Jaix nyongs nded hend let suf songf shix xaof let jaix nyongs yaos zix touk guk qenx lif drous qenb haf suangf mol, jeuf yaos haik das dol nenb dub zhit boub das yol let qenx lif drous qenb haf, renx minx fax yenf lak zhuak yaos baod fuf 20 xongt draod hod let sub.

 

9. Mol fax yenf qid suf, ib bangb let yuad yuad dex caix liaof cuat yangf dus, fax yenf let zeux zaik del?

Gongb minx, fax renx lak yaos luf lob zud zhix yuad mol fax fenf qid suf, yuad jed ndeud suf zhuangf. Chuat let, hax yuad muab deuf dex caix liaof cuat yangf guk gik drous dol nenb drous gaof tab shenb fenf zhenf minx tab buad pinx caix liaof dex nat.

 

10. Nyaob drout hod fax yenf tix deuf suf songf, yaos zhit yaos dub yuad dout tef nghet suf songf?

Hod «Zuib shab renx minx fax yenf haik zos duif dex nenb ndangt bloub guk zhit muax nyax zax uat sib fax jeuf zhuf let guib dinf» guib dinf das renx mix fax yenf duif dex nenb ndangt bloub guk wex fuf nil let hox fax qenx yix, ndros renx minx fax yenf tix deuf minx shif, xenx zhenf suf songf, dangf shik zhik hod zhed bluas zhit muax nyax zax, yuas six xenx nghet suf songf bangb tef, zheus tef, zhit tef.

Suk let dex qenx kuangf ndrangl ghangb nat let, kod yil ndros renx minx fax yenx daix taod sib fax jeuf zhuf:  a. mol taod yuad nyax yos loul, nyax yos hlob, nyax fuk xix jenb let;  b. nenb loul duf nenb, nyuas nzhuas tab rex raol let  5 baod fuf;   c. dex nenb dlis muas dot deut guk kud zhit doul nyax zax, dex nenb guk shout jed muax maox muax nghenl;  d. gox juab guib dinf let dex nenb guk drous yeub fuk tab nggangb zhix;  e. mol taod yuad shef huif baok xenk jenb, zax ros tab jenb jif buk changx jenb let;  f. dex nenb drous cheb bluad drous, mol kot maob drous kot yuaf ged leuf, uat dlex nof drous shangb, dex changd pind zhix liangf zhit rongt uat drous lak yaos luf yangf uat shangb drous, yuad guas boux let;  g. dex nenb mol jeuf nenb lak yaos baod fuf shef huif gongb gongf lif yix jat yol let hox fax qenx yix drous haf drous, nil lak yaos gud dix nenx zhangt guas boux tab jenb jif buk changx let;  h. mol hod ndrongs ndouk ros taod yuad zax ros lak yaos luf yangf hox fax qenx yif drous las haf drous ek yuad guas boux let;  i. Nyaob hod ndrongs dout gab ndrongs jib minx zuif nghel shenb huox baod zhangf, rex raol dex yif bluas nenb guk zhenf fud jeuf jif lak yaos zhuak dout shix nix baod zhenf jenb, kud zhit dout luf yangf nyax zax let;  j. wef yaos daox baob angd zhens ek muab lob nenx uat bluas leuf, zhenf daol dreud shef huif jeuf jif, lak yaos hod zhed uat langx luaf uat zhit dout naox let;  k. qid suf xenx zhenf jib guangb wex fangd fax lix guas dob ghongb nenb mol uat dlex nof let;  l. zhenf jat ib cat buf menx duax uat fax lix yenx zhuf let;   m. dol nenb ndangt bloub yaos nyaob drout hod shef huif fux lif jib geuf, zhed yos loul, lob zhed kot maob las bangb coub, zhed kot nenb maob vuf, lob raol mid nyuas SOS, shef huif jeuf zhuf zhangf, dex lob zhed khat dex nyuas dlis muas langs nzhex dex shef huif gongb gongf fux lif dangb wef nat let;  n. luf yangf kunf nangx yuad yuad drous sib fax jeuf zhuf let.

 

11. Lab zhit yaos fax lix yenx zhuf? Fax lix yenf zhuf let tiaox jenf muax jaod dus?

Fax lix yenx zhuf haik let yaos yuad baod zhangf dex nenb guk hod zhed bluas zhit muax nyax zax ek fax lix yuad dout bangb dleub drout nil buab let fax lix zib xenx, daf lik, xenx shif ndid njoux ndouk bes nos dex nat.

Gongb minx yuad yuad drous daif lik ndrangl ghangb dex bloub ndox nat, wef yaos zhit muax nyax zax ndad nenb daif lil let, kod yil mol ndros fax lix yenx zhuf jib geuf daix taod fax lix yenx zhuf:  a. nggangf zhaof fax lix taod guas gox juab boux nyax zax let;   b.daix taod guas dout shef huif baok xenk daif yif lak yaos zuif ghel shengb hox baod zhangf daif yif let;  c. daix taod guas huaf keuk zax fuk xix jenb, zax jeuf jif jenb;   d. daix taod guas keuk nyax yos loul, nyax yos hlob let;  e. daix taod guas keuk nghet ros let;  f. mol jeuf nenb nzhib drous bloub ndox let. 

Nyaob hod xenx shif suf songf muax ndrangl ghangb dex qenx kuangf nat let, gongb minx kod yil mol ndros fax lix yenx zhuf jib geuf daix taod fax lix yenx zhuf:  a. zix hnob guk dol nenb las caid das yaos fangf zuif teuf ral drous zhenb chax jib guangb jaox mol nos lak yaos drous ndel leuf qid, wef yaos zhit muax nyax zax ndad lix shib let;  b. hod gongb suf nggangf nzid let dol nenb drous haf tab nil fax dinf nenb daif lik lak yaos gud dix nenx zhangt, zix hnob guk lob nggangf nzid drous sangt mol shend chuax qid suf, wef yaos zhit muax nyax zax hot zhit doul suf songf nenb daif lik let;  c. zif suf nggangf nzid let dol nenb zif suf tab nil let fax dinf nenb daif lik, zix hnob guk nggangf nzid drous renx minx fax yenf zaik del leuf, wef yaos zhit muax nyax zax hot zhit doul suf songf nenb daif lik let.

Dol nenb gongb suf chux tinx gongb suf let nggangf nzid, dol nenb drous gaof wef yaos zhit muax nyax zax lak yaos luf yangf yenx yenb hot zhit doul nenb ndid njoux, touk renx minx fax yenf guas dol nenb drous gaof deut guas ndid njoux, fax lix yenx zhuf jib geuf yuad dout bangb fax lix yenx zhuf drout.

Dol nenb drous gaof yaos dlis muas, langs nzhex, ghuas khud lak yaos jaod nenb zhit dout dad hluak hat zhit dout guas nenb bangb ndid njoux let let, lak yaos dol nenb drous gaof nchait zeux drous pangf mangs duas ek zhit hot nenb ndid njoux let, touk renx minx fax yenf guas dol nenb drous gaof deut deuf dol nenb ndik njoux, fax lix yenx zhuf jib geuf yuad bangb fax lix yenx zhuf drout, dol nenb drous gaof muax nyax zax zhit muax nyax zax dub yuad drous bangb.

 

 

12. Fax yenf let chuangx piaof guas kheb tinx leuf, dol gaof, dol drous gaof yaos zhit yaos yuad mol hod fax tinx?

Renx minx fax yenf duif dol nenb drous gaof guk uat jangl dub yaud zos hod fax tinx, huaf 2 ral chuangx piaof mol hot, yaos das zhit muax ged hat zhit yenf duax let, kod yil muab ndel duax. dol nenb drous gaof guk uat jangl dub yuad zos hod fax tinx, haik let yaos dex nenb drous gaof guk muax yos youl, dot hlob yif vuf tab nil duax zhit zos hod fax tinx jeuf zhix muax zhud yif lol chuax lob nggangf nzid nat. dex nenb zhit dout dad hluak guk keuk gox juab, jix tid lak yaos luf dol drous shangb haf leuf let dol fax dinb nenb daif lik, yaos das uat jangl dub yuad duax zos hod fax tinx let dout, huaf 2 ral chuangx piaof dub zhit muax ged zhit duax hod fax tinx let, lak kod yil mol muab ndel duax.

 

13. kheb tinx zos ib ndrangb, muax ib shangb jat let deuf mol leuf yuad uat jangl uat?

Dol gaof yaos drous chuangx piaof hot duax, dangf shik nil zhit muax ged zhit duax hod fax tinx let, lak yaos fax tinx dub zhit dout zhaot jait kheb tinx zos ib ndrangb nil jeuf deuf leuf, kod yil nggangf cex suf chud lil; dol drous gaof fangd suf let, zhit nyaob lak dot dout. dol drous gaof yaos chuangx piaof mol hot, zhit muax ged zhit duax hod fax tinx let, lak yaos fax tinx dub zhit dout zhaot jait, kheb tinx zos ib ndrangb jeuf deuf mol leuf, nil zhit nyaob lak dot dout.

 

14. Nyaob fax yenf ndouk bes nos, yaos zhit yaos uat jangl lak yuad hot lix shib lak yaos nenb daif lik?

Zhit yaos, hot lix shib lak yaos nenb daif lik yuad jat dol nenb ndangt bloub zif jid sangd shaib gab huak yuad hot.

 

 

15. Nyaob hod minx shif, xenx zhenf suf songf, dex nenb dus kod yil hot lol uat nenb daif lik?

«Minx shif suf songf fax» nghait 58, «xenx zhenf suf songf fax» nghait 29 guib dinf dol nenb ndangt bloub, fax dinf nenb daif lik, kod yil hot 1  2 dol nenb lol bangb nil suf songf. Lix shib, shef huif tuangx tid, tix deuf gongb suf let gongb minx let gud dix nenx zhangt lak yaos nyaob lob dangb wef hot let nenb, tab renx minx fax yenf zhaot jait let luf dol gongb minx, kod yil jat las hot duax uat suf songf nenb daif lik.

 

16. Ib shend fax yenf muab puk tongb cenx cenf lol shend lil minx shif nggangf nzid tab xenx zhenf nggangf nzid let jaix nyongs yuad nded nbouf let jangl?

Fax yenf muax dex cenx cenf yongx yif lol shend lil minx shif shif nggangf nzid, zid hnob lix nggangf qid zos 3 lob hlit shend dangl, zhit bob daix taod yuad hnob nyongs nded; fax yenf muab puk tongb cenx cenf shend lil let min shif nggangf nzid, yuas nyaob zix hnob lix nggangf zos 6 lob hlit draod hod muab shend dangl, muax tex shub qenx kuangf yuad shid hnob nyongs nded let, yuad jat lob fax yenf gaot dol yenf zhangd pib zhund zhaot njoux, kod yil jat hnob nyongs draod nded let 6 lob hlit, yaos das hnob nyongs zhenf zhit zouk, hax yuad yuad nded, jek yuad sangt mol guas gheb renx minx fax yenf bel shuab pib zhud zhaot njoux; fax yenf shend lil let xenx zhenf ngangf nzid, yuad zix hnob lix ngangf mol 2 lob hlit draod hod muab shend dangl.

 

 

17. Gongb minx njangx ndraik mol hod fax yenf qid suf ndouk xenx zhenf guangb sib let jaix nyongs yaos nded let jangl?

Tix deuf xenx zhenf suf songf let, yuad boub das zix hnob uat deuf jif tid xenx zhenf xenx wex mol 3 lob hlit draod hod tix deuf lol; duif dub uat dluat fux yif cenx cenf let, yuad nyaob hnob guk zaik dout ndeud fux yif jix dinf mol 15 hnob draod hod tix deuf lol. Touk xenx zhenf jib guangb uat deuf jif tid xenx zhenf xenx wex, zhit dout haik khat gongb minx, fax renx lak yaos luf lob zud zhix boub lob lob jaix nyongs yaos touk dus let, qid suf let jaix nyongs zix hnob guk gongb minx, fax renx lak yaos luf lob zud zhix boub suangf mol, danf shik zix hnob guk boub lak yaos yenf dangb dout jif tid xenx zhenf xenx wex yaos haik lab zhit mol , lob jaix nyongs ndex lak zhit bob nded tlout 2 xongt leuf.

 

 
【 文章作者:侯健 文章来源:侯健 点击次数:1338 文章录入:hmongheu    责任编辑:hmongheu 】 
 
 【发表评论】【加入收藏】【告诉好友】【打印此文】【关闭窗口
 网友评论:(评论内容只代表网友观点,与本站立场无关!)
 
 

 

点击申请点击申请
| 设为首页 | 加入收藏 | 联系站长 | 友情链接 | 版权申明 | 管理登录 | 
云南网警


主办:文山州苗学会
Copyright 2007-2015 © 文山苗族 All Rights Reserved 滇公网安备 53262102000271号

苗山新事:侯 健 七彩苗山:吴德华 苗学研究:李维金 苗山音视:陶志文
苗文空间:张元奇 文学园地:陶兴安 苗山风谣:杨朝山
站长信息:QQ 464402767 邮箱464402767@qq.com 手机 15308766544
 站  长:张 元 奇..技 术:杨 永 平、许 东

信息产业部备案
滇ICP备15005284号